SAN MATEO 5:18 - Lengua Sur (Enxet) Nuevo Testamento

¹⁸ Nakso' sektahakxa nak sekpeywa seláneya kéxegke, agkok kamassak makham néten tén han megkamassa enxoho makham keso náxop, megkólmaseksek xama ektáxama m'a eknaktáxésamaxche nak segánamakxa, megkólmaseksek xama enxoho m'a ekyókxoho ektáxésamaxche nak ekweykmoho ektaha m'a ekxámokxoho aksok peya nak katnehek.

SAN MATEO 5:18 Referans Kwoze

SAN LUCAS 16:17

“Awanchek kamaskok néten tén han keso náxop, yawanchek eyke kamaskok xama ektáxésamaxche m'a segánamakxa nak.

1 SAN PEDRO 1:25

wánxa agkok, megkamassegwomek eyke m'a Dios appeywa nak.” Cháxa tásek amya'a kéllegasama axta kéxegke xa.

SAN MARCOS 13:30

Katnehek sat xa amonye apkeletsapma énxet'ák apheyncha'a nak se'e kaxwo' nak. Nakso' xa sektahakxa nak seláneya kéxegke.

APOCALIPSIS 20:11

Ekwet'ak axta ko'o taháno ekmopé ekyawe, tén han ma'a ektaha axta apha néten. Massék axta aksa xóp tén han néten apwakto m'a ektaha axta apha néten xa taháno nak, massawók axta ekwetáxko cha'a.

SAN JUAN 5:19

Aptahak axta apchátegmowágko Jesús se'e: “Mopwanchek elának xama aksok Dios Apketche eñama m'a apmopmenyého apagko' nak elána'; wánxa aksa elának aksok apwet'a enxoho apkelana m'a Apyap. Ekyókxoho aksok apkelanakxa enxoho Apyap elának nahan ma'a Apketche. Nakso' xa sektahakxa nak seláneya kéxegke.

SAN MATEO 17:20

Aptahak axta apkeláneya Jesús se'e: —Asextók eyke megkólya'áseyam kéxegke. Yetneyk agkok megkólya'áseyam, kaxhok eykhe megkólya'áseyam ma'a ekwánxal'a aktek yámet ekweseyl'a mostaza, kóltehek kólának egkexe s'e: ‘Kapatyep xa, katnegwom mók nekha’, kapatyapok nahan xa egkexe nak. Megkólapagkanaxchék nahan kéxegke. Nakso' xa sektahakxa nak seláneya.

SAN MATEO 16:28

Meletsepek sat nahan nápakha énxet'ák apheyncha'a nak se'e, ekwokmoho apkelwet'a ewatak yakwayam etnehek Wese' apwányam ma'a ektaha nak Apketche énxet. Nakso' xa sektahakxa nak sekpeywa seláneya kéxegke.

SAN MATEO 13:17

Apxámok axta énxet'ák Dios appeywa apkellegaso, tén han ma'a énxet'ák eltakmela nak apkeltémakxa apmopmenyého elwetak se'e kélwet'a nak kéxegke, axta eyke elweteyk; apmenyék axta eykhe ellegak xa kélleg'awo nak kéxegke, axta eyke ellegeyk. Nakso' xa sektahakxa nak seláneya kéxegke.

SAN MATEO 10:23

Kélmenxenáha sat agkok kéxegke xama tegma apwányam, kólmohok sat kólenyahagkok pók tegma apwányam; hakte ewatak sat aptaha nak Apketche énxet neyseksa megkólsawhomo kélmaheyak apyókxoho tegma apwányam yókxexma Israel. Nakso' xa sektahakxa nak seláneya kéxegke.

SAN MATEO 6:2

“Kélpasmeyk agkok kéxegke m'a énxet'ák ekha nak eyéméxchexa aksok, nágkóltekkesha aksa amya'a ekyókxoho yókxexma, nágkólteme apkeltémakxal'a énxet'ák apkelmeyókásamákpohol'a apkeltémakxa, cham'a apchakneykekxexa nak judíos tén han ma'a ámay nepyeseksa tegma apwányam nak, yakwayam enxoho katakmelek apkelxénamap xa énxet'ák nak. Apkelxakék aksok apkelxawé naksa eñama aptamhéyak xa. Nakso' xa sektahakxa nak seláneya kéxegke.

SAN MATEO 5:26

Megkólántépekxék sat kéxegke m'a ekwokmoho kélsawhawo selyakye kélagkok kélyanmagkaso. Nakso' xa sektahakxa nak seláneya kéxegke.

SAN JUAN 21:18

Etaxnekxak axta cha'a exchep aptaxno yakwayam emhagkok apmokókxa enxoho emhagkok, cham'a aptémakxa axta apketkok; wánxa agkok, apwanakmek sat agkok, elpékesek sat xép apaktegák, keñe sat pók énxet etaxneyásekxa aptaxno, ey'aksek sat ma'a memokókxa enxoho emhagkok xép. Nakso' xa sektahakxa nak seyáneya exchep.

SAN JUAN 16:23

“Kamaskok sat selmaxneyeyncha'a kéxegke xama aksok ekwokmo enxoho m'a ekhem nak. Egkések sat kéxegke Táta ekyókxoho aksok kélmaxnagko nak eñama sekwesey. Nakso' xa sektahakxa nak seláneya kéxegke.

SAN JUAN 16:20

Kóllekxagwaha sat kéxegke, kallapwomagkok sat nahan, keñe sat kalpayhekxak apwáxók ma'a énxet'ák apheykha nak keso náxop. Kallapwomagkok sat eykhe kéxegke, ekpayheykekxa kélwáxok sat eyke kayakmagkasek xa ellapwámeyak nak. Nakso' xa sektahakxa nak seláneya kéxegke.

SAN JUAN 14:12

Enxet ektahakxa enxoho mehey'áseyam ko'o, elának sat ma'a ektémakxa nak cha'a ko'o aksok selané, kayeykhágwomhok sat nahan apkelané aksok ekwánxa nak ko'o selané, hakte peyk ko'o amyekxak ma'a aphakxa nak Táta, nakso' xa sektahakxa nak seláneya kéxegke.

SAN JUAN 13:38

Aptahak axta apchátegmowágko Jesús se'e: —¿Naksoya apmakawo ényók apyókxoho seyanmaga ko'o? Antanxo sat katnehek ekpáwá tat'a mexeyenma sekwesey exchep. Nakso' xa sektahakxa nak seyáneya exchep.

SAN JUAN 13:16

Enxet ektaha nak kélásenneykha metnehek cha'a apyeykhágweykmoho wese' apagkok, keñe m'a énxet ektaha nak kéláphaso metnehek cha'a apyeykhágweykmoho m'a ektaha nak apcháphaso.

SAN JUAN 12:24

Agkok etyekmok hótahap apaktek náxop, tén han megyetsapa enxoho, megkaxyánegwomek ekteme hótahap apaktek; wánxa agkok, ketsekkek agkok hótahap apaktek, xámok katnehek kélnakxo apyexna. Nakso' xa sektahakxa nak seláneya kéxegke.

SAN JUAN 10:7

Aptahak axta makham Jesús apkeláneya énxet'ák se'e: “Ko'o sekteme átog apkelántaxnegweyktamxal'a nekkések. Nakso' xa sektahakxa nak seláneya kéxegke.

SAN JUAN 10:1

Aptahak axta appakmeta Jesús se'e: “Enxet ektahakxa enxoho metaxnegweykta átog nekkések apxagkok, cháxa apteme énxet apmenyexma xa, apteme nahan ekmaso aptémakxa. Nakso' xa sektahakxa nak sekpeywa seláneya kéxegke.

SAN JUAN 8:58

Aptahak axta apchátegmowágko Jesús se'e: —Ekhegkek axta ko'o meykexa Abraham. Nakso' xa sektahakxa nak seláneya kéxegke.

SAN JUAN 8:51

Enxet ektahakxa enxoho apkelyaheykekxoho sekpeywa megyetsepek sat. Nakso' xa sektahakxa nak seláneya kéxegke.

SAN JUAN 8:34

Aptahak axta Jesús apkeláneya énxet'ák se'e: —Apyókxoho énxet'ák apkeláneyak nak melya'asáxma, apteme elma melya'asáxma, nakso' xa sektahakxa nak sekpeywa seláneya kéxegke.

SAN JUAN 6:53

Aptahak axta apkeláneya Jesús se'e: —Agkok koltáwak kéxegke aphápetek ma'a ektaha nak Apketche énxet tén han megkólyena enxoho éma apagkok, méko sat katnehek ekyennakte kélnenya'ák kéxegke. Nakso' xa sektahakxa nak sekpeywa seláneya kéxegke.

SAN JUAN 6:47

Enxet apteme nak mey'áseyam, yetneyk ekyennakte apnenyek. Nakso' xa sektahakxa nak sekpeywa seláneya kéxegke.

SAN JUAN 6:32

Aptahak axta apchátegmowágko Jesús se'e: —Háwe axta Moisés apméso kéxegke nento eñama néten, Táta axta eyke aptaha apméso kéxegke m'a nento ektaha nak ekmámnaksoho eñama néten. Nakso' xa sektahakxa nak seláneya kéxegke.

SAN JUAN 6:26

Aptahak axta apkeláneya Jesús se'e: —Elchetamchek kéxegke, hakte kéltokagkek axta ekwokmoho kélyakkanakmo, háwe eñama kélya'áseyak ektémakxa m'a aksok sempelakkaso agweta' selana axta ko'o. Nakso' xa sektahakxa nak seláneya kéxegke.

SAN JUAN 3:11

Nenxénchek cha'a negko'o m'a negya'áseykegkoho nak, nenxénchek nahan cha'a m'a aksok negwetayo nak; kélya'áseykmek eyke kéxegke nentémakxa nak cha'a neltennaso kéxegke. Nakso' xa sektahakxa nak seyáneya exchep.

SAN JUAN 3:5

Aptahak axta apchátegmowágko Jesús se'e: —Agkok etnahak énxet kaxwé apteyam eñama nak yegmen tén han ma'a eñama nak Espíritu, mopwanchek etxek ma'a aptémakxa nak Wese' apwányam Dios. Nakso' xa sektahakxa nak sekpeywa seyáneya exchep.

SAN JUAN 3:3

Aptahak axta apcháneya Jesús se'e: —Agkok etnahákxak énxet kaxwé apteyam, mopwanchek étak ma'a aptémakxa nak Wese' apwányam Dios.

SAN JUAN 1:51

Aptahak axta nahan Jesús appeywa s'e: —Kólwetak sat kéxegke kamayhekxak néten, kólwetak sat nahan elweweykentak cha'a Dios apkelásenneykha apkeleñama néten, tén han elmeyekxak cha'a m'a néten, takhapxet ma'a ektaha nak Apketche énxet. Nakso' xa sektahakxa nak seláneya kéxegke.

SAN LUCAS 23:43

Aptahak axta apchátegmowágko Jesús se'e: —Sakhem sat hexhok xamo' xép ma'a yókxexma apkelmaheykegkaxa nak Dios énxet'ák apagkok apkeletsapma. Nakso' xa sektahakxa nak seyáneya exchep.

SAN LUCAS 18:29

Aptahak axta apchátegmowágko Jesús se'e: —Kéxegke ektahakxa enxoho kélyamasma kélxagkok, kéltáwa, esenhan ma'a kélyepma, kélyepmeyk esenhan, esenhan ma'a kélketchek, eñama m'a aptémakxa nak Wese' apwányam Dios,

SAN LUCAS 18:17

Agkok exneyásékpohok sakcha'a énxet apma enxoho takha' m'a aptémakxa nak Wese' apwányam Dios, mopwanchek etaxnegwók ma'a.

SAN LUCAS 13:35

Kóllano hana tegma appagkanamap kélagkok, méko sat katnehek eyásekha'a; eltennásek ko'o kéxegke peya mehelwetekxók cha'a ekwokmoho ekhem kéltaha kélpeywa s'e: ‘¡Tásek sat katnehek apxénamap xa apwa'a nak yetlo apsáyam Wese' egegkok apwesey!’

SAN LUCAS 12:37

Apkeleñémo apagko' wese' apkeláneykha apwakto enxoho m'a wese' apagkok, cham'a apwetágwakto enxoho menaktena. Yának sat nahan exmakha wese' apagkok ma'a nekha mésa, keñe sat elagkok aptéyak. Nakso' xa sektahakxa nak seláneya kéxegke.

SAN LUCAS 11:51

eyeynamókxa m'a ekyegkenamaxche axta éma apagkok Abel, ekwokmoho m'a apmatña axta Zacarías, cham'a apmatñama axta nekha ekwatnamáxchexa aksok tén han nápakha tegma appagkanamap. Ellegásesagkohok sat Dios énxet'ák keso negwánxa nak, eñama aptekyawa xa énxet'ák nak.

SAN MARCOS 14:30

Aptahak axta apchátegmowágko Jesús se'e: —Antanxo sat katnehek xép mexeyenma sekwesey keso axta'a nak, amonye ekteme ánet elpáwa tat'a. Nakso' xa sektahakxa nak sekpeywa seyáneya exchep.

SAN MARCOS 14:25

Eltennásek eyke ko'o kéxegke peya meynekxók cha'a vino elánamáxche nak anmen yámet ekyexna, ekwokmoho sekyenákxo vino axnagkok ma'a aptémakxa nak Wese' apwányam Dios.

SAN MARCOS 14:18

Neyseksa apheykha nekha mésa aptókagko aptéyak axta aptahak apkeláneya Jesús apkeltámeséyak se'e: —Kélxama sat kéxegke helpelakkasesek kólának amaxchek keso sektoko nak xamo' sekto. Nakso' xa sektahakxa nak seláneya kéxegke.

SAN MARCOS 14:9

Ekyókxoho yókxexma kéltennágkaxa enxoho cha'a amya'a segwagkasamo nak teyp, kaxénaxchek sat nahan cha'a setnésesamakxa xa kelán'a nak, sat ektahakxa agkok megkólwagkayam xa ektaha nak. Nakso' xa sektahakxa nak sekpeywa seláneya kéxegke.

SAN MARCOS 12:43

Apkelwóneyha axta Jesús apkeltámeséyak natámen xa. Aptahak axta apkeláneya s'e: —Awanhek ekpekkenma selyakye eknegkenamaxchexa xa kelán'a tampé' meyke aksok agkok nak, kaxnók ma'a apyókxoho énxet'ák nak;

SAN MARCOS 11:23

Kéltemék agkok kéláneya kéxegke egkexe s'e: ‘Kapatyep xa, kataxnegwom wátsam ekwányam’, sat agkok kay'ásekmok kélwáxok, wánxa aksa megkólya'ásemek peya katnehek ma'a kéltahakxa enxoho kélpeywa, katnehek sat nahan ma'a. Nakso' xa sektahakxa nak seláneya kéxegke.

SAN MARCOS 10:29

Aptahak axta apchátegmowágko Jesús se'e: —Kéxegke ektahakxa enxoho kélyamasma kélxagkok, kélyepma esenhan kélyáxa', kélchána, kélyepmeyk, kélketchek, esenhan ma'a xóp kélagkok nak eñama selyetlo ko'o, tén han eñama kéllegaso m'a amya'a segwagkasamo nak teyp,

SAN MARCOS 10:15

Agkok exneyásékpohok sakcha'a énxet apma enxoho takha' m'a aptémakxa nak Wese' apwányam Dios, mopwanchek etaxnegwók ma'a.

SAN MARCOS 9:41

Enxet ektahakxa enxoho apméso kéxegke xama egheykok yegmen eñama kélteme kélyetlo Cristo, exkak sat ekyanmaga eñama apteme xa. Nakso' xa sektahakxa nak seláneya kéxegke.

SAN MARCOS 9:1

Aptahak axta anhan apkeláneya Jesús se'e: —Nápakha sat meletsepek énxet'ák apheyncha'a nak se'e ekwokmoho apwetágkoho ekwa'a m'a aptémakxa nak Wese' apwányam Dios yetlo apmopwána. Nakso' xa sektahakxa nak sekpeywa seláneya.

SAN MARCOS 8:12

Aptekkásók axta apkennama Jesús, aptahak axta s'e: —¿Yaksak ektaha apkeltamho nak étak aksok sempelakkaso agweta' xa énxet'ák nak? Megkólxekmósek sat aksok magkenatcheso agweta' xa énxet'ák nak. Nakso' xa sektahakxa nak sekpeywa.

SAN MARCOS 6:11

Agkok kólmaxchek takha' mók yókxexma kélwánxa enxoho, mopmenyék agkok nahan yeyxhok kéltenneykha énxet, kólántep sat ma'a, kólpalches sat kélmagkok xóp ánek, yakwayam enxoho metnatchesek peya ellegásesagkohok Dios xa énxet'ák nak.

SAN MARCOS 3:28

“Meyakmagkásekxék sat Dios apkeltémakxa énxet'ák, cham'a ekyókxoho ektémakxa nak melya'asáxma, tén han ma'a ekyókxoho ektémakxa nak apkelpeywa ekmaso;

SAN MATEO 25:45

Keñe sat etnehek yátegmowagkok Wese' apwányam se'e: ‘Eltennásek ko'o kéxegke kéltemésesama nak cha'a énxet'ák ahagkok meleymákpoho xa ektaha nak, eltemésesegkek nahan ko'o xa mehelpasmoma xa ektaha nak.’

SAN MATEO 25:40

Keñe sat etnehek yátegmowagkok Wese' apwányam se'e: ‘Eltennásek ko'o kéxegke elyáxeg ahancha'awók meleymákpoho kéltemésesama xa ektaha nak, ko'o nahan eltemesesók xa ektaha nak.’

SAN MATEO 25:12

Wánxa agkok aptahak axta apchátegmowágko wese' s'e: ‘Nakso' ektemesásak malyekpelcha kéxegke.’

SAN MATEO 24:47

Eltennásek ko'o kéxegke peya esawhohok elmések aksok apagkok wese' yakwayam eltakmelchesesek xa kélásenneykha nak.

SAN MATEO 24:2

Aptahak axta apkeláneya Jesús se'e: —Kélwet'ak kéxegke ekyókxoho xa. Kasawhaxkohok sat kaxpaknek meteymog, megkathánekxék sat mók, ekyókxoho sat kalmassegwók. Nakso' xa sektahakxa nak seláneya kéxegke.

SAN MATEO 23:36

Sat kañék eyahapweykta kéllegasáseykegkoho énxet'ák apheyncha'a nak keso negwánxa nak. Nakso' xa sektahakxa nak sekpeywa seláneya kéxegke.

SAN MATEO 21:31

¿Yaksak axta apkelyahákxoho aptahakxa appeywa apyap xa apkánet nak? —Cham'a apmonye exchek —axta aptahak apkelátegmowágko xa énxet'ák nak. Aptahak axta apkeláneya Jesús s'e: —Apmonye'e sat elántexek aptémakxa Wese' apwányam Dios ma'a énxet'ák apkelmomo nak selyakye yakwayam egkések wese' Roma, tén han ma'a kelán'ák ekyakmagkáseyak nak pók énxet ekpathetéyak ektegye selyakye. Axayok sat eyke kólántexek kéxegke. Nakso' xa sektahakxa nak seláneya kéxegke.

SAN MATEO 21:21

Aptahak axta apchátegmowágko Jesús se'e: —Yetneyk agkok kéxegke megkólya'áseyam, cham'a megkólya'ásekmo enxoho, kélwanchek kóltehek xa sektemésesakxa exchek ko'o higo yámet, kélwanchek nahan kóltehek kólának egkexe s'e: ‘Kapatyep xa, kataxnegwom wátsam ekwányam’, katnehek han xa.

SAN MATEO 19:28

Aptahak axta apchátegmowágko Jesús se'e: —Wokmek sat agkok ekhem yakwánxa katnekxak axnagcha'ák ekyókxoho aksok, cham'a apha sat néten aptaháno eyeymáxkoho m'a aptaha nak Apketche énxet, kólhakha sat nahan kéxegkáxa doce taháno, kéxegke kéltaha nak sétleykha, yakwayam enxoho kóltehek kélyekpelchémo m'a doce pók aptémakxa nak énxet'ák Israel. Nakso' xa sektahakxa nak seláneya kéxegke.

SAN MATEO 19:23

Keñe axta aptaha apkeláneya Jesús apkeltámeséyak se'e: —Askehe' yakwayam etxek énxet ekxákma aksok apagkok ma'a aptémakxa nak Wese' apwányam Dios. Nakso' xa sektahakxa nak sekpeywa seláneya kéxegke.

SAN MATEO 18:18

“Kamyawaxchek sat nahan kalanaxchek néten ma'a kélmasma nak kalanaxchek kéxegke keso náxop, kólhok sat nahan kalanaxchek néten ma'a kélhayo nak kalanaxchek kéxegke keso náxop. Nakso' xa sektahakxa nak seláneya kéxegke.

SAN MATEO 18:3

Aptahak axta s'e: —Agkok kólyakmagkásak kéxegke kéltémakxa, tén han megkólheyásexkoho enxoho sakcha'a létkók, megkólántexek sat ma'a aptémakxa nak Wese' apwányam Dios. Nakso' xa sektahakxa nak sekpeywa seláneya kéxegke.

SAN MATEO 11:11

Méko xama énxet apyeykhágweykmoho Juan el Bautista nepyeseksa apyókxoho énxet'ák nak; keñe m'a énxet apteme nak kónegók ma'a aptémakxa nak Wese' apwányam Dios ma'a néten, mexnawok Juan el Bautista m'a.

SAN MATEO 10:42

Kéxegke ektahakxa enxoho kélméso xama egheykok ekláneyo yegmen ekmáxakxo m'a énxet ekmasextoho nak kéláyo sétleykha ko'o, kólxawak sat aksok kélméso naksa. Nakso' xa sektahakxa nak sekpeywa seláneya kéxegke.”

SAN MATEO 10:15

Sagkók agko' sat katnehek kéllegasáseykegkoho énxet'ák apheykha xa tegma apwányam nak, cham'a ekhem nelyekpelchamáxchexa sat, megkaxók sat ma'a ekwánxa axta kéllegasáseykegkoho énxet'ák apheykha axta yókxexma Sodoma, tén han ma'a Gomorra.,

SAN MATEO 8:10

Pelakkasek axta apleg'a Jesús xa. Aptahak axta apkeláneya énxet'ák ektaha axta apkelyetleykha s'e: —Mateyk ko'o makham xama énxet Israel ekhawo mey'áseyam xa énxet nak. Nakso' xa sektahakxa nak seláneya.

SAN MATEO 6:16

“Agkok kóltáwak kélto kélpeykáso Dios, nágkayakhapmakha aksa kélwáxok, nágkólteme aksa aptamheykegkaxal'a énxet'ák apkelmeyókásamákpohol'a apancha'awók apkeltémakxa, máxa katnehek ma'a elyakhápencha'a enxoho apwáxók yakwayam enxoho étak énxet'ák apkelpeykáso Dios yetlo metéyak aptéyak. Apkelxawágkek aksok apkelxawé naksa eñama aptamhéyak xa. Nakso' xa sektahakxa nak seláneya kéxegke.

SAN LUCAS 4:24

Aptahak axta anhan appeywa s'e: —Megkólahapmakha énxet Dios appeywa aplegaso m'a ektahakxa nak apchókxa. Nakso' xa sektahakxa nak seláneya kéxegke.