SAN MATEO 5:17 - Lengua Sur (Enxet) Nuevo Testamento

¹⁷ “Nágkaxén aksa kélwáxok sekwa'a ko'o yakwayam amasésak ma'a ektémakxa nak segánamakxa tén han ma'a ektémakxa axta apkelxekmóso énxet'ák apkellegaso axta Dios appeywa; maxegakmok ko'o yakwayam amasésak xa, wánxa agkok emenyék eyke apeykesásekxak ekmámnaksoho ektémakxa xa.

SAN MATEO 5:17 Referans Kwoze

ROMANOS 10:4

Cristo apteme ektemegwánxa néxa segánamakxa, yakwayam enxoho kóltemésesek apkelpéwomo apyókxoho énxet apteme nak melya'áseyam.

SAN LUCAS 16:17

“Awanchek kamaskok néten tén han keso náxop, yawanchek eyke kamaskok xama ektáxésamaxche m'a segánamakxa nak.

ROMANOS 8:4

Apkelanak axta Dios xa, yakwayam enxoho anlána' negko'o eltémókxa nak antehek segánamakxa, hakte magyetlákxak negko'o m'a nentémakxa egagko' nak, wánxa m'a apkeltémókxa nak antehek Espíritu.

ROMANOS 3:31

¿Magya'áseyamya keñamak nenxéna negko'o ektaha mékoho m'a segánamakxa nak? Ma', nenxénchek negko'o ektaha ektakmela m'a eltémókxa nak antehek segánamakxa.

SAN MATEO 7:12

“Kólhésho cha'a mók ma'a kélámenyéxa enxoho kéxegke etnésesek kélnámokkok; hakte cháxa eltémókxa nak antehek segánamakxa xa, tén han ma'a apnaktáxeséyak axta énxet'ák apkellegaso axta Dios appeywa.

SAN MATEO 3:15

Aptahak axta apchátegmowágko Jesús se'e: —Etne xa seltamhókxa nak etnehek, hakte payhawók anlának ekyókxoho m'a ekpéwo nak anlának nápakto' Dios. Keñe axta apkelyahákxoho Juan.

LOS HECHOS 18:13

Entahak axta amya'a apcháneyákpo wese' apwányam apchásenneykha s'e: —Keso énxet apkelyakmagkasesa nak apwáxók énxet'ák se'e, apkeltennásek eyéméxko agko' etnehek apkelpeykesamo m'a Dios. Chakhawók ma'a ektémakxa nak enmexma segánamakxa egagkok.

LOS HECHOS 6:13

Aptegyágkek axta anhan énxet'ák ektaha axta megkamámnaksoho apkelxeyenma. Aptahak axta apkelpeywa s'e: —Melwatésakmok apxeyenma ekmaso tegma appagkanamap egagkok xa énxet nak, tén han apkenmexa m'a ektémakxa nak segánamakxa egagkok.

SAN JUAN 8:5

Xeyenmék segánamakxa eñama nak Moisés eltémo ólyetnak meteymog agakhek kelán'a ektéma nak xa. ¿Háxko etnehek xép appeywa?

LOS HECHOS 21:28

Aptahak axta apkelyennaktésawo apkelpeywa s'e: “¡Enxet'ák Israel, hempásem negko'o! Cháxa énxet apweynchámeykencha'a nak ekyókxoho yókxexma xa, apkelxekmósegkek nahan énxet'ák ma'a nelxekmowásamáxche enmexma nak ma'a énxet'ák egagkok, tén han enmexma m'a Moisés segánamakxa apagkok nak, tén han enmexma s'e tegma appagkanamap egagkok nak. Apkelántaxnésa'ak kaxwo' nápakha énxet'ák griegos s'e tegma appagkanamap egagkok nak, aptawáseyha s'e ekpagkanamaxchexa nak.”