SAN MATEO 5:16 - Lengua Sur (Enxet) Nuevo Testamento

¹⁶ Kóllenxánem nahan kéxegkáxa kalsásamhoxma nápakta'awo' énxet'ák ma'a elseyexma kélagkok nak, yakwayam enxoho elpeykeshok Dios Egyap apha néten apyókxoho énxet'ák, cham'a ekwetáxko enxoho kéltémakxa ektakmela kéxegke.

SAN MATEO 5:16 Referans Kwoze

1 SAN PEDRO 2:12

Kóltakmelchesaxkoho kéxegke nepyeseksa m'a énxet'ák melya'áseyak nak Dios; keñe sat étak ektakmela kéltahakxa kéxegke xa énxet'ák nak, eltemésesek sat nahan apcheymákpoho Dios, cham'a ekwokmo sat ekhem yakwánxa yának Dios óltennaksek negyókxoho ektémakxa aksok nenlané, sagkek eykhe makham apkelxeyenma kéxegke xa énxet'ák nak, máxa elmasagcha'a kéltémakxa aptemesásak.

TITO 2:7

etne exchep xa ektakmela aptémakxa, cham'a ekyókxoho aksok apkelanakxa enxoho, yakwayam enxoho elyetlakxak aptémakxa exchep xa wokma'ák nak. Apkelxekmósek agkok xép wokma'ák, etakmelchesho cha'a apkelxekmóso, ná etne aksa aptemesáseykha aksa apkelxekmóso,

SAN JUAN 15:8

Kótaxchek cha'a ektémakxa apcheymákpoho Táta, cham'a ekwetáxko enxoho ekxáma aksok kéllané kéxegke, kéltemék agkok xa, kóltehek kéxegke ekmámnaksoho seltámeséyak.

EFESIOS 5:8

Axta kólya'áseykegkok kéxegke Dios, máxa axta entemék kélheykencha'a enxoho ekyaktesakxaxma, wánxa agkok kéltemék eyke kaxwo' kélyepetcheyo Wese' egegkok, ékeso eñamakxa kélheyncha'a nak neyseksa elseyexma, kólteme kéxegke m'a apkeltémakxa nak énxet'ák apheykha nak neyseksa elseyexma.

1 SAN PEDRO 3:16

Kólátegmowak cha'a yetlo ekyelkamáxkoho kélwáxok tén han kóltehek kéláyo m'a énxet ektahakxa enxoho apkelmaxneyeykha. Kóltakmelchesaxkoho cha'a yakwayam enxoho katnehek meyke ektahakxa elchetamso kélwáxok kéxegke, keñe sat elmegkagwók ma'a énxet'ák ektaha nak apkelxeyenma ekmaso m'a kéltémakxa ektakmela nak kéxegke, kéxegke kélteme nak megkólya'áseyam Cristo.

1 SAN PEDRO 4:14

Kéleñémo agko' kéxegke apyamatchásencha'a enxoho énxet eñama kélyetlo Cristo, hakte megkamassegwomek cha'a apha kélwáxok kéxegke Espíritu, ekha nak apcheymákpoho apkeñama Dios.

1 SAN PEDRO 2:9

Kéxegke eyke kélteme énxet'ák ektaha axta Dios apkelyéseykha, kélteme anhan kélmaxnéseso Dios énxet'ák apagkok eñama apkelásenneykha m'a Wese' apwányam Dios, kélteme nahan Dios énxet'ák apagkok apkelpagkanamap, kélteme nahan énxet'ák ektaha axta Dios apkelma yakwayam etnehek énxet'ák apagkok. Temegkek kéxegke xa ektaha nak yakwayam enxoho kóllegaksek ma'a Dios aptamheykha ektakmela nak, cham'a Dios aptaha axta apkelwóneykha kéxegke yakwayam kólantépok neyseksa ekyaktésakxa exma yakwayam enxoho kólántexek ma'a neyseksa elseyexma apagkok ektakmalma nak.

TITO 3:14

Yána sat nahan kaltámeyagkok apkeláneyak nentamheykha ektakmela m'a énxet'ák nentémo xamo' nak magya'áseyam, yakwayam enxoho kaltámeyagkok appasmo m'a énxet ekyetnakxa enxoho eyéméxchexa aksok, yakwayam enxoho kapasmok énxet ma'a apkeltémakxa nak.

1 TIMOTEO 6:18

Yána sat etnehek ektakmela apkeltémakxa xa énxet'ák nak, yána sat nahan kayeykhágwomhok apkeláneyak ma'a apkeltamheykha ektakmela nak, tén han etnehek memyagweykekxa egkések aksok pók, cham'a ekyetnakxa enxoho aksok apagkok.

2 CORINTIOS 9:13

Eltemésesek sat nahan apcheymákpoho Dios xa énxet'ák nak, hakte sat kañék apkelweté kélyaheykekxoho kéxegke tásek amya'a kélxeyenma nak megkólya'áseykmo eñama xa kélpasmo nak, cham'a tásek amya'a eñama nak Cristo. Etnehek sat nahan apcháyo Dios xa énxet'ák nak, eñama m'a megkólmeyagweykekxa nak kélánchesáseykekxa aksok, tén han yakwayam kólmések ma'a apyókxoho énxet'ák nak.

EFESIOS 2:10

hakte Dios axta aptaha senlané negko'o; enlanak axta negko'o eñama m'a Cristo Jesús yakwayam enxoho anlának ma'a nentamheykha ektakmela nak, ekhawo m'a apkeláneykekxa apagko' axta Dios ma'a nano' axta.

HEBREOS 10:24

Antegyaha hana ektémakxa yakwánxa antehek ólpasmaxkohok negko'o, yakwayam enxoho kayágwomhok ekyetna negko'o nelásekhamaxkoho, tén han kayágwomhok nenlané m'a aksok eltakmela nak.

1 SAN PEDRO 4:11

Apkeltennáha agkok xama énxet, kéméxchek katnehek apkeltenneykha m'a ektémakxa nak Dios appeywa, apkelanak agkok aptamheykha xama énxet kéméxchek yásenneykxak ma'a apwaskápeykekxoho ektaha nak apméso Dios. Ekyókxoho aksok kéllanakxa enxoho, kóllána' cha'a yakwayam enxoho kóltemésesek apcheymákpoho Dios eñama m'a Jesucristo, cham'a Dios aptaha nak apagkok ma'a apcheymákpoho nak, tén han ma'a ektémakxa nak apmopwána megkatnegwayam enéxa. Katnahagkok sat cha'a.

1 TESALONICENSES 2:12

Neltennásek axta kéxegke neltamho kóltehek eyéméxchexa nak antehek nenteme nak Dios énxet'ák apagkok, cham'a Dios ektaha axta apkelwóneykha kéxegke apkeltémo kawakxohok kélteme Wese' apwányam kélagkok ma'a Dios, tén han kawakxohok kéxegke m'a ektémakxa nak apcheymákpoho.

1 SAN PEDRO 3:1

Kéxegke kelán'ák ekha nak kélnakteyegka'a, kólyahakxoho cha'a kélnakteyegka'a, yakwayam enxoho etnehek nahan melya'áseyam ma'a kélnakteyegka'a apkelya'áseyam nak Dios appeywa, meyke kéltennáseykha xama enxoho, eñama m'a kéltakmelchásamáxkoho nak kéxegke,

LOS HECHOS 9:36

Heyk axta nahan xama kelán'a ekteme axta megkay'áseyam Wese' egegkok ma'a tegma apwányam Jope ekwesey axta Tabitá apkeltéma axta griego appeywa Dorcas. Tásek axta ektémakxa xa kelán'a nak, pasmomchek axta cha'a énxet ekha nak eyéméxchexa aksok.

1 TIMOTEO 5:25

Hawók nahan ektémakxa m'a nenlané nak nentamheykha ektakmela, tásek katnehek ekwetamaxche. Keñe m'a aksok ektakmela nenlané megkótemaxche nak, yawanchek sat cha'a kakpósaxkohok.

SAN MATEO 5:45

keñe sat kóltehek kéxegke apketchek ma'a Dios Kélyap apha nak néten; hakte etekkeseshok cha'a ekhem ma'a énxet'ák elmasagcha'a nak apkeltémakxa, ekhawo nak han ma'a énxet'ák ektakmela nak apkeltémakxa, yapháseshok nahan cha'a mámeye m'a énxet'ák apkelpéwomo nak, tén han ma'a melya'asáxma nak.

TITO 2:14

Apmeyásamakpók axta apagko' yakwayam emátog, negko'o eñamakxa, yakwayam enxoho hẽlwagkasek teyp neyseksa ekyókxoho nentémakxa ekmaso nak, tén han hentemésesek ektakmela nentémakxa, yakwayam enxoho nahan antehek énxet'ák apagkok, tén han agámenyéhok anlának ma'a aksok eltakmela nak.

1 TIMOTEO 5:10

Kéméxchek nahan kólya'asagkohok ektakmela axta ektémakxa, tén han ma'a ektakmela enxoho éktegkeso étchek, tén han ma'a ekteme enxoho elápeykha ektaha apkelwayam axagkok, tén han ma'a elyenyesesamo enxoho apmagkok énxet'ák apteme nak melya'áseyam, tén han ma'a ekpasmoma enxoho m'a énxet'ák apkellegeykegkoho nak, tén han elenxáneykmoho enxoho elané m'a ekyókxoho ektémakxa nak nentamheykha ektakmela.

1 TIMOTEO 2:10

tásek katnahagkok ektakmela ektémakxa kelán'ák, ekhawo m'a eyéméxchexa nak katnehek kelán'ák ektaha nak ekpagkanchásamáxche Dios.

GÁLATAS 1:24

Apkeltemésesek axta apcheymákpoho Dios xa énxet'ák nak, ko'o eñamakxa.

TITO 3:4

Ẽlwagkasek axta negko'o teyp Dios, cham'a senxekmósa axta m'a ektémakxa nak segméso naksa segemleykekxoho, tén han ma'a ektémakxa nak apkelásekhayo énxet.

1 CORINTIOS 14:25

Keñe sat keytnekxak yáxñakxoho ektémakxa nak aksok ekyetno apwáxok nápakta'awo' énxet'ák, eltekxók sat nahan aptapnák elpeykeshok Dios, ékpelchágwomhok sat nahan eyámnaksoho apha Dios kélnepyeseksa kéxegke xa énxet nak.

SAN LUCAS 11:2

Aptahak axta apkeláneya Jesús se'e: —Kéltemék agkok nempeywa nelmaxnagko, kólteme sat se'e: ‘Táta, kólpagkanchesek sat apwesey exchep. Yána sat kawak yakwayam kóltemésesek Wese' apwányam Xép

SAN MATEO 9:8

Xama axta apwet'a énxet'ák xa, apkelakak axta, apkeltemésesek axta anhan apcheymákpoho Dios eñama apméso apmopwána énxet'ák.

SAN MATEO 23:5

Exekmóshok nahan cha'a énxet'ák ma'a ekyókxoho aksok apkeláneyak nak. Apmenyék nahan keytek Dios appeywa kéltáxéso ekpayhakxa nápát, tén han ma'a apaktegák nak, apmenyék nahan elyáncheshok elmakheykha napwa'ék apkelántaxno.

SAN MATEO 6:16

“Agkok kóltáwak kélto kélpeykáso Dios, nágkayakhapmakha aksa kélwáxok, nágkólteme aksa aptamheykegkaxal'a énxet'ák apkelmeyókásamákpohol'a apancha'awók apkeltémakxa, máxa katnehek ma'a elyakhápencha'a enxoho apwáxók yakwayam enxoho étak énxet'ák apkelpeykáso Dios yetlo metéyak aptéyak. Apkelxawágkek aksok apkelxawé naksa eñama aptamhéyak xa. Nakso' xa sektahakxa nak seláneya kéxegke.

SAN MATEO 23:9

Nágkólteme aksa anhan kélyap kéxegke xama énxet apheykha nak keso náxop, hakte wánxa xama Kélyap ma'a apha nak néten.

SAN MATEO 6:9

Kéméxchek kóltehek kéltaha enxoho nempeywa nelmaxnagko s'e: ‘Egyap negko'o apha néten, kólpagkanchesek sat apwesey exchep.