SAN MATEO 5:14 - Lengua Sur (Enxet) Nuevo Testamento

¹⁴ “Kéxegke kélteme elseyexma keso náxop, apyetneyk agkok xama tegma apwányam néten egkexe, makhawók kólwetho'.

SAN MATEO 5:14 Referans Kwoze

FILIPENSES 2:15

yakwayam enxoho megkataxchék ekyetna kéxegke kélsexnánemaxche tén han eyesógwayam kéllané xama aksok enxoho. Kólteme kéxegke Dios apketchek meyke elenchahamaxche kéltémakxa nepyeseksa xa énxet'ák elmasagcha'a nak apkeltémakxa, cham'a apkelxegányam nak. Máxa yaw'a kéltahak kélápogwata kéxegke nepyeseksa xa énxet'ák nak, keso náxop ekyaktésamakxa nak exma,

SAN JUAN 8:12

Apkeltennáseyha axta makham Jesús énxet'ák. Aptahak axta s'e: —Ko'o sekteme elseyexma keso náxop; énxet ektahakxa enxoho setleykha ko'o, keytek sat ma'a elseyexma ekyennaktésamo nak egnenyek, metyesha sat neyseksa ekyaktesóxma.

1 TESALONICENSES 5:5

Kélyókxoho kéxegke kélteme kéleñama neyseksa elseyexma tén han neyseksa ekteyapma ekhem. Háwe negko'o neleñama axta'a, háwe anhan neleñama neyseksa ekyaktesóxma;

SAN JUAN 12:36

Nágkólya'ásem xa elseyexma ekyetna nak makham kélnepyeseksa kéxegke, yakwayam enxoho kóltehek kéleñamakxa neyseksa elseyexma. Apxegkek axta Jesús natámen apteme appeywa xa, axta apxegánegkásak xa énxet'ák nak.

2 CORINTIOS 6:14

Nágkóltemeykha aksa xamo' kéxegke m'a énxet megkaxnawo nak kéltémakxa, cham'a metne nak melya'áseyam. ¿Awancheya katnehek ekxegexma nentémakxa ekpéwomo m'a nentémakxa megkapéwomo nak? ¿Awancheya nahan katnehek ekxegexma elseyexma m'a ekyaktesóxma nak?

SAN JUAN 5:35

Máxa axta Juan ma'a chálewaso eyálewe elsáseykmohol'axma, yakwatakxoho axta leyawok kélwáxok kéxegke elseyexma apagkok.

APOCALIPSIS 1:20

Cháxa aksok ekyexamaxche xa apwet'a exchek aphágko yaw'a émek ekpayhókxa nak selya'asamakxa, tén han ma'a apwet'a exchek siete chálewaso sawo ekyátekto elyenma; cham'a siete yaw'a nak, ekyetchesamaxkoho m'a Dios apkelásenneykha eláneykha nak ma'a siete apchakneykekxexa nak, keñe m'a siete chálewaso nak ekyetchesamaxkoho m'a kélakneykekxexa.

SAN JUAN 9:5

Ko'o sekteme elseyexma keso náxop neyseksa sekha makham keso náxop.

APOCALIPSIS 2:5

Kaxénwakxoho apwáxok xép aptémakxa axta sekxo' metyekemxa axta, ey'ókxa makham Dios, elána makham ma'a apkeláneya axta sekxo' agko'. Sat agkok etnahak xa, kaxwo' sat ay'óta' yakwayam ataknawagwata', tén han alyementagwatak xép ma'a chálewaso ekheykegkaxa nak, cham'a mey'aweykxo enxoho exchep Dios.