SAN MATEO 5:10 - Lengua Sur (Enxet) Nuevo Testamento

¹⁰ “Kéleñémo agko' kéxegke kéltaha nak kéllegeykegkoho kélmenxeneykha eñama kéllané m'a apkeltémókxa nak kóltehek Dios, hakte kéxegke kéltaha kéleñama m'a aptémakxa nak Wese' apwányam Dios.

SAN MATEO 5:10 Referans Kwoze

SANTIAGO 1:12

Apkeleñémo énxet ektaha nak apkelenmáxamákpoho ekyekkónma yetlo apwaskápeykekxoho, hakte apyeyk'ak agkok ektémakxa aksok ekyekkónma, exkak sat ekyennakte apnenyek apxawé naksa, ektaha nak aksok ektakmela, cham'a apxeyenma axta egkések Dios ma'a ektaha nak apchásekhayo.

2 CORINTIOS 4:17

Kexyókók ektémakxa nak cha'a nenlegeykegkoho, ñohok nahan cha'a kamaskok. Wánxa agkok, hegmések sat eyke negeymáxkoho megkatnegwayam enéxa nápakto' Dios xa ektaha nak ekyawe agko', megkaxnawok ma'a nenlegeykegkoho nak.

SAN MATEO 5:3

“Kéleñémo agko' kéxegke kéltaha nak kélyekpelchémo kéltaha mékoho nápakto' Dios, hakte kéxegke kéltaha kélpáxakxo m'a aptémakxa nak Wese' apwányam Dios.

SAN LUCAS 6:22

“Kéleñémo agko' kéxegke kéltaknaweyxko enxoho nepyeseksa énxet'ák, tén han ma'a kéltekkesa enxoho nepyeseksa énxet'ák, tén han ma'a kélxénáxko enxoho kéltaha ekmaso kéltémakxa kéxegke eñama m'a aptaha nak Apketche énxet.

2 TIMOTEO 2:12

nenlegágkok agkok negko'o, hegwakxohok sat negko'o xa m'a aptémakxa nak Wese' apwányam Dios; agkok anxénak apwesey Cristo, mexének sat nahan negko'o xa negwesey;

FILIPENSES 1:28

Nágkólho aksa elyegwakkasek kéxegke m'a kélenmexma nak. Kéltemék agkok xa, elyekpelchágwók sat ektakmela agko' peya elmahagkok kélmaséseykenxa xa énxet'ák nak, keñe kéxegke peya kólwagkasaxchek teyp. Dios keñamak xa.

SAN LUCAS 21:12

“Kólmaxchek sat kéxegke, kólmenxenmakha sat nahan amonye ekteme xa. Kólnaklók sat nahan kéxegke yakwayam kólyekpelkohok ma'a kañe' apchakneykekxexa énxet'ák judíos, kólxatmok sat nahan sẽlpextétamakxa, kólnaklók sat nahan kéxegke nápakta'awo' ma'a kelwese'e apkelwányam nak, tén han nápakta'awo' ma'a kelwese'e apkelásenneykha apkeláneykha yókxexma nak, ko'o eñamakxa.

SAN JUAN 15:20

Kaxénwakxoho kélwáxok sektaha exchek seláneya kéxegke s'e: ‘Enxet ektaha nak kélásenneykha metnehek apyeykhágweykmoho m'a wese' apagkok.’ Elyakmáseykha axta agkok ko'o, kólmenxenmakha sat nahan kéxegkáxa; aptemék axta agkok apkelyaheykekxoho sekpeywa énxet, elyahakxohok sat nahan kélpeywa kéxegke.

APOCALIPSIS 2:10

Nágyé' aksa m'a yakwánxa nak katnehek aplegeykegkoho exchep, hakte kañe' sẽlpextétamakxa sat kaxatmok kéxegke kélnápakha kelyekhama', yakwayam enxoho keykkónaxchek kéxegke m'a ektémakxa nak megkólya'áseyam; kóllegagkohok sat kéxegke ekweykmoho diez ekhem. Elenxanmoho exchep apyennaktésamo apteme mey'áseyam, nágyeyx ma'a peya enxoho emátog, agkések sat xép sekméso naksa ekyennakte apnenyek.

2 TIMOTEO 3:11

selyakmáseykha tén han ma'a seklegeykegkoho nak. Apya'ásegkok xép ekyókxoho setnahakxa axta ko'o m'a yókxexma Antioquía, Iconio, tén han ma'a Listra, tén han ma'a seklegágkoho axta ko'o selyakmáseykha; Wese' egegkok axta eyke emyáwak neyseksa ekyókxoho xa.

SAN MATEO 25:34

Sat etnehek yának Wese' énxet'ák apheykha ekpayhókxa apkelya'asamakxa s'e: ‘Kólchexyem kéxegke kéltaha nak ektakmela apkelxeyenma Táta; Kólma m'a aptémakxa nak Wese' apwányam Dios, kéllánesamakxa axta kéxegke amonye apkelané Dios keso náxop.

SAN MARCOS 10:30

kayeykhágwomhok sat kaxwo' kélxaweykekxa aksok kélagkok keso negwánxa nak, kélxanák, kélyepma, kélyáxa', kélchána, kélketchek, tén han ma'a xóp kélagkok nak, neyseksa eykhe kélnaktawáseykegkoho; kólxawak sat nahan ekyennakte kélnenya'ák megkatnegwayam enéxa m'a ektaha sat axnagkok kélheykha.

SAN LUCAS 6:20

Apkelanawók axta Jesús apkeltámeséyak, keñe axta aptaha apkeláneya s'e: “Kéleñémo agko' kéxegke kéltaha nak meyke aksok kélagkok, hakte kélpáxakwokmek ma'a aptémakxa nak Wese' apwányam Dios.

SAN MATEO 10:23

Kélmenxenáha sat agkok kéxegke xama tegma apwányam, kólmohok sat kólenyahagkok pók tegma apwányam; hakte ewatak sat aptaha nak Apketche énxet neyseksa megkólsawhomo kélmaheyak apyókxoho tegma apwányam yókxexma Israel. Nakso' xa sektahakxa nak seláneya kéxegke.

1 SAN JUAN 3:12

Mantehek sat negko'o aptémakxa axta Caín, aptaha axta kelyekhama' énxet agkok, apchakhak axta apyáxeg. ¿Yaksak axta ektéma apchakhama apyáxeg Caín? Axta keñamak ma'a eyesagko axta aksok apkelané Caín, keñe axta apyáxeg apkelana aksok ektakmela.

LOS HECHOS 8:1

Apkenmáha axta nahan Saulo m'a. Leyawók axta apwáxok ektahakxa apmatña Esteban. Cháxa ekhem eyeynókxa axta kélmenxeneykha ekwányam énxet'ák ektaha axta melya'áseyam Jesús ma'a tegma apwányam Jerusalén. Apkexpakneyk axta apyókxoho énxet apteme axta melya'áseyam ma'a yókxexma Judea tén han ma'a Samaria. Axta eyke elxegak ma'a énxet'ák seykha amya'a.

LOS HECHOS 5:40

Keñe axta Kéláneyeyncha'a énxet'ák seykha amya'a, kélyekpexchetágkek axta anhan, axta kóltamhok cha'a elenxanmohok apkeltenneykha Jesús apwesey; keñe axta kélchexeykxo.

SAN MATEO 19:14

Aptahak axta Jesús apkeláneya apkeltámeséyak se'e: —Kólho hey'ótak sakcha'a létkók, nágkólnókasha, hakte appáxakweykmek aptémakxa nak Wese' apwányam Dios énxet'ák aphawo nak se'e sakcha'a létkók nak.

SAN MARCOS 10:14

Xama axta apwet'a Jesús xa, aplókek axta. Aptahak axta apkeláneya apkeltámeséyak se'e: —Kólho hey'ótak sakcha'a letkók, nágkólnókasha, hakte appaxakweykmek aptémakxa nak Wese' apwányam Dios aphawo nak se'e sakcha'a letkók nak.

SAN LUCAS 22:29

Ekeso eñamakxa sektemésesa nak kéxegke wese' nepyeseksa kélnámokkok, ekhawo setnésesamakxa axta nahan ko'o xa Táta;

SANTIAGO 5:11

Kaxénhok cha'a negko'o egwáxok aptaha apkeleñémo m'a ektaha nak apkelenmáxamákpoho apkellegeykegkoho yetlo apkelwaskápeykekxoho. Kéllegayak kéxegke ektémakxa axta apkelenmáxamákpoho aplegeykegkoho Job, kélya'ásegkok nahan kéxegke m'a aptemésesamakxa axta Wese' egegkok ektemegwánxa axta néxa aplegeykegkoho, hakte Wese' egegkok apteme segemleykekxoho, apteme nahan apmopyósa henlano'.