SAN MATEO 4:3 - Lengua Sur (Enxet) Nuevo Testamento

³ Yo'ókmek axta Jesús kelyekhama' yakwayam keykkónek. Entahak axta eyáneya s'e: —Nakso' agkok xép aptaha Dios Apketche, yána katnekxak apto s'e meteymog nak.

SAN MATEO 4:3 Referans Kwoze

1 TESALONICENSES 3:5

Axta alenmaxexchágwokmok ektahakxa ewáxok. Ekeso eñamakxa seyáphasa axta Timoteo yakwayam etegyaha amya'a ektémakxa megkólya'áseyam kéxegke, hakte tamháha axta ko'o ewáxok kalyekkónek kéxegke kelyekhama', keñe m'a nentamheykha nak negko'o katnégwók eyakhémo.

APOCALIPSIS 2:10

Nágyé' aksa m'a yakwánxa nak katnehek aplegeykegkoho exchep, hakte kañe' sẽlpextétamakxa sat kaxatmok kéxegke kélnápakha kelyekhama', yakwayam enxoho keykkónaxchek kéxegke m'a ektémakxa nak megkólya'áseyam; kóllegagkohok sat kéxegke ekweykmoho diez ekhem. Elenxanmoho exchep apyennaktésamo apteme mey'áseyam, nágyeyx ma'a peya enxoho emátog, agkések sat xép sekméso naksa ekyennakte apnenyek.

SAN MATEO 3:17

Legáxchek axta kélpeywa eñama néten, entahak axta s'e: “Keso hatte seyásekhayo nak ko'o s'e, selyéseykha ahagko' axta.”

HEBREOS 12:16

Nágkólho kamok kélwáxok kélxama kéxegke m'a ekmaso nak nentémakxa mansexta, nágkóltaknaw nahan ma'a ektaha nak ekpagkanamaxche; hakte cháxa aptémakxa axta Esaú xa, cham'a apyakmagkáseykekxo axta nento aksok yakwayam eykhe exkekxa' eñama apteme metnaha apketkok.

LOS HECHOS 9:20

Apchénawók axta apkeltenneykha Saulo apchakneykekxexa judíos apxéna Jesús aptaha Dios Apketche.

SAN LUCAS 4:9

Keñe axta ekyentamákxo kelyekhama' Jesús ma'a tegma apwányam Jerusalén, kenátchesakxeyk axta ektahakxa netno' agko' tegma appagkanamap. Entahak axta eyáneya s'e: —Nakso' agkok xép aptaha Dios apketche, enextegenta' náxop;

SAN LUCAS 4:3

Entahak axta eyáneya kelyekhama' s'e: —Nakso' agkok xép aptaha Dios apketche, yának katnekxak apto s'e meteymog nak.

SAN MATEO 14:33

Keñe axta apkeltekxeyágko aptapnák apmonye Jesús ma'a ektaha axta apkelchánte yántakpayhe. Aptahak axta apcháneya s'e: —¡Nakso' neyke agkok xép aptaha Dios Apketche!

SAN MATEO 16:16

Aptahak axta Simón Pedro apchátegmowágko s'e: —Xép aptaha Mesías, Dios memassegwayam Apketche.

SAN MATEO 26:63

Wánxa agkok, apwanmakkek axta eyke aksa Jesús. Aptahak axta apcháneya énxet apkemha apmonye appasmo apkelmaxnéseso Dios énxet'ák apagkok se'e: —Yetlo sekxeyenma apwesey Dios memassegwayam ko'o, eltamhok heltennaksek xép ekmámnaksoho agko'. Hẽltennés negko'o aptaha enxoho exchep Mesías, aptaha nak Dios Apketche.

SAN MARCOS 1:1

Eyeynamókxa amya'a ektakmela apxénamap Jesucristo aptaha nak Dios Apketche,

SAN MARCOS 3:11

Xama axta apwet'a énxet elántaxno axta apwáxók kelyekhama', apkeltekxeyágkek axta aptapnák xóp apkenmágkaxa. Aptahak axta apkelyennaktésawo apkelpeywa s'e: —¡Xép apteme Dios Apketche!

SAN MARCOS 5:7

Aptahak axta apyennaktésawo appeywa s'e: —¡Náhey'áwa ko'o Jesús, Dios meyke ekhémo Apketche! ¡Eltamhok ko'o meheñásesagkók xép yetlo sekxeyenma Dios apwesey!

SAN LUCAS 1:35

Aptahak axta apchátegmowágko Dios apchásenneykha s'e: Eweywenták sat Espíritu Santo takháxet xeye', káhapwatak sat Dios meyke ekhémo apmopwána, máxa yaphopé sat katnehek. Ekeso eñamakxa peya nak eltamhakpok Appagkanamap, tén han Dios Apketche m'a sakcha'a peya nak etyamok.

SAN LUCAS 4:41

Apxámok axta anhan apkelháxamap elántepa cha'a apwáxók kelyekhama', entahak axta cha'a elyennaktésawo elpeywa s'e: —¡Xép aptaha Dios Apketche! Wánxa agkok, apnókáseyha axta eyke Jesús ma'a kelyekhama', axta ya'awok kalpakmétek, hakte yekpelchawók axta aptaha Jesús Mesías.

SAN LUCAS 22:70

Keñe axta aptaha apkelmaxneyeyncha'a apyókxoho énxet se'e: —¿Xép neyke Dios Apketche? Aptahak axta apchátegmowágko Jesús se'e: —Kéxegke kélagko' neykhe exénak ko'o sektaha xa.

SAN JUAN 1:34

Ekwet'ak axta ko'o m'a. Ekxénchek nahan ko'o aptaha Dios Apketche m'a.”

SAN JUAN 1:49

Aptahak axta Natanael apcháneya Jesús se'e: —Sẽlxekmóso, ¡Xép apteme Dios Apketche, xép nahan apteme Israel Wese' apwányam apagkok!

SAN JUAN 9:35

Apleg'ak axta amya'a Jesús kéltekkesa kañe' kélakneykekxexa énxet kaxwé apweteykekxaxma axta. Xama axta apwet'a m'a, aptahak axta apkelmaxneyeyncha'a s'e: —¿Ya ey'ásekmok xép ma'a ektaha nak Apketche énxet?

SAN JUAN 20:31

Wánxa agkok, naktáxésamaxchek eyke weykcha'áhak xa yakwayam enxoho megkólya'asók kéxegke Jesús aptaha Mesías, aptaha nak Dios Apketche, yakwayam enxoho nahan kólwetak ekyennakte kélnenya'ák eñama Cristo, neyseksa kélteme megkólya'áseyam.

2 CORINTIOS 1:19

Hakte Cristo Jesús aptaha nak Dios Apketche, cham'a nenxeyenma nak cha'a negko'o neltenneykencha'a Silvano, tén han Timoteo tén han ko'o, mantemék cha'a negko'o “nakso'” tén han “ma'” cham'a neghésamo nak mók nenteme nempeywa xa. Cristo eyke apteme “nakso'” apkeñama Dios,

GÁLATAS 2:20

háwe ko'o kaxwo' sekha ahagko', Cristo eyke aphak ewáxok ko'o. Keso sektémakxa nak ko'o neyseksa sekha makham, ektemegkek cha'a ko'o m'a ektémakxa nak may'áseyam Dios Apketche, aptaha axta seyásekhayo, apchahayók axta anhan apmatñama ko'o eñamakxa.

HEBREOS 4:14

Jesús, Dios Apketche, apteme apkemha apmonye apagko' sempasmo sẽlmaxnéseso negko'o, cham'a apmeyeykekxo axta néten. Ekeso eñamakxa eyéméxko nak anlenxanmohok nelwaskápeykekxoho eñama m'a magya'áseyam nenxeyenma nak ekyetna negko'o.

HEBREOS 7:3

Axta kólya'áseykegkok apyap xa, axta nahan kólya'áseykegkok ma'a egken, axta anhan kólya'áseykegkok ma'a apyepmeyk nano', megkaxénamaxchek nahan ektémakxa sekxo' apteyékmo, megkaxénamaxchek nahan ektémakxa apketsapma; ékeso eñamakxa aptéma nak Melquisedec appasmo apkelmaxnéseso Dios énxet'ák apagkok megkatnegwayam enéxa, ekhawo ektémakxa nak aptamheykha Dios Apketche.

1 SAN JUAN 3:8

keñe m'a énxet ektahakxa enxoho apkelané mólya'asáxma, cháxa kelyekhama' énxet agkok xa, hakte kelyekhama' axta elané amonye mólya'asáxma sekxo' agko'. Axta keñamak apwaya Dios Apketche xa, yakwayam emasésak ektémakxa axta aksok elané kelyekhama'.