SAN MATEO 4:25 - Lengua Sur (Enxet) Nuevo Testamento

²⁵ Apxámok axta énxet apkeleñama Galilea apkelyetlákxo Jesús, tén han apkeleñama m'a tegma apwányam Decápolis, tén han apkeleñama m'a tegma apwányam Jerusalén, tén han apkeleñama m'a yókxexma Judea, tén han apkeleñama m'a yókxexma ekpayho nak ekteyapmakxa ekhem wátsam Jordán.

SAN MATEO 4:25 Referans Kwoze

SAN LUCAS 6:17

Aptekkek axta Jesús néten egkexe yetlo xa énxet'ák nak. Apkenegwakteyk axta ekpayhakxa axta xóp. Axta nahan apchaknákxak apxámokma ektaha apyetleykha m'a, apxámok axta anhan énxet'ák apkeleñama m'a ekyókxoho yókxexma Judea, tén han apkeleñama m'a tegma apwányam Jerusalén, tén han apkeleñama m'a nepyáwa tegma apwányam Tiro tén han ma'a tegma apwányam Sidón, apheykegko axta neyáwa wátsam ekwányam. Apkelwokmek axta yakwayam enxoho yeyxwomhok Jesús apkeltenneykha, tén han yának kóltakmelchesesók ma'a ektémakxa axta apkelháxamap.

SAN MARCOS 5:20

Apxegkek axta xa énxet nak, apkeltennágwokmek axta m'a nepyeseksa tegma apwányam Decápolis cham'a aptemésesakxa axta Jesús. Pelakkasek axta anhan apkelleg'a énxet'ák ektahakxa apkeltenneykha.

SAN MARCOS 7:31

Apxegákxeyk axta makham Jesús apkeñama m'a yókxexma Tiro, apyeykhágwokmek axta tegma apwányam Sidón, apkelyeykhágkek axta nahan tegma apwányam yókxexma Decápolis, apwokmek axta wátsam ekpayhegwayam Galilea.

SAN LUCAS 6:19

Apyókxoho énxet axta apmokók cha'a epaknegwomhok Jesús, hakte apkeltakmelchesakmek axta apyókxoho énxet eñama apmopwána ektepa axta cha'a m'a Jesús.

SAN MARCOS 6:2

Xama axta ekwokmo ekhem apkellókasamakxa axta apkelyampé énxet'ák judíos, apkelxekmósek axta Jesús énxet'ák kañe' apchakneykekxexa judíos. Aptahak axta apkelpakmeta énxet apxámokma ekpelakkasa apkelwet'a s'e: —¿Háxko eltámegweykenxa ekyókxoho apya'áseyak xa énxet nak? ¿Háxko kexaha eñamakxa xa apya'áseyak nak, tén han xa apmopwána nak elának aksok sempelakkaso nak agweta'?

SAN MATEO 19:2

Apxámok axta énxet apyetlákxo, apkeltakmelchesekmek axta nahan apkelháxamap ma'a.

SAN MATEO 12:15

Xama axta apleg'a amya'a Jesús, keñe axta apxega. Apxámok axta énxet apyetlo, apkeltakmelcheseykmek axta Jesús apyókxoho apkelháxamap,

SAN MATEO 8:1

Xama axta aptepa Jesús néten egkexe, apxámok axta énxet apyetleykha.

SAN MATEO 5:1

Xama axta apwet'a apxáma énxet Jesús, apchánteyk axta néten egkexe, aphakmek axta m'a. Apya'aweykxeyk axta apkeltámeséyak aphakxa Jesús,

SAN MATEO 4:15

“Yókxexma apheykegkaxa nak Zabulón énxet'ák apagkok tén han ma'a Neftalí, cham'a ekpayho nak neyp wátsam Jordán, ekpayho nak han neyáwa wátsam ekwányam, tén han ma'a yókxexma Galilea, apheykegkaxa nak énxet'ák melya'áseyak nak Dios.