SAN MATEO 4:21 - Lengua Sur (Enxet) Nuevo Testamento

²¹ Apxegákxeyk axta makham Jesús, apwetágwokmek axta makham apkánet énxet apyáxeg apagko' axta apxegexma m'a, Zebedeo axta apketchek xa apkánet nak: Santiago axta apwesey xama, keñe axta pók apwesey Juan, yetlo Zebedeo axta anhan apkelánegkakxo yam'én apagkok kañe' yántakpayhe awáxok xa énxet'ák nak. Apkelwóneyha axta Jesús.

SAN MATEO 4:21 Referans Kwoze

SAN MARCOS 3:17

Santiago yetlo apyáxeg axta anhan ma'a apwesey axta Juan, Zebedeo axta apketchek xa, cháxa apkeltéma axta Jesús Boanerges xa (neltéma nak negko'o nempeywa, “Takha' Apketchek”);

SAN MATEO 10:2

Keso apkelwesey axta doce seykha amya'a s'e: Simón axta sekxo', apkeltamhomakpo axta nahan Pedro, keñe axta anhan ma'a apyáxeg apwesey axta Andrés; Santiago axta anhan ma'a yetlo apyáxeg apwesey axta Juan, aptaha axta Zebedeo apketchek;

LOS HECHOS 12:2

Apkeltamhok axta Herodes kólyetxak sawo ekwenakte kólakhek ma'a Santiago, aptaha axta Juan apyáxeg.

SAN JUAN 21:2

Apháha axta Jesús apkeltámeséyak ma'a: Simón Pedro, Tomás, apkeltamhomakpo axta Apkánet Appalleykmoho, Natanael axta anhan aphak ma'a, aptaha axta apkeñama Caná yókxexma Galilea, axta anhan ma'a ektaha axta Zebedeo apketchek, apháha axta anhan ma'a apkánet ektaha axta Jesús apkeltámeséyak.

SAN MARCOS 5:37

Wánxa axta aksa apkeltamho étlók Jesús ma'a Pedro, Santiago, tén han Juan, aptaha axta Santiago apyáxeg.

SAN MATEO 26:37

Apyentegkek axta Pedro tén han apkánet Zebedeo apketchek. Awanhek axta elapwayam Jesús, teyekmek axta anhan apwáxok.

SAN MATEO 17:1

Seis ekhem axta entahak ekyeykhe, keñe axta apnaklawa Jesús mók nekha Pedro, Santiago, axta nahan ma'a Juan, aptaha axta Santiago apyáxeg, axta apkelchenátchesakmok ma'a egkexe netno' axta.

SAN MATEO 4:20

Ñohok axta appekkenákxo yam'én apagkok, apkelyetlókek axta.

SAN MATEO 4:22

Ñohok axta appekkenákxo yántakpayhe apagkok xa énxet'ák nak, apyenyókek axta aksa anhan apyap, keñe axta apkelyetlawa Jesús.