SAN MATEO 4:17 - Lengua Sur (Enxet) Nuevo Testamento

¹⁷ Apchénawók axta apkeltenneykha Jesús ma'a, aptahak axta s'e: “Kólyakmagkas kélwáxok, chágketwa'ak kaxwo' ma'a aptémakxa nak Wese' apwányam Dios.”

SAN MATEO 4:17 Referans Kwoze

SAN MATEO 3:2

Axta etnohok cha'a apkeltenneykha s'e: “¡Kólyakmagkas kélwáxok, chágketwa'ak ma'a aptémakxa nak Wese' apwányam Dios!”

LOS HECHOS 2:38

Aptahak axta Pedro apchátegmowágko s'e: —Kólyakmagkas kélwáxok, kóltegye yakpasama yegmen eñama nak Wese' egegkok Jesucristo apwesey, yakwayam enxoho meyakmagkásekxék Dios kéltémakxa nak megkólya'asáxma, keñe sat egkések kéxegke Dios Espíritu Santo.

SAN LUCAS 5:32

Axta ko'o aweyk yakwayam alwónmakha énxet apkelpéwomo nak, wánxa m'a énxet'ák melya'asáxma nak, yakwayam enxoho etnekxak melya'áseyam Dios.

SAN LUCAS 24:47

kóltennaha sat ekyókxoho yókxexma amya'a eñama nak Mesías, Jerusalén sat kólénhok sekxo', yakwayam enxoho elyakmagkasek apwáxók énxet'ák, yakwayam enxoho megkólyakmagkásekxék ma'a apkeltémakxa nak melya'asáxma.

LOS HECHOS 17:30

Axta yenmexmók Dios ektémakxa axta melya'áseyak aksok énxet'ák nano' axta, kaxwo' eyke apkeltamhok negko'o agyakmagkasek egwáxok Dios negyókxoho nak, tén han ma'a ekyókxoho yókxexma nak.

SAN MATEO 9:13

Kólxeg, kóltámesaxche ektémakxa nak ekxeyenma eknaktáxésamaxche s'e: ‘Emenyék ko'o kóltehek kéxegke apmopyósa kóllanok kélmók, momenyek ko'o kólnápok aksok nawha'ák yakwayam helmések ko'o. Axta ko'o aweyk yakwayam alwónmakha m'a énxet'ák eltakmela nak apkeltémakxa, wánxa m'a énxet'ák melya'asáxma nak.’

LOS HECHOS 26:20

Eklegásek axta ko'o sekxo' apmonye'e amya'a eñama Dios ma'a énxet'ák apheykha nak tegma apwányam Damasco, keñe axta seklegasa nahan ma'a apyókxoho énxet'ák apheykha nak tegma apwányam Jerusalén, keñe axta anhan seklegasa m'a ekyókxoho yókxexma Judea, axta anhan eklegásak ma'a énxet'ák metnaha nak judíos, wának axta cha'a elyakmagkasek apwáxók, tén han etnekxak melya'áseyam ma'a Dios, eltémók axta anhan cha'a elanagkok ma'a nentamheykha eñama nak Dios, yakwayam enxoho kataxchek ektémakxa apkelyakmagkaso apwáxók.

SAN LUCAS 15:7

Eltennásek ko'o kéxegke m'a apyakmagkasa enxoho apwáxok xama énxet ekmaso nak aptémakxa, awanhek katnehek elpayheykekxa apwáxók énxet'ák apheykha nak néten, megkaxók ma'a ekweykenxal'a apkelpeykesáseykekxa apwáxók noventa y nueve énxet'ák eltakmela nak apkeltémakxa, cham'a megkeyméxko nak elyakmagkasek apwáxók.

LOS HECHOS 3:19

Ekeso eñamakxa seltamho nak ko'o kólyakmagkasek kélwáxok, kólyo'ókxes kélwáxok ma'a Dios, yakwayam enxoho emasésesek xa kéltémakxa nak megkólya'asáxma. Lapmaxchek sat egkések kéxegke Wese' egegkok ektakmeleykekxa makham kélha,

SAN LUCAS 15:10

Eltennásek ko'o kéxegke m'a apyakmagkasa enxoho apwáxok xama énxet ekmaso nak aptémakxa, kalpayhekxak apwáxók Dios apkelásenneykha m'a néten.”

LOS HECHOS 20:21

Eltennasegkek axta ko'o énxet'ák judíos seltémo elyakmagkasek apwáxók, tén han ma'a énxet'ák metnaha nak judíos, tén han seltémo etnehek melya'áseyam ma'a Wese' egegkok Jesús.

HEBREOS 6:1

Anlenxanmohok hana negko'o ekwokmoho nentaha negwányam, agyenyók sekxo' ma'a émha amonye nelxekmowásamáxche ekxeyenma nak Cristo. Kéméxchek cha'a manlenxanmók negko'o nenxeyenma m'a nelxekmowásamáxche ekmanyehe nak agya'asagkohok, cham'a nenxeyenma nak negyakmagkaso egwáxok, tén han ma'a negyamasma nak nentamheykha segya'asamo nak nétsapmakxa, tén han ma'a mólwateseyam nak nenxeyenma magya'áseyam eñama nak Dios,

LOS HECHOS 11:18

Xama axta apkelleg'a énxet'ák ekha melya'áseyam apheykha Jerusalén xa, apkelwanmeyágkek axta, aptahak axta anhan apkeltemésesa apcheymákpoho Dios se'e: —¡Apmések neyke nahan Dios yakwayam elyakmagkasek apwáxók ma'a énxet'ák metnaha nak judíos, tén han peya elmésagkok ma'a ekyennakte apnenya'ák megkatnegwayam enéxa nak!

SAN MATEO 25:1

“Máxa sat katnehek aptémakxa nak Wese' apwányam Dios ma'a ektémakxa axta diez kelán'a étkók elya'áyekmo axta sẽlyamhopma, kelmákxeyk axta chálewaso yetlo égmen'ák, kelanyexágkek axta m'a ektaha axta yakwayam kalyamhápok.

SAN MATEO 13:47

“Máxa nahan yám'én kélyamasma kañe' wátsam ekwányam ma'a aptémakxa nak Wese' apwányam Dios, keñe kalmok ekyókxoho ektémakxa kelasma.

SAN MATEO 10:7

Kólxeg, kóllegés nahan eyágketwa'a m'a aptémakxa nak Wese' apwányam Dios.

SAN LUCAS 9:2

Apkeláphásek axta yakwayam enxoho eltennaha m'a aptémakxa nak Wese' apwányam Dios, tén han eltakmelchesók ma'a elháxamáxche.

SAN MATEO 11:12

“Apkellegágkok makham Dios énxet'ák apagkok ekwokmoho keso kaxwo' nak, eyeynamókxa axta m'a apwaya axta Juan el Bautista. Keñe m'a énxet apchásenneykekxa nak apkelyennakte apkelenxáneykmek emasésók ma'a aptémakxa nak Wese' apwányam Dios.

SAN MATEO 13:24

Apkeltennáha axta makham Jesús mók apyetcháseykekxoho. Aptahak axta s'e: “Máxa énxet apkeneykekxa axta aktek ektakmela namyep apagkok ma'a aptémakxa nak Wese' apwányam Dios;

SAN MATEO 13:9

Kéxegke ektahakxa enxoho ekha kélheyk'ák, kóleyxho.”

SAN MATEO 13:11

Aptahak axta apchátegmowágko Jesús se'e: “Apkelya'asásegwokmek kéxegke Dios aksok elyexamaxche eleñama nak ma'a aptémakxa nak Wese' apwányam Dios; akke elya'asásegwokmok xa énxet'ák nak.

SAN MATEO 6:10

Yána sat kawak yakwayam kóltemésesek Wese' apwányam xép, kalanaxchek sat xép apmopmenyého keso náxop, ekhawo kéltemésesamakxal'a m'a néten.

SAN LUCAS 3:23

Treinta apyeyam apagkok axta weykmok Jesús, cham'a apchénawo axta aptamheykha. José apketche axta apchánemakpok ma'a Jesús. Elí axta eyke apketche m'a José.