SAN MATEO 4:14 - Lengua Sur (Enxet) Nuevo Testamento

¹⁴ Temék axta xa yakwayam enxoho katnehek ma'a ektémakxa axta apnaktáxeséyak weykcha'áhak Isaías, aptaha axta Dios appeywa aplegaso aptéma axta s'e:

SAN MATEO 4:14 Referans Kwoze

SAN MATEO 2:23

Xama axta apwákxo m'a, aphakmek axta tegma apwányam Nazaret. Temegkek axta xa yakwayam enxoho katnehek ma'a apxeyenma axta katnehek énxet'ák aptaha axta Dios appeywa apkellegaso: cham'a ekmáheyo eltamhakpok Jesús apkeñama Nazaret.

SAN LUCAS 24:44

Keñe axta aptaha apkeláneya s'e: —Cha'a etnahak ko'o m'a sektémakxa axta seltennáseykha kéxegke sekhamakxa axta makham kélnepyeseksa: eltennasegkek axta cha'a kéxegke ekmáheyo kasawhaxkohok katnehek ma'a ekyókxoho ektémakxa nak eknaktáxésamaxche Moisés segánamakxa apagkok sexeyenma ko'o, tén han ma'a eknaktáxésamaxko axta énxet'ák Dios appeywa apkellegaso weykcha'áhak apagkok, tén han ma'a eknaktáxésamaxko nak Salmos.

SAN LUCAS 22:37

Eltennásek kéxegke peya hetnehek ko'o ektémakxa nak eknaktáxésamaxche s'e: ‘Máxa énxet ekmaso aptémakxa axta kéltemésesók nepyeseksa m'a énxet'ák elmasagcha'a nak apkeltémakxa.’ Hetnehek sat ko'o m'a ekyókxoho ektémakxa nak eknaktáxésamaxche sexeyenma ko'o.

SAN MATEO 2:15

Apheykmek axta m'a ekwokmoho apketsapa wese' Herodes. Temegkek axta xa, yakwayam enxoho kasawhaxkohok katnehek ma'a ektémakxa axta apxeyenma Wese' egegkok eñama apxeyenma m'a énxet aptaha axta Dios appeywa aplegaso, aptéma axta s'e: “Egipto payhok sekwónégkaxa ko'o hatte.”

SAN JUAN 19:28

Apya'ásegkok axta Jesús ekpenchásexko elánamáxche xa, yakwayam enxoho katnehek ma'a ektémakxa axta eknaktáxésamaxche weykcha'áhak, aptahak axta appakmétencha'a s'e: —Hem eyakhak ko'o.

SAN JUAN 15:25

Temék ekyókxoho xa, hakte megkatnehek megkatné ektémakxa nak eknaktáxésamaxche segánamakxa apagkok xa énxet'ák nak, ektéma nak ekpeywa s'e: ‘Etaknókek ko'o énxet'ák meykexho eñamakxa.’

SAN MATEO 26:56

Wánxa agkok, temék eyke yakwayam enxoho katnehek ma'a ektémakxa axta eknaktáxésamaxche weykcha'áhak, cham'a apkelxeyenma axta énxet'ák ektaha axta Dios appeywa apkellegaso. Apyenyókek axta aksa apxakko' Jesús apkeltámeséyak apkenyahágko ektaha axta xa.

SAN MATEO 26:54

Ektemék agkok ko'o xa, megkatnehek ma'a ektémakxa nak ekxeyenma eknaktáxésamaxche weykcha'áhak, ekxeyenma eyéméxko katnehek xa.

SAN MATEO 8:17

Cháxa ektahakxa axta ektaha m'a apkeltenneykencha'a axta Isaías aptaha axta Dios appeywa aplegaso, cham'a aptéma axta apkeltenneykha s'e: “Apmaséso apagko' axta aptahak ektémakxa nak negko'o meyke negyennakte, tén han segyenyókasa m'a ektémakxa nak nelháxamáxche.”

SAN MATEO 1:22

Sawhomáxkók axta ektéma xa, yakwayam enxoho katnehek ma'a apxeyenma axta Wese' egegkok, eñama apxeyenma m'a énxet aptaha axta Dios appeywa aplegaso aptéma axta s'e:

SAN MATEO 4:13

Apyeyk'ak axta tegma apwányam Nazaret, axta eyke aphákxak ma'a tegma apwányam Capernaum, cham'a apyetnama nak neyáwa wátsam ekpayhegwayam, yókxexma apheykegkaxa axta Zabulón énxet'ák apagkok, tén han ma'a Neftalí.

SAN MATEO 4:15

“Yókxexma apheykegkaxa nak Zabulón énxet'ák apagkok tén han ma'a Neftalí, cham'a ekpayho nak neyp wátsam Jordán, ekpayho nak han neyáwa wátsam ekwányam, tén han ma'a yókxexma Galilea, apheykegkaxa nak énxet'ák melya'áseyak nak Dios.