SAN MATEO 4:12 - Lengua Sur (Enxet) Nuevo Testamento

¹² Xama axta apleg'a amya'a Jesús kélhésekmo Juan sẽlpextétamakxa, apmahágkek axta yókxexma Galilea.

SAN MATEO 4:12 Referans Kwoze

SAN MARCOS 1:14

Apmahágkek axta Jesús Galilea yakwayam eltennaha amya'a ektakmela apkeltémo axta Dios eltennaha, cham'a kélhésakmo axta Juan sẽlpextétamakxa.

SAN LUCAS 3:20

Wánxa agkok apyanchásegkok axta eyke apkelané aksok ekmaso Herodes: aphésekmek axta Juan sẽlpextétamakxa.

SAN MATEO 14:3

Herodes axta apkeltémo emakpok Juan tén han apkeltémo kólyentemekxa yetlo kélpextete cadenas ma'a sẽlpextétamakxa. Kelán'a ekwesey Herodías axta keñamak aptaha Herodes xa, ektaha axta aptáwa m'a apyáxeg apwesey axta Felipe.

SAN JUAN 3:24

Cháxa ektahakxa axta amonye kélheseyam Juan sẽlpextétamakxa xa.

SAN LUCAS 4:14

Apmeyákxeyk axta makham Jesús yókxexma Galilea. Lanawók axta apwáxok Espíritu Santo apmopwána, apxénamakpek axta Jesús ekyókxoho yókxexma neyáwa Galilea.

SAN MARCOS 6:17

Herodías axta keñamak apkeltamho Herodes emakpok Juan, apkeltamhok axta kóltétek cadenas kañe' sẽlpextétamakxa. Felipe axta aptáwa Herodías, aptaha axta Herodes apyáxeg, keñe axta Herodes aptamheykekxo aptáwa xa kelán'a nak.

SAN JUAN 4:54

Cháxa ektaha axta ánet ekwetamaxche apkelané Jesús aksok sempelakkaso agweta' xa, cham'a apmeyánto axta makham Galilea apkenyekto m'a Judea.

SAN JUAN 4:43

Anet ekhem axta entahak ekyeykhe, keñe axta aptepa Jesús Samaria apmeyákxo m'a Galilea.

SAN LUCAS 4:31

Apmeyákxeyk axta Jesús tegma apwányam Capernaum apyetnama axta m'a yókxexma Galilea, ekhem apkellókasamakxa apkelyampé énxet'ák judíos axta m'a, apkelxekmósa axta Jesús énxet'ák.

SAN MATEO 11:2

Aplegágweykxeyk axta amya'a ektahakxa aptamheykha Cristo Juan neyseksa apha axta sẽlpextétamakxa. Keñe axta apkeláphasa nápakha énxet ektaha axta apkelyetlo Juan,

SAN LUCAS 23:5

Apyánchesakmók axta eyke apkelyennaktésamo apkelpeywa. Aptahak axta s'e: —Apkelyáteyagkok etekkesek ekmaso apyókxoho énxet negheykegkaxa eñama m'a ektémakxa nak apkelxekmóso. Axta apchénawók aptekkeso ekmaso m'a Galilea, temék nahan kaxwo' se'e Judea.

SAN JUAN 1:43

Mók ekhem axta entahak ekxéna apwáxok emhagkok Jesús ma'a yókxexma Galilea. Aptahaña'awók axta Felipe. Aptahak axta apcháneya s'e: —Hétlawha ko'o.

SAN JUAN 2:11

Cháxa apkelana axta Jesús émha amonye aksok sempelakkaso agweta' tegma apwányam Caná yókxexma Galilea xa, cham'a apxekmósa axta anhan ektémakxa apcheymákpoho, axta anhan elya'ásekmok apkeltámeséyak.