SAN MATEO 3:6 - Lengua Sur (Enxet) Nuevo Testamento

⁶ Apkelxénágkek axta ektémakxa melya'asáxma, keñe axta Juan apyakpasásegko yegmen ma'a wátsam Jordán.

SAN MATEO 3:6 Referans Kwoze

LOS HECHOS 19:18

Apkelwa'ak axta anhan apxámokma énxet apteme axta melya'áseyam, apkelxénchek axta nápakta'awo' énxet'ák ma'a ekyókxoho aksok ekmaso apkeláneyak axta,

1 SAN JUAN 1:9

neltennásek agkok negko'o Dios ektémakxa nenlané mólya'asáxma, egwanchek magya'ásók Dios aptaha meyakmagkaseyam aptémakxa appeywa, tén han ektaha ekpéwomo agko' ma'a aptémakxa nak, yakwayam enxoho meyakmagkásekxék ma'a nentémakxa nak mólya'asáxma, hegmasésesek nahan ma'a ekyókxoho nentémakxa ekmaso nak.

HEBREOS 9:10

hakte aksok nentamakxa eyke aksa xa, tén han ma'a negyamol'a, tén han ma'a segmasésesamol'a ektémakxa nak aksok sempeysegkeso, cháxa ektaha nak ekyetno yókxexmók xa aksok nak, kélmeykencha'awol'a ekwokmoho apyakmagkasesa ektémakxa Dios.

SAN MATEO 3:11

Yegmen ko'o ekmáha sekyakpásásegko kéxegke yegmen yakwayam enxoho wának kólyakmagkasek kélwáxok; wánxa agkok, énxet apxegakmo nak netámen ko'o eyakpásesagkok sat kéxegke Espíritu Santo tén han yetlo táxa. Apmopwána eghak ma'a maxnawok ko'o, megkapayhawok alsókasek ko'o apkeltéto apmagkok.

HEBREOS 6:2

tén han manlenxanmók nenxeyenma m'a nelxekmowásamáxche ekxénamaxche nak ektémakxa yakpasameygmen, tén han manlenxanmók nenxeyenma m'a kélnegkenma nak kélmék apkátek énxet aptaha nak melya'áseyam Dios, tén han manlenxanmók nenxeyenma m'a apnakxátekhágwayam nak apkeletsapma axta, tén han manlenxanmók nenxeyenma m'a yakwánxa nak hẽlyekpelkohok megkatnegwayam enéxa.

COLOSENSES 2:12

Kélatawañamáxchek axta kéxegke xamo' Cristo, cham'a kélyakpasásegko axta yegmen, kélnakxátekhásekmek axta nahan kéxegke xamo' ma'a Cristo, hakte axta kólya'áseykmok kéxegke Dios ekha apmopwána, cham'a aptaha axta apxátekháseyam Cristo nepyeseksa apkeletsapma axta.

1 CORINTIOS 10:2

Cháxa ektahakxa axta kéltemésesama apkelyetleykekxa Moisés xa eñama m'a kélyakpasáseyak axta yegmen kóneg yaphopé, tén han ma'a neyseksa wátsam ekwányam.

LOS HECHOS 22:16

Ná exnekxoho kaxwo' xép. Etnamha, etegye yakpasama yegmen, yáxñásekxoho xa aptémakxa nak mey'asáxma, ewónmakha Wese' egegkok apwesey.’

LOS HECHOS 11:16

Keñe axta ekxénwákxoho ko'o ewáxok aptéma axta appeywa Wese' egegkok se'e: ‘Nakso' axta apyakpásáseykegko yegmen énxet'ák Juan, wánxa agkok, kólyakpásesagkok sat kéxegke yetlo Espíritu Santo.’

LOS HECHOS 1:5

Nakso' axta apyakpásáseykegko yegmen énxet Juan, kaxwo' sat eyke kólyakpásesagkok kéxegke yetlo Espíritu Santo.

SAN LUCAS 3:16

wánxa agkok, aptahak axta Juan apkeláneya apyókxoho énxet'ák se'e: “Yegmen ko'o ekmáha sekyakpasásegko kéxegke yegmen; apxegakmek eyke netámen xama énxet yakwayam sat eyakpásesagkok kéxegke yetlo Espíritu Santo tén han ma'a táxa. Apmopwána eghak ma'a maxnawok ko'o, megkapayhawok nahan alhexyawásesek ko'o axát'ák ma'a apkeltéto apmagkok.

SAN MARCOS 1:5

Apyókxoho énxet apheykha yókxexma Judea axta apkelmahágkok apháxenwokmoho apkeltenneykha Juan, tén han ma'a énxet'ák apkeleñama axta tegma apwányam Jerusalén. Apkelxénchek axta apkeltémakxa melya'asáxma, keñe axta Juan apyakpasásegko yegmen.

1 SAN PEDRO 3:21

Yakpasama yegmen axta ekyetchásamáxkoho xa yegmen ekyawe nak, cham'a sẽlwagkasama nak teyp negko'o. Háwe yakwayam kaxñásekxak negyókxa xa yakpasama yegmen nak, wánxa aksa yakwayam hegwetaksek ma'a meyke ektahakxa egwáxok nak nápakto' Dios; ẽlwagkasek nahan negko'o teyp xa yakpasama yegmen nak eñama m'a apxátekhágwayam axta Jesucristo,

SANTIAGO 5:16

Kóltennés cha'a kéltémo xamo' nak megkólya'áseyam ektahakxa enxoho kéllané megkólya'asáxma, kólmaxnéses cha'a kélnámokkok yakwayam enxoho eltakmelchesók Dios. Ekmowána eghak apkelmaxnagko m'a énxet ektakmela nak aptémakxa, hakte keytlawhok nahan apméso apwáxok ma'a Dios.

SAN LUCAS 1:16

Exámásekxak sat énxet'ák Israel aptemesáseykekxa melya'áseyam Dios Wese' apagkok.