SAN MATEO 3:2 - Lengua Sur (Enxet) Nuevo Testamento2 Axta etnohok cha'a apkeltenneykha s'e: “¡Kólyakmagkas kélwáxok, chágketwa'ak ma'a aptémakxa nak Wese' apwányam Dios!” Gade chapit la |
SAN MATEO 3:2
61 Referans Kwoze
Xama axta apkelleg'a énxet'ák ekha melya'áseyam apheykha Jerusalén xa, apkelwanmeyágkek axta, aptahak axta anhan apkeltemésesa apcheymákpoho Dios se'e: —¡Apmések neyke nahan Dios yakwayam elyakmagkasek apwáxók ma'a énxet'ák metnaha nak judíos, tén han peya elmésagkok ma'a ekyennakte apnenya'ák megkatnegwayam enéxa nak!
Keñe axta aptaha apkeláneya Jesús se'e: —Apkeltámesamakpek agkok énxet apkelxekmóso nak apnámokkok ektémakxa segánamakxa m'a aptémakxa nak Wese' apwányam Dios, máxa etnehek ma'a énxet ekhal'a apxagkok, ey'asagkohok elhexyawásekxak ma'a aksok axnagcha'ák, tén han ma'a aksok apák nak, cham'a apnegkenmakxal'a aksok apkeltakmelcheso.
Yaknaha sat ma'a énxet'ák apheykencha'a axta tegma apwányam Nínive, cham'a ekhem nelyekpelchamáxchexa sat, cham'a kéltaha sat nahan kélyekpelchémo énxet'ák apheykencha'a nak se'e kaxwo' nak, elsexnenak sat énxet'ák hakte apkelyakmagkasegkek axta apwáxók ma'a énxet'ák apheykencha'a axta Nínive, cham'a apkelleg'a axta apkeltenneykha Jonás; akke exnawok Jonás aksok ekyetna nak se'e.
Eltennásek ko'o kéxegke m'a apyakmagkasa enxoho apwáxok xama énxet ekmaso nak aptémakxa, awanhek katnehek elpayheykekxa apwáxók énxet'ák apheykha nak néten, megkaxók ma'a ekweykenxal'a apkelpeykesáseykekxa apwáxók noventa y nueve énxet'ák eltakmela nak apkeltémakxa, cham'a megkeyméxko nak elyakmagkasek apwáxók.
Anlenxanmohok hana negko'o ekwokmoho nentaha negwányam, agyenyók sekxo' ma'a émha amonye nelxekmowásamáxche ekxeyenma nak Cristo. Kéméxchek cha'a manlenxanmók negko'o nenxeyenma m'a nelxekmowásamáxche ekmanyehe nak agya'asagkohok, cham'a nenxeyenma nak negyakmagkaso egwáxok, tén han ma'a negyamasma nak nentamheykha segya'asamo nak nétsapmakxa, tén han ma'a mólwateseyam nak nenxeyenma magya'áseyam eñama nak Dios,
Eklegásek axta ko'o sekxo' apmonye'e amya'a eñama Dios ma'a énxet'ák apheykha nak tegma apwányam Damasco, keñe axta seklegasa nahan ma'a apyókxoho énxet'ák apheykha nak tegma apwányam Jerusalén, keñe axta anhan seklegasa m'a ekyókxoho yókxexma Judea, axta anhan eklegásak ma'a énxet'ák metnaha nak judíos, wának axta cha'a elyakmagkasek apwáxók, tén han etnekxak melya'áseyam ma'a Dios, eltémók axta anhan cha'a elanagkok ma'a nentamheykha eñama nak Dios, yakwayam enxoho kataxchek ektémakxa apkelyakmagkaso apwáxók.
“¡Kéxegkel'aye kéltaha nak kélxekmóso kélnámokkok ektémakxa segánamakxa, tén han kéxegke kéltaha nak fariseos, kéltaha nak kélmeyókásamáxkoho kélagko' kéltémakxa! Megkólhayók nahan kéxegke elántexek énxet ma'a aptémakxa nak Wese' apwányam Dios. Megkólántaxnók nahan kéxegkáxa, megkólhayók nahan elántexek énxet apmáheyo neykhe elántexek.
Apsawhekxók axta apweynchámeykha Jesús ma'a yókxexma Galilea, elxekmóshok axta cha'a énxet'ák apchakneykekxexa judíos ekyókxoho yókxexma. Eltennaha axta cha'a tásek amya'a ekxeyenma m'a aptémakxa nak Wese' apwányam Dios, eltakmelchesamhok axta cha'a énxet ekxámokxoho ektémakxa nak apkelháxamap, tén han ma'a ekyókxoho ektémakxa nak apkellegeykegkoho ekmáske.
Piblisite