SAN MATEO 3:17 - Lengua Sur (Enxet) Nuevo Testamento

¹⁷ Legáxchek axta kélpeywa eñama néten, entahak axta s'e: “Keso hatte seyásekhayo nak ko'o s'e, selyéseykha ahagko' axta.”

SAN MATEO 3:17 Referans Kwoze

SAN MATEO 17:5

Neyseksa appakmeyesma axta Pedro eyahapwa'a xama yaphopé elyenma xa énxet'ák nak. Keñe axta ektepa kélpeywa neyseksa xa yaphopé nak. Entahak axta kélpeywa s'e: “Keso hatte seyásekhayo nak ko'o s'e, selyéseykha ahagko' axta anhan: kóleyxho appeywa.”,

2 SAN PEDRO 1:17

Axta negwethok negko'o m'a apmésa axta Dios Egyap ekyawe kéláyo tén han apcheymákpoho, cham'a nenleg'a axta anhan aptaha appeywa Dios se'e: “Keso hatte seyásekhayo nak ko'o s'e, aptaha nak selyéseykha ahagko' ko'o.”

SAN LUCAS 9:35

Keñe axta ektepa kélpeywa neyseksa yaphopé. Entahak axta s'e: “Keso hatte ko'o s'e, aptaha axta selyéseykha, kóleyxho appeywa.”

SAN MATEO 12:18

“Keso seyásenneykha ko'o s'e, ko'o axta selyéseykha, aptaha nak han seyásekhayo, leklamok nahan ewáxok aptémakxa. Agkések sat nahan ko'o Espíritu ahagkok, eltennasha sat nahan apyókxoho énxet'ák ma'a ekxeyenma nak ko'o ewáxok ektaha ekpéwomo.

SAN MARCOS 9:7

Keñe axta ekweywento yaphopé, cháhapwa'ak axta nahan pesese agkok xa énxet'ák nak. Neyseksa yaphopé axta tépak kélpeywa. Entahak axta s'e: “Keso hatte seyásekhayo nak ko'o s'e: kóleyxho appeywa.”

SAN LUCAS 3:22

Apweywentek axta Espíritu Santo apkenmágkaxa Jesús, máxa axta aptahak wáx'ay apwetákpo. Legáxchek axta anhan kélpeywa eñama néten. Entahak axta s'e: —Xép apteme hatte seyásekhayo, selyéseykha ahagko' axta ko'o.

SAN MARCOS 1:11

Legáxchek axta kélpeywa eñama néten. Entahak axta s'e: “Xép apteme hatte seyásekhayo aptaha axta anhan ko'o selyéseykha.”

COLOSENSES 1:13

Ẽlhexyawasékxeyk axta negko'o Dios sẽlmoma axta m'a ektémakxa nak ekmowána ekyaktesóxma, ennaklakxeyk axta m'a aptémakxa nak Wese' apwányam Apketche apchásekhayókxa nak,

EFESIOS 1:6

Ekeso eñamakxa neltemésesa nak cha'a negko'o apcheymákpoho Dios, eñama m'a segméso naksa axta ektémakxa nak segemleykekxoho, cháxa keñamak nahan sempasmo nak negko'o Dios xa, eñama m'a Apketche aptaha nak apchásekhayo.

SAN JUAN 5:37

Ekmámnaksoho nahan cha'a apxeyenma ko'o sekwesey Táta, cham'a aptaha axta seyáphaso ko'o, megkóllegeyk eykhe kéxegke appeywa, megkólweteyk eykhe nahan xama enxoho.

APOCALIPSIS 14:2

Keñe axta sekleg'a ko'o extegyawa eñama m'a néten, máxa axta extegyawa m'a ekteyeykenxal'a yegmen, máxa axta nahan ma'a elmahágweykmohol'a etyamok takha', máxa axta nahan entahak ma'a apxámakxa enxoho énxet yát'axpog apyawe apkelpáwaso.

SAN JUAN 5:20

Heyásekhohok cha'a ko'o Táta sektaha nak Apketche, hexekmósek nahan cha'a ekyókxoho aksok apkelanakxa enxoho; hexekmósek sat nahan ma'a aksok ektaha nak eltakmela agko', katlakkasek sat nahan kólwetak kéxegke m'a kélwet'a sat.

1 SAN JUAN 5:9

Magya'ásekmok cha'a negko'o apkelxeyenma énxet'ák ektaha nak apkelweteykegkoho ekmámnaksoho agko', akke ekyagwánxa agkok ektaha ektakmela agko' ma'a ektémakxa nak apxeyenma Dios, hakte Apketche axta apxeyenmak.