SAN MATEO 3:14 - Lengua Sur (Enxet) Nuevo Testamento

¹⁴ Axta eykhe emokok sekxo' Juan. Aptahak axta apcháneya s'e: —Ko'o eyke payhawók heyakpásesek xép yegmen, ¿Yaksak ektaha sey'awa nak apkeltamho ayakpásesek yegmen?

SAN MATEO 3:14 Referans Kwoze

GÁLATAS 4:6

Apcháphásek axta Dios Apketche Espíritu apagkok kañe' egwáxok negko'o, hakte nentemék negko'o kaxwo' Dios apketchek; etnehek nahan cha'a Espíritu ewónmakha s'e: “¡Táta!”

GÁLATAS 3:22

Wánxa agkok, xeyenmék eyke eknaktáxésamaxche sẽlmoma negko'o mólya'asáxma negyókxoho nak, yakwayam enxoho yepwának elxawagkok aksok apxeyenma axta egkések Dios ma'a énxet'ák apteme nak mey'áseyam Jesucristo.

ROMANOS 3:25

Aptemésesek axta Dios Cristo yakwayam etnehek apmaseso mólya'asáxma, cham'a apyegkena axta éma apagkok, hegwetaksohok cha'a megkólyakmagkáseykekxa nentémakxa mólya'asáxma xa, eñama m'a magya'áseyam nak. Enxekmósek axta Dios ektaha ekpéwomo aptémakxa, cham'a apkelana axta xa, metnésesamók axta cha'axma Dios énxet'ák apkeláneyak melya'asáxma nano' axta,

ROMANOS 3:23

hakte negyókxoho cha'a nenlanak mólya'asáxma, teyépek negko'o neghágkaxa Dios ekha nak apcheymákpoho.

SAN JUAN 1:16

Tekxeyagkók axta mók segásekhayo Dios eñama m'a ektémakxa nak ekyawe ektakmeleykha apwáxok.

SAN LUCAS 1:43

¿Yaksak kexaha ektaha ektakmela nak ko'o setnahakxa, cháxa ekxegakmo nak Wese' egegkok egken setnaha meyk'a?

SAN MATEO 3:13

Yókxexma Galilea axta apkeñamak Jesús apmahágko m'a wátsam Jordán, cham'a aphakxa axta Juan, yakwayam enxoho eyakpásesek yegmen Juan ma'a Jesús.

SAN MATEO 3:15

Aptahak axta apchátegmowágko Jesús se'e: —Etne xa seltamhókxa nak etnehek, hakte payhawók anlának ekyókxoho m'a ekpéwo nak anlának nápakto' Dios. Keñe axta apkelyahákxoho Juan.

ROMANOS 1:13

Elyáxeg, emenyék kólya'ásegwomhok kéxegke ekxeyenma cha'a ko'o ewáxok atnehek meyk'a kéxegke yakwayam alweta', makhemek eyke makham ekyetno aksok meheyhayo cha'a axog ko'o, ekwokmoho kaxwo' nak. Emenyék eykhe ko'o wanchásekxak aksok eltakmela eleñama nak néten kélnepyeseksa kéxegke, ekhawo ektahakxa axta seyancháseykekxa nepyeseksa m'a énxet'ák apheykha nak mók yókxexma.

HEBREOS 7:23

Aptépeykegkek axta eyke xa énxet'ák appasmo nak apkelmaxnéseso Dios énxet'ák apagkok, hakte axta kaltémók cha'a kawegkohok apheykha m'a nétsapma nak.