SAN MATEO 3:11 - Lengua Sur (Enxet) Nuevo Testamento

¹¹ Yegmen ko'o ekmáha sekyakpásásegko kéxegke yegmen yakwayam enxoho wának kólyakmagkasek kélwáxok; wánxa agkok, énxet apxegakmo nak netámen ko'o eyakpásesagkok sat kéxegke Espíritu Santo tén han yetlo táxa. Apmopwána eghak ma'a maxnawok ko'o, megkapayhawok alsókasek ko'o apkeltéto apmagkok.

SAN MATEO 3:11 Referans Kwoze

SAN LUCAS 3:16

wánxa agkok, aptahak axta Juan apkeláneya apyókxoho énxet'ák se'e: “Yegmen ko'o ekmáha sekyakpasásegko kéxegke yegmen; apxegakmek eyke netámen xama énxet yakwayam sat eyakpásesagkok kéxegke yetlo Espíritu Santo tén han ma'a táxa. Apmopwána eghak ma'a maxnawok ko'o, megkapayhawok nahan alhexyawásesek ko'o axát'ák ma'a apkeltéto apmagkok.

LOS HECHOS 1:5

Nakso' axta apyakpásáseykegko yegmen énxet Juan, kaxwo' sat eyke kólyakpásesagkok kéxegke yetlo Espíritu Santo.

TITO 3:5

Háwe axta eñama sẽlwagkaso teyp eñama nenlané m'a aksok ektakmela nak, axta eyke keñamak ma'a nelmayóseka axta senlányo. Entemésásekxeyk axta eghaxnagcha'ák eñama m'a segyakpasáseyak axta yegmen, nenxakak axta anhan axnagkok ekyennakte egnenyek eñama Espíritu Santo.

1 CORINTIOS 12:13

Hawók nahan sentémakxa nak negyókxoho xa, ẽlyakpasásegkek axta yegmen yakwayam antemekxak xama negyókxa eñama apmopwána m'a aptaha nak apwánxa xama Espíritu, megkeyxek ma'a nenteme nak judíos tén han ma'a metnaha nak judíos, tén han ma'a nenteme nak negmomaxche esenhan ma'a magmomaxche nak; negyókxoho axta nenxakak yakwayam exek egwáxok xa Espíritu nak, ektémol'a agyenek ma'a negyamol'a.

SAN MATEO 3:6

Apkelxénágkek axta ektémakxa melya'asáxma, keñe axta Juan apyakpasásegko yegmen ma'a wátsam Jordán.

LOS HECHOS 19:4

Aptahak axta apkeláneya Pablo s'e: —Nakso', eyakpásesagkohok axta cha'a yegmen Juan ma'a énxet'ák ektahakxa enxoho apyakmagkaso apwáxók, wánxa agkok, eltennaksohok axta eyke cha'a Juan énxet'ák apkeltémo etnahagkok melya'áseyam ma'a peya axta ewak neptámen, cham'a Jesús.

SAN LUCAS 1:17

Wese' egegkok apmonye sat exog xa Juan, exhok sat ma'a Elías aptaha axta Dios appeywa aplegaso, cham'a ektémakxa axta apmopwána tén han ekha apyennakte, yakwayam enxoho yásekhasásekxohok apketchek ma'a énxet'ák, yakwayam enxoho kaltámeyagkok apkelyaheykekxoho m'a énxet'ák meyke apkelyaheykekxoho nak. Sat etnésesek apkeláneseykekxa apkeltémakxa énxet'ák yakwayam emok takha' Wese' egegkok xa ektaha nak.

SAN JUAN 1:30

Cháxa sekxeyenma axta cha'a ko'o xa sektéma axta cha'a sekpeywa s'e: ‘Apxegakmek netámen xama énxet maxnawo nak ko'o, hakte aphegkek axta meykexa ko'o.’

SAN MARCOS 1:4

Cháxa ektahakxa axta ektaha m'a apwokmo axta Juan yókxexma meykexa énxet. Apyakpasásegkek axta yegmen énxet; apkeltennásek axta eyéméxko elyakmagkasek apwáxók, yakwayam enxoho meyakmagkásekxék Dios apkeltémakxa melya'asáxma.

EFESIOS 3:8

Ko'o eyke sekteme kónegók ahagko' nepyeseksa m'a elyáxeg'a ektaha nak Dios énxet'ák apagkok, cham'a apteme nak kóneg; Egkések axta eyke aksa ko'o Dios ektakmela sektamheykha yakwayam atnehek seltennáseykha amya'a ektakmela m'a énxet'ák metnaha nak judíos cham'a amya'a ekxeyenma nak ekxámokma agko' aksok eltakmela eleñama nak Cristo.

1 SAN PEDRO 5:5

Hawók nahan kéxegkáxa wokma'ák nak, kólteme cha'a kélyaheykekxoho m'a apkelwányam kélagkok nak. Negyókxoho cha'a kéméxchek antehek nelyaheykekxoho egmók, yetlo megkeymáxkoho egwáxok, hakte: “Apkelmexchek cha'a Dios ma'a énxet'ák apkeleymákpoho nak, wánxa agkok, appasmeyk eyke cha'a yetlo apchásekhayo m'a énxet'ák meleymákpoho nak.”

SAN JUAN 1:15

Apkeltenneykha axta Juan apxeyenma aptémakxa m'a. Aptahak axta apxéna s'e: “Cháxa sekxeyenma axta cha'a ko'o seltenneykencha'a xa, sektéma axta cha'a sekpeywa s'e. Enxet peya nak ewak netámen, apteme maxnawo ko'o, hakte aphegkek axta meykexa ko'o.”

SAN LUCAS 3:3

Apsawheykekxók axta apwayam Juan ekyókxoho yókxexma eyágketexa axta wátsam Jordán. Apkeltennasegkek axta cha'a énxet'ák eyéméxko etnekxak melya'áseyam Dios tén han apkeltémo cha'a kólyakpásesagkok yegmen, yakwayam enxoho meyakmagkásekxék Dios apkeltémakxa melya'asáxma.

LOS HECHOS 8:36

Xama axta apyeykhágwokmo xama yókxexma ekyetnakxa axta yegmen, aptahak axta wese' eyásenneykha s'e: —Yetné nak yegmen se'e. ¿Apwancheya sat heyakpásesek yegmen?

LOS HECHOS 8:38

Keñe axta apkeltamho kólmagwók weyke takaxchók; apkelántekkek axta anhan neygmen, keñe axta Felipe apyakpásesa pók yegmen ma'a.