SAN MATEO 28:19 - Lengua Sur (Enxet) Nuevo Testamento

¹⁹ Kólmohok sat apheykegkaxa nak énxet ekyókxoho yókxexma keso náxop, kólteméses nahan seltameséyak ko'o m'a, kólyakpásesák nahan yegmen yetlo kélxeyenma apwesey m'a Táta, Apketche, tén han ma'a Espíritu Santo.

SAN MATEO 28:19 Referans Kwoze

LOS HECHOS 1:8

Wánxa agkok, apwa'ak sat agkok Espíritu Santo kélnepyeseksa kéxegke, kólxawak sat kélmowána, kólxog sat nahan cha'a yakwayam kólxének sekwesey ko'o, Jerusalén, tén han kólmahagkok ma'a ekyókxoho yókxexma Judea, tén han ma'a Samaria, kawomhok sat nahan kélmaheyak ma'a eyátépexa nak.

GÁLATAS 3:27

yakpasameygmen nahan keñamak kéltemésesama kéxegke kélyepetcheyo Cristo, kéltemék nahan kaxwo' kélahakkásamáxche kéxegke m'a Cristo.

ROMANOS 10:18

Ektahak ko'o selmaxneyeykha s'e: ¿Enxeykel'a ellegeyk énxet'ák tásek amya'a? ¡Apkellegaye'! Hakte temegkek eknaktáxésamaxche s'e: “Ekyókxoho yókxexma axta payheykekxak apkeltenneykha xa énxet'ák nak, sawheykekxók axta apkeltenneykha keso náxop.”

EFESIOS 2:18

Cristo nahan keñamak negkegwagko negko'o antehek negyepetcheyo Dios Egyap negyókxoho nak, judíos tén han ma'a énxet'ák metnaha nak judíos, eñama m'a aptaha nak apwánxa xama Espíritu.

LOS HECHOS 28:28

Kólya'ásegwakxoho kéxegke, énxet'ák metnaha judíos kaxwo' peyk kólmések se'e nelwagkásamáxche teyp eñama nak Dios, sat eyke yeyxhok ma'a énxet'ák nak.

LOS HECHOS 2:41

Kélyakpasásegkek axta yegmen apyókxoho énxet ektaha axta apkelyaheykekxoho apkeltenneykha Pedro; tres mil axta apwokmók apxámeykekxa énxet'ák ma'a ektaha axta melya'áseyam Dios, cham'a ekhem axta.

1 SAN PEDRO 3:21

Yakpasama yegmen axta ekyetchásamáxkoho xa yegmen ekyawe nak, cham'a sẽlwagkasama nak teyp negko'o. Háwe yakwayam kaxñásekxak negyókxa xa yakpasama yegmen nak, wánxa aksa yakwayam hegwetaksek ma'a meyke ektahakxa egwáxok nak nápakto' Dios; ẽlwagkasek nahan negko'o teyp xa yakpasama yegmen nak eñama m'a apxátekhágwayam axta Jesucristo,

1 CORINTIOS 15:29

¿Háxko sat etnahagkok énxet'ák kélyakpasáseyak axta yegmen eñama m'a apkeletsapma axta, cham'a menakxátekhágweykmo enxoho cha'a m'a apkeletsapma axta? ¿Yaksak ektéma apkeltémo nak kólyakpásesagkok yegmen eñama m'a apkeletsapma axta?

LOS HECHOS 14:21

Apkeltakháwok axta makham tegma apwányam Listra natámen aplegaso énxet'ák amya'a ektakmela m'a tegma apwányam Derbe, cham'a apxámásekxexa axta énxet'ák apteme melya'áseyam Dios ma'a. Iconio axta anhan apkelmeyákxak, tén han ma'a Antioquía.

COLOSENSES 1:23

Cháxa keñamak eyéméxko nak kóltehek kéxegke kélwaskápeykekxoho eñama ekpasmo m'a megkólya'áseyam nak, meyke kélyenseyam ma'a kélhaxneykha ekyetna nak kéxegke eñama kéllegé m'a tásek amya'a kéltenneykha nak. Cháxa amya'a kéltenneykencha'a nak ekyókxoho yókxexma xa, sekpasmoma nak han ko'o xa ektémakxa kéltenneykha, ko'o Pablo.

2 CORINTIOS 13:14

Keytek sat cha'a kélnepyeseksa kéxegke m'a ektémakxa nak segméso naksa Wese' egegkok Jesucristo m'a segemleykekxoho nak, tén han ma'a Dios segásekhayo nak, exek sat nahan cha'a kélwáxók Espíritu Santo kélyókxoho kéxegke.

LOS HECHOS 9:18

Yetlókók axta ekleyamaxche aksok elapma apakta'ák Saulo, máxa axta m'a kelasma empe'ékla'a. Apwetakxeyk axtaxma Saulo. Keñe axta apkempákxo néten, kélyakpásesek axta yegmen.

SAN MATEO 13:52

Keñe axta aptaha apkeláneya Jesús se'e: —Apkeltámesamakpek agkok énxet apkelxekmóso nak apnámokkok ektémakxa segánamakxa m'a aptémakxa nak Wese' apwányam Dios, máxa etnehek ma'a énxet ekhal'a apxagkok, ey'asagkohok elhexyawásekxak ma'a aksok axnagcha'ák, tén han ma'a aksok apák nak, cham'a apnegkenmakxal'a aksok apkeltakmelcheso.

1 SAN JUAN 5:7

Antanxo ektaha nak ekxeyenma ektaha nakso' xa;

SAN MATEO 25:32

Yaknekxak sat apyókxoho pók aptémakxa énxet aphakxa. Yexpánchesek sat énxet aptémol'a apkeláneykha nekkések yexpánchesek nekkések apkelpaxkamap yát'ay.