SAN MATEO 28:18 - Lengua Sur (Enxet) Nuevo Testamento

¹⁸ Apyepetchegwákxók axta Jesús xa énxet'ák nak. Aptahak axta apkeláneya s'e: —Egkések ko'o Dios yakwayam hetnehek selyaheykekxoho ekyókxoho aksok ma'a néten tén han keso náxop.

SAN MATEO 28:18 Referans Kwoze

SAN JUAN 3:35

Apchásekhayók Apketche Dios, apmések axta nahan apmopwána yakwayam elának ekyókxoho aksok.

1 SAN PEDRO 3:22

cham'a Jesucristo apmeyeykekxo axta néten, aphákxeyk nahan ma'a ekpayhókxa nak apkelya'asamakxa Dios. Temék kaxwo' elyaheykekxoho Dios apkelásenneykha m'a Cristo, tén han ma'a aksok magweté nak ekyókxa ekheykencha'a nak tekhenxet, cham'a ekha nak kélyaheykekxoho, cham'a ekha nak han elmowancha'a.

SAN MATEO 11:27

“Egkések axta ko'o Táta ekyókxoho aksok. Méko keykpelkohok Dios Apketche, wánxa m'a Apyap; méko nahan keykpelkohok ma'a Apyap, wánxa ékpelkohok ma'a Apketche, tén han elyekpelkohok ma'a énxet'ák apkepmenyexa enxoho Apketche ékpelchásesamhok aptémakxa Apyap.

HEBREOS 2:8

Ekyókxoho aksok axta apnegkenchásak kóneg apmagkok.” Xama axta apnegkenchesa ekyókxoho aksok kóneg apmagkok, axta yeykmok xama aksok apnegkenchesa kóneg apmagkok. Wánxa agkok, akke agwet'ak makham negko'o énxet etnehek apkeláneykha ekyókxoho aksok.

1 CORINTIOS 15:27

Hakte Dios axta ektaha apnegkencheso kóneg apmagkok Cristo ekyókxoho aksok. Cháxa ekxeyenma nak weykcha'áhak eknaktáxésamaxche xa, cham'a eksawhomáxkoho nak aksok kélnegkenchesama kóneg apmagkok Cristo, negya'ásegkok eyke negko'o megkaweykmoho m'a Dios, hakte Dios axta apnegkencheso Cristo kóneg apmagkok ekyókxoho aksok.

SAN JUAN 17:2

Hakte apmések axta exchep Apketche yakwayam etnehek meyke ekhémo nepyeseksa énxet'ák keso náxop, yakwayam enxoho elmésagkok elyennakte apnenya'ák ma'a apyókxoho énxet ektaha axta apméso exchep Apketche yakwayam eltakmelchesek.

HEBREOS 1:2

Kaxwo' eyke keso negwánxa nak, eyágketwokmo nak ektemegwánxa néxa ekhem, ẽlpakhetchesek negko'o Dios eñama m'a Apketche nak appeywa, hakte Cristo axta keñamak apkeláneya Dios ekxámokxoho aksok, cham'a Cristo, appagkanchesa nak Dios yakwayam elmeyásekxak ekyókxoho aksok.

COLOSENSES 2:10

Sawhomáxkók kéxegke kélxawáya m'a aksok eleñama nak Dios eñama kélyepetcheyo m'a Cristo, aptaha nak apkemha apmonye neyseksa ekyókxoho aksok ekha nak elmowancha'a, tén han ma'a ekha nak kélyaheykekxoho.

SAN LUCAS 10:22

“Egkések axta ko'o Táta ekyókxoho aksok. Méko kay'asagkohok aptémakxa m'a Dios Apketche, Apyap aksa ey'asagkohok; méko nahan kay'asagkohok aptémakxa m'a Dios, Apketche aksa ey'asagkohok, tén han ma'a énxet'ák apkepmenyéxa enxoho elya'asásegwomhok Dios Apketche aptémakxa Apyap.”

APOCALIPSIS 19:16

Yetnegkek axta nahan kéltáxeso apchaklamap, tén han ma'a apyók ektéma nak se'e: “Wese' apwányam nepyeseksa m'a kelwese'e apkelwányam nak, apteme nahan Wese' nepyeseksa m'a kelwese'e nak.”

ROMANOS 14:9

Axta keñamak apketsapma Cristo, tén han apxátekhágweykmo eñama s'e: yakwayam etnehek Wese' apagkok énxet'ák apkeletsapma nak, tén han ma'a apkelyenna nak.

APOCALIPSIS 17:14

Elnapakpok sat Nekkések Apketkok xa kelwese'e nak, emalánek sat eyke Nekkések Apketkok nepyeseksa xa kelwese'e apkelwányam nak, yetlo apkelxegexma'a Nekkések Apketkok ma'a ektaha axta Dios apkelwóneykha, cham'a ektaha axta anhan Dios apkelyeseykha, cham'a meyenseyam nak han apteme melya'áseyam, hakte Nekkések Apketkok apteme Wese' nepyeseksa m'a kelwese'e nak, apteme nahan Wese' apwányam nepyeseksa kelwese'e apkelwányam nak.”

APOCALIPSIS 11:15

Siete axta apwokmok Dios apkelásenneykha appawaso apchakkahaso, keñe axta eklegáxko ekyennakte agko' kélpeywa eñama néten. Entahak axta amya'a s'e: “Wese' egegkok kaxwo' aptahak Wese' apwányam keso náxop, tén han ma'a Mesías apkeñama nak Dios. Etnahagkok sat Kelwese'e apkelwányam megkatnegwayam enéxa.”

SAN MATEO 26:64

Aptahak axta apchátegmowágko Jesús se'e: —Cháxa aptahakxa nak appeywa exchep. Eltennásek nahan ko'o xa kéxegke peya kólwetak exek ekpayhókxa apkelya'asamakxa Dios ekha apyennakte m'a aptaha nak Apketche énxet, tén han kólwetak exyók neyseksa yaphopé m'a néten.

LOS HECHOS 2:36

“Kólya'ásegwakxoho hana kélyókxoho kéxegke ektaha nakso' se'e kéxegke kéltaha nak énxet'ák Israel, Dios axta apteméseso Wese' tén han aptemésesa Mesías ma'a Jesús, cham'a kélyepetchesa axta kéxegke aksok ektegyéso.”

LOS HECHOS 10:36

Apkelpakhetchesek axta Dios Israel aptawan'ák neptámen, apkeltennásek axta amya'a meyke ektahakxa egwáxok eñama nak Jesucristo, aptaha nak Wese' meyke ekhémo negyeseksa negko'o.

SAN MATEO 16:28

Meletsepek sat nahan nápakha énxet'ák apheyncha'a nak se'e, ekwokmoho apkelwet'a ewatak yakwayam etnehek Wese' apwányam ma'a ektaha nak Apketche énxet. Nakso' xa sektahakxa nak sekpeywa seláneya kéxegke.

SAN JUAN 3:31

Enxet apkeñama nak néten apteme apyeykhágweykmoho apyókxoho énxet, keñe m'a énxet apkeñama nak náxop apteme apkeñamakxa apagko' keso náxop, exének nahan ma'a aksok eleñama nak keso náxop. Keñe m'a énxet apkeñama nak néten apteme apyeykhágweykmoho apyókxoho énxet,