SAN MATEO 28:16 - Lengua Sur (Enxet) Nuevo Testamento

¹⁶ Apkelmeyákxeyk axta Galilea once Jesús apkeltámeséyak, cham'a egkexe apkeltennasamakxa axta elmeyekxak Jesús.

SAN MATEO 28:16 Referans Kwoze

SAN MATEO 26:32

Wánxa agkok, ekxátekhágwokmek sat agkok ko'o, sekweykekxa emonye sat atnehek ko'o m'a Galilea, keñe sat kólwakxak kéxegke axayo'.

SAN MATEO 28:10

Aptahak axta apkeláneya Jesús se'e: —Néhelé', kóltennásekxa elyáxeg'a, kólána elmeyekxak ma'a Galilea, sat heteyágwakxak ma'a.

SAN MATEO 28:7

Kóltakhoho heykxa, kólteme sat kólának apkeltámeséyak se'e: ‘Apxátekhágwokme', exnek peyk emyekxak ma'a Galilea yakwayam yanchásekxak makham kéxegke; exnek kólwetágwakxak ma'a.’ Cháxa sekmoko exchek ko'o altennaksek kéxegke xa.

SAN MARCOS 16:14

Nano' axta entahak apxekmowáseykpekxoho nahan Jesús once apkeltámeséyak, cham'a apheyncha'a axta nekha mésa. Apkelpakhetchesek axta eñama m'a apkelya'áseyam axta, tén han eñama m'a elyennakte apwáxók axta, hakte apkelya'ásekmek axta apkelleg'a apkeltenneykha m'a ektaha axta apweté apxátekhágwokmo Jesús.

1 CORINTIOS 15:15

Kaxtemek axta menakxátekhágwayam cha'a apkeletsapma axta, nelmowancha'a amya'a axta antehek negko'o nenxeyenma nak ma'a amya'a eñama nak Dios, hakte anxének ma'a apxátekháseykmo axta Dios Cristo, cham'a megkatnaha enxoho ekmámnaksoho apxátekháseykmo Dios ma'a Cristo, cham'a ektaha enxoho nahan nakso' menakxátekhágweykmo cha'a m'a apkeletsapma axta.

SAN JUAN 6:70

Aptahak axta apchátegmowágko Jesús se'e: ko'o axta selyéseykha kéxegke xa doce nak. Wánxa agkok, kelyekhama' eyke kélxama kéxegke.

SAN MARCOS 14:28

Ekxátekhágwokmek sat agkok ko'o, sekweykekxa emonye sat atnehek ko'o m'a Galilea, keñe sat kólwakxak kéxegke axayo'.’

SAN MARCOS 15:41

Cháxa kelán'ák ekyetlo axta Jesús xa, pasmomchek axta anhan cha'a aphamakxa axta m'a Galilea. Xámok axta anhan elwokmo kelán'ák ektaha axta elyetlo Jesús apmeyákxo m'a tegma apwányam Jerusalén.

SAN MARCOS 16:7

Kóltakhoho, kóltennásekxa sat apkeltámeséyak, tén han ma'a Pedro: ‘Apweykekxa apmonye exnek xeyk etnehek Galilea; sat kólwetagwakxak ma'a, ekhawo aptémakxa axta apkelanagkama.’