SAN MATEO 27:54 - Lengua Sur (Enxet) Nuevo Testamento

⁵⁴ Apwet'ak axta ektahakxa ekyawheykha xóp ma'a sẽlpextétamo apkemha apmonye tén han ma'a apkelxegexma'a axta, cham'a ektaha axta apkeláneykha apyexnakxa Jesús. Apkelakak axta nahan ma'a ekyókxoho ektahakxa axta. Aptahak axta apkelpakmeta s'e: —¡Nakso' neyke agkok aptaha Dios Apketche xa énxet nak.

SAN MATEO 27:54 Referans Kwoze

SAN MARCOS 15:39

Xama axta apwet'a apketsapa Jesús ma'a apkemha apmonye sẽlpextétamo apkeñama Roma apkenmeyncha'a axta apyexnakxa Jesús, aptahak axta appakmeta s'e: —Nakso' nak axta eykel'a Dios Apketche xa énxet nak.

SAN MATEO 27:36

Keñe axta apheyncha'a sẽlpextétamo apkeláneyncha'a m'a kélchexnakxa axta aksok ektegyéso Jesús.

SAN MATEO 27:43

Apcháyo agkok Dios, Dios sat nahan ewagkasek teyp kaxwo' nak, eyámnaksoho enxoho apkepmenyého Dios ewagkasek teyp. ¿Yaxta hẽltennásak negko'o aptaha Dios Apketche xa?

LOS HECHOS 27:43

Wánxa agkok, axta eyke ya'awok ma'a apkemha apmonye sẽlpextétamo ektaha axta apmáheyo ewagkasek teyp Pablo, wánxa agkok, apkeltamhok axta elnextog apmonye'e m'a apkelmopwána nak elmok yegmen yakwayam enxoho elwakxak ma'a néten xóp,

LOS HECHOS 27:1

Xama axta kélmoko hẽláphaksek negko'o m'a yókxexma Italia, Pablo tén han ma'a énxet'ák ektaha axta apkelmomap, ẽlnaklókek axta aphakxa xama sẽlpextétamo apwese' apwesey axta Julio, aptaha axta apkemha apmonye nepyeseksa wese' apwányam sẽlpextétamo apagkok.

LOS HECHOS 23:23

Apkelwóneyha axta apkánet sẽlpextétamo apkelámha apmonye'e xa sẽlpextétamo apwese' nak, apkeltamhok axta yának elánekxak aptamhágkaxa doscientos sẽlpextétamo apkelxegamol'a náxop, keñe setenta m'a apkelchántamol'a yatnáxeg, keñe anhan doscientos ma'a sẽlpextétamo apkelmeykhal'a sawhéwa, yakwayam enxoho elmahagkok ma'a tegma apwányam Cesarea a las nueve axta'a.

LOS HECHOS 21:32

Apchánchesákxeyk axta sẽlpextétamo apagkok xa sẽlpextétamo apwese' nak, tén han ma'a sẽlpextétamo apkelámha apmonye'e nak, apketchágkek axta appáxakwokmo énxet'ák. Xama axta apkelwet'a sẽlpextétamo apwese' xa énxet'ák nak, tén han ma'a sẽlpextétamo apagkok axta, apkelwáteságkek axta aptekpageykha Pablo.

SAN MATEO 8:5

Xama axta aptaxnegwokmo Jesús ma'a tegma apwányam Capernaum, apyo'ókmek axta xama sẽlpextétamo apkemha apmonye romano apkeltamho epasmok.

SAN MATEO 4:3

Yo'ókmek axta Jesús kelyekhama' yakwayam keykkónek. Entahak axta eyáneya s'e: —Nakso' agkok xép aptaha Dios Apketche, yána katnekxak apto s'e meteymog nak.

APOCALIPSIS 11:13

Keñe axta ektepa ekyawheykha xóp ekyennakte agko', palchesakmek axta anhan nápakha tegma ekwokmo axta cha'a diez apyókxoho, siete mil axta anhan apyókxoho apkeletsapma énxet'ák. Keñe m'a ektaha axta meletsapma, apchekakxoho axta apkelpeykásawók Dios apha nak néten.

LOS HECHOS 23:17

Apwóneyha axta Pablo xama apkemha apmonye sẽlpextétamo. Aptahak axta apcháneya s'e: —Entemekxa hana aphakxa sẽlpextétamo apwese' s'e wokma'ák nak, hakte yetneyk xama aksok yakwayam eltennaksek.

LOS HECHOS 10:1

Apheyk axta xama énxet apwesey Cornelio m'a tegma apwányam Cesarea, sẽlpextétamo apwese' axta m'a, aptaha axta apkeláneykha nápakha sẽlpextétamo kéltéma axta apkeleñama Italia.

LOS HECHOS 2:37

Xama axta apkelleg'a ektaha axta apchakneykekxa m'a, kellapwámegkek axta apwáxók. Aptahak axta apkelmaxneyeyncha'a Pedro s'e, tén han ma'a pók seykha amya'a nak: —Egyáxeg, ¿yaksak eyéméxko antehek negko'o?

SAN JUAN 19:7

Aptahak axta apkelátegmowágko énxet'ák judíos se'e: —Yetneyk negko'o segánamakxa egagkok ekxeyenma eyéméxko yetsapok xa, hakte apheyásamákpók apagko' Dios Apketche.

SAN LUCAS 22:70

Keñe axta aptaha apkelmaxneyeyncha'a apyókxoho énxet se'e: —¿Xép neyke Dios Apketche? Aptahak axta apchátegmowágko Jesús se'e: —Kéxegke kélagko' neykhe exénak ko'o sektaha xa.

SAN MATEO 27:40

Aptahak axta anhan cha'a apcháneya s'e: —¡Apmokók axta exchep etegkesek tegma appagkanamap, keñe apmoko epenchásekxak makham ekweykmoho antanxo ekhem! Dios Apketche agkok xép, ewagkasakpoho' apagko' teyp, etyep xa!

SAN MATEO 26:63

Wánxa agkok, apwanmakkek axta eyke aksa Jesús. Aptahak axta apcháneya énxet apkemha apmonye appasmo apkelmaxnéseso Dios énxet'ák apagkok se'e: —Yetlo sekxeyenma apwesey Dios memassegwayam ko'o, eltamhok heltennaksek xép ekmámnaksoho agko'. Hẽltennés negko'o aptaha enxoho exchep Mesías, aptaha nak Dios Apketche.

SAN MATEO 27:51

Yetlókók axta nahan apyeptamap nepyeseksa m'a apáwa apyexnama axta kañe' tegma appagkanamap, waktamok axta apyeptamap kóneg. Yawheyha axta xóp, kelpakxeyk axta anhan meteymog.