SAN MATEO 27:42 - Lengua Sur (Enxet) Nuevo Testamento

⁴² —Apkelwagkasegkek axta cha'a teyp apnámokkok, wánxa agkok mopwanchek eyke apmoko ewagkasakpoho' apagko' teyp. Israel Wese' apwányam apagkok xa, magya'ásemek sat negko'o m'a aptepa enxoho xa néten aksok ektegyéso nak.

SAN MATEO 27:42 Referans Kwoze

SAN JUAN 1:49

Aptahak axta Natanael apcháneya Jesús se'e: —Sẽlxekmóso, ¡Xép apteme Dios Apketche, xép nahan apteme Israel Wese' apwányam apagkok!

SAN MATEO 27:37

Kélchexneyk axta nahan kéltáxéso néten apyetseksek Jesús, ekyetnakxa axta kéltáxéso aksok eksexnenagko Jesús. Axta entemék kéltáxéso s'e: “Keso Jesús, énxet'ák judíos Wese' apwányam apagkok se'e.”

LOS HECHOS 4:14

Apheyk axta anhan nepyeseksa énxet'ák ma'a énxet ektaha axta kéltakmelcheseyam, ékeso eñamakxa megkalepwagko axta exének ektaha megkamámnaksoho m'a ektahakxa axta.

SAN JUAN 12:47

Enxet ektahakxa enxoho apháxenmo sekpeywa, keñe melyahakxo', háwe ko'o yakwayam kañék apsexnánémap, háwe axta ko'o yakwayam alsexnenak énxet sekwa'a keso náxop, wánxa agkok ekwayak axta ko'o yakwayam alwagkasek teyp énxet'ák apheykha nak keso náxop.

SAN JUAN 12:13

Apkelyaktenágkek axta yam'áx'áwa apkelanyexágko Jesús xa énxet'ák nak. Aptahak axta apkelyennaktésawo apkelpeywa s'e: —¡Apcheymákpoho Dios! ¡Dios sat epasmok xa apxegakmo nak, aptaha nak Wese' egegkok Dios apcháphaso! ¡Dios sat epasmok Israel Wese' apwányam apagkok!

SAN JUAN 9:24

Apcháneyáha axta makham énxet'ák fariseos xa énxet apteme axta meyke apakta'ák. Entahak axta amya'a apcháneyákpo s'e: —Hẽltennés hana negko'o ekmámnaksoho agko' nápakto' Dios. Negya'ásegkok negko'o aptaha mey'asáxma m'a énxet nak.

SAN LUCAS 19:38

Aptahak axta s'e: —¡Tásek sat katnehek apxénamap xa Wese' apwányam apwa'a nak yetlo apsáyam Wese' egegkok apwesey! ¡Meyke ektahakxa egwáxok sat keytek ma'a néten, kóltemésesek sat apcheymákpoho Dios apha nak néten!

SAN MATEO 2:2

Aptahak axta apkelmaxneyeyncha'a s'e: —¿Háxko apyetnakxa judíos wese' apwányam apagkok apteyekmo exnexta? Hakte negwet'ak axta negko'o aptepa yaw'a apagkok ma'a ektaxnegwánxa ekhem, nelxegakmek axta negko'o yakwayam enxoho ólpeykesho'.

SAN MATEO 27:40

Aptahak axta anhan cha'a apcháneya s'e: —¡Apmokók axta exchep etegkesek tegma appagkanamap, keñe apmoko epenchásekxak makham ekweykmoho antanxo ekhem! Dios Apketche agkok xép, ewagkasakpoho' apagko' teyp, etyep xa!

SAN MATEO 27:41

Hawók axta anhan aptamhágkaxa m'a apkelámha apmonye'e nak appasmo apkelmaxnéseso Dios énxet'ák apagkok, tén han ma'a apkelxekmóso nak apnámokkok ektémakxa segánamakxa, tén han ma'a apkelámha apmonye'e nak apchakneykekxexa énxet'ák judíos. Aptahak axta apkelpakmeta s'e:

SAN MARCOS 15:31

Hawók axta anhan aptamhágkaxa apkesmésa m'a apkelámha apmonye'e nak appasmo apkelmaxnéseso Dios énxet'ák apagkok, tén han ma'a apkelxekmóso nak apnámokkok ektémakxa segánamakxa. Aptahak axta apkelpakmeta s'e: —Apkelwagkasegkek axta teyp apnámokkok, mopwanchek eyke apmoko ewagkasakpoho' apagko' teyp.

SAN MARCOS 15:32

¡Egmenyék negko'o agwetak etyapok néten aksok ektegyéso Mesías, Israel Wese' apwányam apagkok, yakwayam enxoho magya'áseme'! Wokmók axta anhan apwanyeykha Jesús ma'a apkánet énxet kélyepetchesamo axta xamo' aksok ektegyéso.

SAN LUCAS 23:35

Apháha axta énxet apkeláneyncha'a m'a, wokmók axta apkesméso Jesús ma'a énxet'ák apkelámha apmonye'e axta nepyeseksa judíos. Aptahak axta apcháneya s'e: —Apkelwagkasegkek axta teyp énxet, ewagkasakpoho apagko' teyp kaxwo' nak, eyámnaksoho enxoho aptaha Mesías apkeñama Dios, tén han ektaha enxoho Dios apkelyéseykha.

SAN LUCAS 23:37

Aptahak axta apcháneya s'e: —¡Nakso' agkok aptaha exchep judíos wese' apwányam apagkok, ewagkasakpoho apagko' teyp!