SAN MATEO 27:41 - Lengua Sur (Enxet) Nuevo Testamento

⁴¹ Hawók axta anhan aptamhágkaxa m'a apkelámha apmonye'e nak appasmo apkelmaxnéseso Dios énxet'ák apagkok, tén han ma'a apkelxekmóso nak apnámokkok ektémakxa segánamakxa, tén han ma'a apkelámha apmonye'e nak apchakneykekxexa énxet'ák judíos. Aptahak axta apkelpakmeta s'e:

SAN MATEO 27:41 Referans Kwoze

SAN LUCAS 23:35

Apháha axta énxet apkeláneyncha'a m'a, wokmók axta apkesméso Jesús ma'a énxet'ák apkelámha apmonye'e axta nepyeseksa judíos. Aptahak axta apcháneya s'e: —Apkelwagkasegkek axta teyp énxet, ewagkasakpoho apagko' teyp kaxwo' nak, eyámnaksoho enxoho aptaha Mesías apkeñama Dios, tén han ektaha enxoho Dios apkelyéseykha.

SAN LUCAS 22:52

Keñe axta aptaha apkeláneya Jesús ma'a énxet'ák apkelámha apmonye'e nak appasmo apkelmaxnéseso Dios énxet'ák apagkok, tén han ma'a énxet'ák aptakmelcheso nak tegma appagkanamap, tén han ma'a apkelámha apmonye'e nak kélakneykekxexa, cham'a apkelwokmo axta yakwayam éntemekxak Jesús ma'a: —¿Yaksak ektaha kélsokmoho nak sókwenakte selya'awa tén han kélsokmoho yámet, máxa eltemesásak énxet ekmaso aptémakxal'a?

SAN LUCAS 18:32

Kólmések sat ma'a énxet'ák metnaha nak judíos, yesmaksek sat nahan, ewanyaha sat, yexpakhak sat nahan apyamánog.

SAN MATEO 27:40

Aptahak axta anhan cha'a apcháneya s'e: —¡Apmokók axta exchep etegkesek tegma appagkanamap, keñe apmoko epenchásekxak makham ekweykmoho antanxo ekhem! Dios Apketche agkok xép, ewagkasakpoho' apagko' teyp, etyep xa!

SAN MATEO 27:42

—Apkelwagkasegkek axta cha'a teyp apnámokkok, wánxa agkok mopwanchek eyke apmoko ewagkasakpoho' apagko' teyp. Israel Wese' apwányam apagkok xa, magya'ásemek sat negko'o m'a aptepa enxoho xa néten aksok ektegyéso nak.