SAN MATEO 27:4 - Lengua Sur (Enxet) Nuevo Testamento

⁴ Aptahak axta Judas apkeláneya s'e: —Asagkók agko' ko'o sektahakxa nápakto' Dios seltamho emátog xama énxet meyke aptémakxa. Wánxa agkok, aptahak axta apkelátegmowágko énxet'ák se'e: —¿Mageyxek eyke negko'o? ¡Xép apkelané!

SAN MATEO 27:4 Referans Kwoze

1 SAN JUAN 3:12

Mantehek sat negko'o aptémakxa axta Caín, aptaha axta kelyekhama' énxet agkok, apchakhak axta apyáxeg. ¿Yaksak axta ektéma apchakhama apyáxeg Caín? Axta keñamak ma'a eyesagko axta aksok apkelané Caín, keñe axta apyáxeg apkelana aksok ektakmela.

1 SAN PEDRO 1:19

wánxa m'a Cristo éma apagkok ektaha nak ektakmela agko' kélmésama axta Dios ektémol'a nekkések apketkok apmatña meyke ektemegweykmohoxma apyempehek, cham'a aptakmalmal'a.

HEBREOS 7:26

Jesús apteme apkemha apmonye appasmo apkelmaxnéseso Dios énxet'ák apagkok negmámenyého axta cha'a negko'o. Jesús apteme aptakmalma apagko', meyke ekmaso aptémakxa, megkeypetchegweykmohok ma'a aksok ekmanyása sempeysegkesamol'a, kélyetnakhasegkek axta anhan nepyeseksa m'a énxet'ák melya'asáxma nak, kélhésákxeyk axta nahan ma'a ektahakxa nak netno' agko' ma'a néten.

TITO 1:16

Elxénhok cha'a apkelya'áseykegkoho Dios xa énxet'ák nak, aksok apkeláneyak akke cha'a kañék ekwetamaxche ektaha megkamámnaksoho xa aptamheykegkaxa nak apkelpeywa; asagcha'awo' nahan apkeltémakxa, méko nahan apkelyaheykekxoho, mopwanchek nahan elanagkok nentamheykha ektakmela xama enxoho.

1 TIMOTEO 4:2

Elyahakxohok sat aptahakxa apkelpeywa m'a énxet'ák apkelmeyókásamákpoho nak apkeltémakxa, tén han ma'a énxet'ák apkelmopwancha'a amya'a nak, cham'a ekyennaktama nak ektémakxa elchetamso apwáxók eñama m'a aksok ekmaso apkeláneyak nak, máxa entemék ma'a elkahásamáxko enxoho xama sawo ekyentaxno.

ROMANOS 3:19

Negya'ásegkok negko'o ekyókxoho ektémakxa nak ekxeyenma segánamakxa, xeyenmék cha'a m'a énxet'ák ektaha nak apcháyo ektémakxa segánamakxa, yakwayam enxoho elwanmeyagkok apyókxoho énxet, keñe sat Dios etnehek apkelyekpelchémo apyókxoho énxet.

LOS HECHOS 13:28

Axta eykhe elweteyk ektémakxa aksok eksexnenagko yakwayam yának emátog, apkeltémok axta eyke aksa énxet'ák yának Pilato emátog Jesús.

SAN JUAN 19:7

Aptahak axta apkelátegmowágko énxet'ák judíos se'e: —Yetneyk negko'o segánamakxa egagkok ekxeyenma eyéméxko yetsapok xa, hakte apheyásamákpók apagko' Dios Apketche.

SAN LUCAS 23:47

Xama axta apwet'a sẽlpextétamo apkemha apmonye ektahakxa, apkeltemésesek axta apcheymákpoho Dios. Aptahak axta s'e: —Nakso' nak axta eyke agkok aptaha meyke aptémakxa s'e énxet nak.

SAN LUCAS 23:41

Payhawók negko'o anlegagkohok ektahakxa nak sẽlegasáseykegkoho, hakte payhawók kaxhok mók ma'a ekweykenxal'a nenlané aksok ekmaso; akke elaneyk xama aksok ekmaso xa énxet nak.

SAN LUCAS 23:22

Antanxo axta entahak apteme apkelpakhetcheso Pilato énxet se'e: —¿Yaksak aksok ekmaso apkelané? Mót'ak ko'o xama aksok ekmaso apkelané ekpayhawo nak emátog. Añásesagkohok sat, keñe sat eynyekxa'.

SAN MATEO 27:54

Apwet'ak axta ektahakxa ekyawheykha xóp ma'a sẽlpextétamo apkemha apmonye tén han ma'a apkelxegexma'a axta, cham'a ektaha axta apkeláneykha apyexnakxa Jesús. Apkelakak axta nahan ma'a ekyókxoho ektahakxa axta. Aptahak axta apkelpakmeta s'e: —¡Nakso' neyke agkok aptaha Dios Apketche xa énxet nak.

SAN MATEO 27:19

Apheyk axta makham Pilato néten aptaháno segyekpelchémókxa, cham'a eltamho axta kóltennásekxak aptáwa. Entahak axta eyáphásesa ekpeywa s'e: “Ná etnésesamho aksa exma exchep xa énxet appéwomo nak, hakte asagkók agko' xeyk ko'o ektahakxa sewanmeso xa.”

APOCALIPSIS 11:10

Kalpayhekxak sat nahan apwáxók énxet'ák apheykha nak keso náxop apkeletsapa enxoho xa. Kalpayhekxohok agko' sat nahan apwáxók, emlasakpok sat aksok apméso naksa cha'a pók, hakte cháxa apkánet énxet ektaha axta apkellegaso Dios appeywa apkellegasáseykegkoho agko' axta cha'a xa énxet'ák nak.