SAN MATEO 27:19 - Lengua Sur (Enxet) Nuevo Testamento

¹⁹ Apheyk axta makham Pilato néten aptaháno segyekpelchémókxa, cham'a eltamho axta kóltennásekxak aptáwa. Entahak axta eyáphásesa ekpeywa s'e: “Ná etnésesamho aksa exma exchep xa énxet appéwomo nak, hakte asagkók agko' xeyk ko'o ektahakxa sewanmeso xa.”

SAN MATEO 27:19 Referans Kwoze

SAN MATEO 27:24

Xama axta apyekpelcha Pilato megkóltaha aptahakxa, yágwokmok axta aksa apwet'a apyenegkesáxma énxet'ák, apkeltamhok axta Pilato kólyekwakxések yegmen, keñe axta apkelyenyesa apmék nápakta'awo' apyókxoho énxet'ák. Aptahak axta Pilato s'e: —Háwe ko'o seltémo emátog xa énxet nak; kéxegke eyke kéltémo emátog.

1 SAN PEDRO 2:22

Axta elaneyk mey'asáxma Cristo xama enxoho, axta nahan elyexancháseykha xama énxet enxoho.

SAN JUAN 19:13

Xama axta apleg'a Pilato xa apkeltamhok axta kóltekkesek Jesús, keñe axta apha Pilato m'a sẽlyekpelchémókxa apkeltémakxa axta hebreos Gabatá, nentéma nak nempeywa kélnegkeneykegkaxa meteymog.

SAN LUCAS 23:47

Xama axta apwet'a sẽlpextétamo apkemha apmonye ektahakxa, apkeltemésesek axta apcheymákpoho Dios. Aptahak axta s'e: —Nakso' nak axta eyke agkok aptaha meyke aptémakxa s'e énxet nak.

1 SAN JUAN 2:1

Etchek selásekhayo nak, ektahak ko'o sektáxéseso kéxegke xa ektaha nak, yakwayam enxoho megkóllanyek megkólya'asáxma. Apkelanak agkok mey'asáxma enxama, yetneyk eyke negko'o énxet negásenneykekxa apwesey Jesucristo, aptaha nak appéwomo, yakwayam henlánekxések nápakto' ma'a Dios Egyap.

SAN MATEO 27:4

Aptahak axta Judas apkeláneya s'e: —Asagkók agko' ko'o sektahakxa nápakto' Dios seltamho emátog xama énxet meyke aptémakxa. Wánxa agkok, aptahak axta apkelátegmowágko énxet'ák se'e: —¿Mageyxek eyke negko'o? ¡Xép apkelané!

SAN MATEO 2:22

Xama axta apleg'a amya'a José aptaha wese' Arquelao m'a yókxexma Judea, apyakmagkaso m'a apyap Herodes, apchekak axta emyekxak ma'a; yókxexma Galilea axta apmeyákxa', hakte wanmések axta kélésa emyekxak ma'a Judea.

SAN MATEO 2:19

Wánxa agkok, wanmések axta eyke makham José xama Dios apchásenneykha neyseksa apha axta m'a Egipto, cham'a natámen apketsapma axta Herodes. Aptahak axta apcháneya s'e:

SAN MATEO 1:20

Xéneykha axta apwáxok etnehek xa, cham'a apxekmowásekpoho axta xama Wese' egegkok apchásenneykha apwanmagko. Aptahak axta apcháneya s'e: “José, David aptáwen neptámen, nágyé' aksa etnehek aptáwa María, Espíritu Santo keñamak apteméseso m'a peya nak kóta' étche.

SAN LUCAS 23:41

Payhawók negko'o anlegagkohok ektahakxa nak sẽlegasáseykegkoho, hakte payhawók kaxhok mók ma'a ekweykenxal'a nenlané aksok ekmaso; akke elaneyk xama aksok ekmaso xa énxet nak.

SAN MATEO 27:18

Hakte apyekpelchágwokmek axta Pilato kélmésa Jesús eñama kélnathé.

LOS HECHOS 12:21

Wokmek axta ekhem apxeyenmakxa axta wese' Herodes, aptaxneykxeyk axta aptaxno aptakmalma, aphákxeyk axta néten aptaháno ektakmalma segyekpelchémókxa, keñe axta apkelpakhetchesa énxet'ák.

LOS HECHOS 18:12

Wánxa agkok, apchaknákxeyk axta eyke énxet'ák judíos apkenmexa Pablo, kélyentamákxeyk axta anhan sẽlyekpelchémókxa, cham'a aptémakxa axta Galión wese' apwányam apchásenneykha m'a yókxexma Acaya.

LOS HECHOS 18:16

Apkelántekkesek axta anhan Galión énxet'ák kañe' sẽlyekpelchémókxa.

LOS HECHOS 18:17

Keñe axta appasmékpo Sóstenes aptaha axta apkemha apmonye apchakneykekxexa énxet'ák judíos, kéltekpagáha axta anhan nápakta'awo' énxet'ák segyekpelchémo nak, axta eyke yenmexók Galión xa.

LOS HECHOS 25:6

Wenaktémok axta apha wese' Festo m'a tegma apwányam Jerusalén, ocho ekhem axta ko'o nek apha m'a, diez ekhem esenhan, keñe axta aptakháwo m'a tegma apwányam Cesarea. Mók ekhem axta entahak aphákxo néten aptaháno segyekpelchémókxa, apkeltamhok axta kólyentemekxak Pablo.

LOS HECHOS 25:10

Aptahak axta apchátegmowágko Pablo s'e: —Ekheyk kaxwo' ko'o s'e sẽlyekpelchemókxa ektaha nak apagkok ma'a wese' apwányam Roma, keso eyéméxchexa nak ko'o heltehek selyekpelchémo s'e. Apya'ásegkok ektakmela exchep maláneya ko'o xama aksok enmexma énxet'ák judíos.

LOS HECHOS 25:17

Ekeso eñamakxa sekpekhésawo axta ko'o selana xa, cham'a apkelwa'a axta énxet'ák se'e, mók ekhem axta entahak sekhákxo m'a néten sektaháno sektémakxa nak cha'a selyekpelchémo énxet, eltamhok axta helyentegkásentak xa énxet nak.