SAN MATEO 27:12 - Lengua Sur (Enxet) Nuevo Testamento

¹² Apwanmakkek axta aksa Jesús, neyseksa apxeyenma ekmaso m'a énxet'ák apkelámha apmonye'e nak appasmo apkelmaxnéseso Dios énxet'ák apagkok, tén han ma'a apkelámha apmonye'e nak apchakneykekxexa énxet'ák judíos.

SAN MATEO 27:12 Referans Kwoze

SAN MATEO 26:63

Wánxa agkok, apwanmakkek axta eyke aksa Jesús. Aptahak axta apcháneya énxet apkemha apmonye appasmo apkelmaxnéseso Dios énxet'ák apagkok se'e: —Yetlo sekxeyenma apwesey Dios memassegwayam ko'o, eltamhok heltennaksek xép ekmámnaksoho agko'. Hẽltennés negko'o aptaha enxoho exchep Mesías, aptaha nak Dios Apketche.

1 SAN PEDRO 2:23

Axta yátegmowágkok Jesús ma'a kélwanyeyncha'a axta, axta nahan epagkaneykha yakwayam exnéshok mók ma'a kéllegasáseykegkoho axta, wánxa agkok Dios axta eyke aksa apchásenneykekxa Jesús, aptaha nak segyekpelchémo ekmámnaksoho agko'.

LOS HECHOS 8:32

Keso nekha eknaktáxésamaxche apkelyetsetakxa axta s'e. “Kélyentamákxeyk axta ektémol'a kólyentemekxak nekkések aptekyómakxa; cham'a aptémakxal'a anhan nekkések apketkok ewanmeyha aksa neyseksa kélyeseso, axta nahan kapayheyha apátog ma'a.

SAN MATEO 27:14

Wánxa agkok, axta eyke yátegmowágkok Jesús xama enxoho; Pelakkasek axta apwet'a aptahakxa m'a wese' apwányam Roma apchásenneykha apkeláneykha yókxexma.

SAN MATEO 27:13

Ekeso eñamakxa aptaha axta apkelmaxneyeyncha'a Pilato s'e: —¿Ya eña'ak ektahakxa nak apxénamap ekmaso exchep?

SAN LUCAS 23:9

Xámok axta apkelmaxneyeykha, axta eyke yátegmowágkok Jesús.