SAN MATEO 26:64 - Lengua Sur (Enxet) Nuevo Testamento

⁶⁴ Aptahak axta apchátegmowágko Jesús se'e: —Cháxa aptahakxa nak appeywa exchep. Eltennásek nahan ko'o xa kéxegke peya kólwetak exek ekpayhókxa apkelya'asamakxa Dios ekha apyennakte m'a aptaha nak Apketche énxet, tén han kólwetak exyók neyseksa yaphopé m'a néten.

SAN MATEO 26:64 Referans Kwoze

SAN MARCOS 14:62

Aptahak axta Jesús se'e: —Nakso', ko'o neykhe. Kólwetak sat kéxegke aptaha nak Apketche énxet exek ekpayhókxa apkelya'asamakxa m'a Dios ekha nak apyennakte, kólwetak sat nahan éxyok neyseksa yaphopé m'a néten.

HEBREOS 1:3

Cristo keñamak ekwetamaxko m'a ektémakxa nak apcheymákpoho Dios, hakte aphawók apagko' Cristo m'a Dios, aptaha nak han appasmo ekyókxoho aksok yetlo m'a appeywa ekha nak ekmowána. Aphákxek axta néten ekpayhókxa nak nelya'asamakxa nekha Dios aptaháno, cham'a, natámen axta segmaséseso nentémakxa mólya'asáxma.

APOCALIPSIS 1:7

Apkexyekmek sat agkok Cristo neyseksa yaphopé, apyókxoho énxet sat éta', kammohok sat apweté m'a ektaha axta apkelyetxakxo; apxámokxoho énxet'ák sat kallapwomagkok apheykha nak keso náxop, ellekxagwaha sat nahan, Cristo eñamakxa. Nakso', katnehek sat.

HEBREOS 12:2

Anlanok hana wánxa m'a Jesús, hakte cha'a keñamak magya'áseyam nak negko'o m'a, Jesús nahan apteme apteméseso ektakmela m'a magya'áseyam nak negko'o. Aplegágkók axta Jesús néten aksok ektegyéso, axta yenmexmók Jesús ma'a nétsapma segmegkasamo nak, hakte apya'ásegkok axta peya étak ekpayheykekxa apwáxok natámen aplegeykegkoho apketsapma; aphákxeyk axta anhan ma'a ekpayhókxa nak nelya'asamakxa nekha Dios aptaháno.

SAN LUCAS 21:27

Keñe sat kólwetak ektaha nak Apketche énxet éxyok neyseksa yaphopé, yetlo ekyawe apmopwána, tén han apcheymákpoho.

SAN MATEO 24:30

Keñe sat kataxchek néten aksok magkenatcheso apkexyeyam ma'a aptaha nak Apketche énxet, elyegweyk sat apyókxoho énxet apheykha nak keso náxop, ellekxagwaha sat nahan, étak sat nahan exyók néten neyseksa yaphopé m'a aptaha nak Apketche énxet, yetlo ekyawe apmopwána tén han apcheymákpoho.

SAN MATEO 26:25

Keñe axta appakmeta Judas, aptaha axta apkeltémo emakpok Jesús. Aptahak axta apkelmaxneyeyncha'a s'e: —Sẽlxekmóso, ¿ko'oya sat? —Cháxa aptahakxa nak appeywa —axta aptahak apchátegmowágko Jesús.

SAN MATEO 25:31

“Apkexyekmek sat agkok aptaha nak Apketche énxet yetlo apcheymákpoho, ewakhak sat apkelásenneykha étlantámhok, keñe sat exek néten aptaháno eyeymáxkoho.

SAN MATEO 16:27

Hakte yetlo apcheymákpoho eñama apméso Apyap sat ewatak ma'a ektaha nak Apketche énxet, yetlo apkelásenneykha sat nahan, keñe sat egkések aksok eyéméxchexa m'a énxet ektémakxa axta aksok apkelané.

APOCALIPSIS 20:11

Ekwet'ak axta ko'o taháno ekmopé ekyawe, tén han ma'a ektaha axta apha néten. Massék axta aksa xóp tén han néten apwakto m'a ektaha axta apha néten xa taháno nak, massawók axta ekwetáxko cha'a.

1 TESALONICENSES 4:16

Hakte kañexchek sat ekyennakte kélpeywa, kañexchek sat nahan appeywa m'a apkemha apmomye Dios apchásenneykha, kañexchek sat nahan ekpáwá kélakkahaso eñama nak Dios, Wese' egegkok apagko' sat eweywentak apkeñama m'a néten, apmonye'e sat nahan enakxátekhágwók énxet'ák apkeletsapma apteme axta melya'áseyam Cristo.

LOS HECHOS 1:11

Aptahak axta apkeláneya s'e: —Enxet apkeleñama nak Galilea, ¿Yaksak ektaha kélenmexo nak néten? Cháxa Jesús apha axta kélnepyeseksa kéxegke xa kélya'áseykxo nak néten, sat nahan katnehek apkexyekmo sat xa ektahakxa nak kélwet'a apmeyákxo m'a néten.

SAN JUAN 18:37

Aptahak axta apkelmaxneyeyncha'a Pilato s'e: —¿Wese' apwányam neyke exchep? Aptahak axta apchátegmowágko Jesús se'e: —Cháxa aptahakxa nak appeywa: ko'o sekteme Wese' apwányam. Ekteyekmek axta ko'o, ekwayak axta anhan keso náxop, yakwayam axének ma'a amya'a ektaha nak ekmámnaksoho agko'. Yeyxhok cha'a sekpeywa ko'o m'a apyókxoho énxet'ák ektaha nak apkelyaheykekxoho amya'a ekmámnaksoho.

SAN LUCAS 22:70

Keñe axta aptaha apkelmaxneyeyncha'a apyókxoho énxet se'e: —¿Xép neyke Dios Apketche? Aptahak axta apchátegmowágko Jesús se'e: —Kéxegke kélagko' neykhe exénak ko'o sektaha xa.

SAN MATEO 27:11

Kélyentegkek axta Jesús aphakxa Pilato, aptaha axta wese' apwányam Roma apchásenneykha apkeláneykha yókxexma. Aptahak axta apkelmaxneyeyncha'a Pilato s'e: —¿Xépya judíos Wese' apwányam apagkok? —Cháxa aptahakxa nak appeywa sexéna exchep —axta aptahak apchátegmowágko Jesús.

ROMANOS 14:10

¿Yaksak ektaha kéltaha nak kélyekpelchémo kélyáxeg? ¿Yaksak ektaha kélyamatchásencha'a nak kélyáxeg? Negyókxoho sat anchaknágwók aphakxa Dios, yakwayam enxoho etnehek segyekpelchémo.

SAN MATEO 8:20

Aptahak axta apchátegmowágko Jesús se'e: —Yetneyk máxek axanák yemmáleg, yetneyk nahan axanák náta, méko eyke apteyáyam ma'a aptaha nak Apketche énxet.

SAN MATEO 16:28

Meletsepek sat nahan nápakha énxet'ák apheyncha'a nak se'e, ekwokmoho apkelwet'a ewatak yakwayam etnehek Wese' apwányam ma'a ektaha nak Apketche énxet. Nakso' xa sektahakxa nak sekpeywa seláneya kéxegke.

SAN MATEO 22:44

‘Aptahak axta Wese' Dios appakhetchesa Wese' ahagkok Mesías se'e: Exa ekpayhókxa nak selya'asamakxa, Ekwokmoho seknegkenchesa kóneg apmagkok ekyókxoho apkelenmexma.’

SAN MATEO 28:18

Apyepetchegwákxók axta Jesús xa énxet'ák nak. Aptahak axta apkeláneya s'e: —Egkések ko'o Dios yakwayam hetnehek selyaheykekxoho ekyókxoho aksok ma'a néten tén han keso náxop.

SAN LUCAS 22:69

Sakhem sat eyke exnakxak kaxwo' aptaha nak Apketche énxet ma'a ekpayhókxa nak apkelya'asamakxa Dios ekha nak apyennakte.