SAN MATEO 26:55 - Lengua Sur (Enxet) Nuevo Testamento

⁵⁵ Yetlókók axta apteme apkelmaxneyeykha Jesús énxet'ák se'e: —¿Yaksak ektaha kélsokmoho nak kéxegke sókwenakte tén han yámet selya'awa yakwayam helmok máxa énxet ekmaso aptémakxa eltemesásak? Yókxoho ekhem axta ko'o selxekmóso énxet kañe' tegma appagkanamap, axta nahan helmák kéxegke.

SAN MATEO 26:55 Referans Kwoze

SAN JUAN 8:2

mók ekhem axta entahak, keñe axta apmeyákxo Jesús axto'o agko' ma'a tegma appagkanamap. Apya'aweykteyk axta énxet'ák, keñe axta apha Jesús yakwayam elxekmósek xa énxet'ák nak.

SAN MARCOS 12:35

Apkelxekmósek axta Jesús énxet'ák kañe' tegma appagkanamap. Aptahak axta apkelmaxneyeyncha'a s'e: —¿Yaksak ektéma apkelxeyenma nak énxet'ák apkelxekmóso nak apnámokkok ektémakxa segánamakxa Mesías aptaha David aptáwen neptámen?

SAN JUAN 7:28

Xama axta apleg'a Jesús xa, aptahak axta apyennaktésawo appeywa neyseksa apkelxekmóso énxet'ák kañe' tegma appagkanamap se'e: —Elyekpelchawók neyke kéxegke, kélya'ásegkok neyke anhan señamakxa. Háwe axta ko'o sekxegayam ahagko', ekxegakmek axta ko'o aptaha seyáphaso m'a ekpayhawo nak kóltehek kéláyo, cham'a megkólya'ásegko nak kéxegke.

SAN JUAN 7:14

Aptaxnegwokmek axta Jesús tegma appagkanamap neyseksa apchakneykekxa énxet. Apkelxekmósek axta énxet'ák ma'a.

SAN MATEO 21:23

Aptaxnegwákxeyk axta Jesús tegma appagkanamap natámen xa. Neyseksa apkelxekmóso énxet'ák axta m'a, apya'awa axta apkelámha apmonye'e nak appasmo apkelmaxnéseso Dios énxet'ák apagkok, tén han ma'a judíos apkelámha apmonye'e apagkok nak. Aptahak axta apkelmaxneyeyncha'a s'e: —¿Yaksak eyásenneykha exchep eltémo elának xa aksok nak? ¿Yaksak ekméso apmopwána?

SAN MATEO 26:47

Neyseksa appakmeyesma Jesús axta apwokmok Judas, aptaha axta apkeñama nepyeseksa m'a doce Jesús apkeltámeséyak. Apxámok axta énxet apkelxegexma'a apwokmo m'a, yetlo apkelmeykha sókwenakte, yámet axta anhan apkelmeykha. Enxet'ák apkelámha apmonye'e appasmo apkelmaxnéseso Dios énxet'ák apagkok axta apkeláphaso, tén han ma'a énxet'ák judíos apkelámha apmonye'e nak kélakneykekxexa.

SAN MARCOS 10:1

Aptekkek axta Jesús tegma apwányam Capernaum, apmeyákxeyk axta yókxexma Judea, tén han ma'a yókxexma ekpayho nak ekteyapmakxa ekhem neyp wátsam Jordán. Apchaknákxeyk axta makham énxet apxámokma aphakxa Jesús, apkeltennáseyha axta makham énxet'ák ekhawo aptémakxa axta cha'a.

SAN LUCAS 4:20

Apchápeykxeyk axta Jesús ma'a weykcha'áhak nak, apmések axta m'a ektaha axta aptamheykha apchakneykekxexa énxet'ák judíos, keñe axta apha. Apyókxoho énxet'ák axta melwáteyásak apkelano Jesús, cham'a apheyncha'a axta m'a.

SAN LUCAS 19:47

Yókxoho ekhem axta apkelxekmóso Jesús énxet'ák kañe' tegma appagkanamap, keñe axta m'a énxet'ák apkelámha apmonye'e nak appasmo apkelmaxnéseso Dios énxet'ák apagkok apketamsama yakweykenxa etnehek yakhek Jesús, axta nahan apkelxegexma'a m'a énxet'ák apkelxekmóso nak apnámokkok ektémakxa segánamakxa, tén han ma'a énxet'ák apkelámha apmonye'e axta m'a tegma apwányam nak.

SAN LUCAS 20:1

Xama ekhem axta apkelwokmok énxet'ák apkelámha apmonye'e nak appasmo apkelmaxnéseso Dios énxet'ák apagkok, tén han ma'a énxet'ák apkelxekmóso nak apnámokkok ektémakxa segánamakxa, axta anhan apkelxegexma'a m'a apkelámha apmonye'e nak kélakneykekxexa, cham'a, neyseksa apkelxekmóso axta Jesús énxet'ák kañe' tegma appagkanamap, apkeltennáseyha axta anhan ma'a amya'a segwagkasamo nak teyp.

SAN JUAN 8:20

Cháxa aptahakxa axta apkeltenneykha Jesús neyseksa apkelxekmóso énxet'ák kañe' tegma appagkanamap xa, cham'a ekheykegkaxa axta cha'a yántéseksek kélxátamo axta cha'a aksok kélméso Dios. Méko axta eyke ekma Jesús, hakte axta kawokmok makham ekhem.