SAN MATEO 26:52 - Lengua Sur (Enxet) Nuevo Testamento

⁵² Aptahak axta apcháneya Jesús se'e: —Yakxegkásekxa axagkok sókwenakte apagkok, hakte apyókxoho énxet ektaha nak apkelmeykha sókwenakte apkennapmap, sókwenakte nahan kannápok.

SAN MATEO 26:52 Referans Kwoze

APOCALIPSIS 13:10

“Enxet eyéméxko nak kólhésók sẽlpextétamakxa, kólhésók sat sẽlpextétamakxa; keñe m'a eyéméxko nak kólyakténchesagkok apyespa'ák sókwenakte, kólyakténchesagkok sat apyespa'ák etekyók.” Sat kataxchek ektémakxa nak apkelenmáxamákpoho Dios énxet'ák apagkok apkelpagkanamap xa, tén han ma'a ektémakxa nak melya'áseyam.

ROMANOS 12:19

Elyáxeg selásekhayo, nágkólhésho aksa mók kéltemeseseykmoho exma kéxegke, kólho aksa eñásesagkohok Dios; hakte temegkek eknaktáxésamaxche s'e: “Ko'o payhawók axnéseshok mók, ko'o sat ayakmagkásekxa', aptahak Wese' egegkok.”

1 SAN PEDRO 3:9

Nágkólhésho cha'a mók kéltemésesakxa ekmaso, nágkólhésho nahan mók ma'a kélwanyencha'a enxoho, wánxa agkok kólmaxnéses aksa yakwayam enxoho epasmok Dios, hakte apkelwóneyha axta kéxegke Dios yakwayam kólxawak aksok eltakmela eleñama néten.

APOCALIPSIS 16:6

hakte apyegkenchesegkek axta éma apagkok, xép énxet'ák apagkok xa énxet'ák nak, apyegkenchesegkek axta nahan éma apagkok ma'a énxet'ák ektaha nak apkellegaso xép appeywa. Kaxwo' eyke, apkelágkek xép éma xa énxet'ák nak, hakte payhawok elagkok.”

1 TESALONICENSES 5:15

Nágkólho aksa exnéshok mók kéltemésesakxa ekmaso énxet. Kóllenxánem cha'a kóltehek kéltémakxa ektakmela kélnepyeseksa kéxegke, tén han nepyeseksa m'a apyókxoho énxet'ák nak.

SAN MATEO 5:39

Wánxa agkok, ektahak ko'o seláneya kéxegke s'e: Nágkólenmexekxa aksa kéltemésesakmoho enxoho exma; wánxa agkok, kéltekpagkasek agkok kélmáxempenek, kólmés nahan ma'a mók kélmáxempenek.