SAN MATEO 26:42 - Lengua Sur (Enxet) Nuevo Testamento

⁴² Aptakháwok axta makham Jesús. Aptahak axta aptaha nempeywa nelmaxnagko s'e: “Táta, mowanchek agkok ko'o sektakhésawo xa peya nak añegkoho', katnehek sat ma'a apkepmenyého nak katnehek xép.”

SAN MATEO 26:42 Referans Kwoze

SAN MATEO 26:39

Yetlókók axta apxega Jesús apmahágko yámmakhawo, apháxegwokmek axta ekwokmoho aptekxeya ekpayhakxa nápát xóp. Aptahak axta aptaha nempeywa nelmaxnagko s'e: “Táta, apwanchek agkok xép, nágyána aksa añegkohok ko'o yakwánxa nak hetnehek ekyetchesamaxkoho nak xama egheykok negya aksok ekmáskel'a, momenyék ko'o kalanaxchek ma'a sekmamenyého ahagko' nak, wánxa m'a apmopmenyého nak xép.”

HEBREOS 4:15

Hakte apya'ásegkok ektémakxa negyelkamáxkoho m'a apkemha apmonye sempasmo nak sẽlmaxnéseso negko'o, hakte hawók axta ektémakxa ekyekkónma m'a ektémakxa nak segyekkónma negko'o; axta eyke eláneyk mey'asáxma xama enxoho.

SAN MATEO 6:10

Yána sat kawak yakwayam kóltemésesek Wese' apwányam xép, kalanaxchek sat xép apmopmenyého keso náxop, ekhawo kéltemésesamakxal'a m'a néten.

SAN MATEO 20:22

Aptahak axta apchátegmowágko Jesús se'e: —Megkólya'ásegkok kéxegke xa selmaxneya nak. ¿Kélwanchek enxeykel'a kóllegagkohok ma'a peya nak ko'o añegkoho' ekyetchesamaxkoho nak xama egheykok negyal'a aksok ekmáske? Aptahak axta apkelátegmowágko s'e: —Egwanchek.

SAN MATEO 26:43

Xama axta apmeyanto makham aphágkaxa apkeltámeséyak, apwetágwakteyk axta makham apnaktena, hakte mopwancha'ak axta menaktena.

SAN MARCOS 14:36

Aptahak axta apkelmaxnagko Jesús se'e: “Táta, apwanchek xép elának ekyókxoho aksok: ná egyána aksa añegkohok ko'o yakwánxa nak hetnehek, ekyetchesamaxkoho nak xama egheykok negya aksok ekmáskel'a; momenyék ko'o kalanaxchek ma'a sekmamenyého ahagko' nak, wánxa m'a apmopmenyého nak xép.”

SAN LUCAS 22:42

Aptahak axta se'e: “Táta, apmenyék agkok xép, hényókas ko'o s'e seklegeykegkoho ekyetchesamaxkoho nak aksok ekmáske negyal'a; momenyék ko'o kalanaxchek ma'a sekmámenyého ahagko' nak, wánxa m'a apmopmenyého nak xép.”

SAN JUAN 6:38

Háwe axta ko'o yakwayam alánegwak aksok sekmámenyého ahagko' sekwaya señama m'a néten, wánxa aksa yakwayam alának ma'a ektémakxa nak apmopmenyého Táta aptaha axta seyáphaso ko'o.