SAN MATEO 26:41 - Lengua Sur (Enxet) Nuevo Testamento

⁴¹ Kólleyxmakha, nágkólnaktén, kólteme nempeywa nelmaxnagko yakwayam enxoho megkahapwék kéxegke ekyekkónma. Kélmenyék eykhe kóllának kéxegke ekpayhawo nak anlána', kélyelkáxkók eyke.

SAN MATEO 26:41 Referans Kwoze

SAN LUCAS 22:46

Aptahak axta apkeláneya s'e: —¿Yaksak ektaha kélnaktena nak? Kólchaknekxa néten, kólteme nempeywa nelmaxnagko, yakwayam enxoho megkahapwék kéxegke ekyekkónma.

SAN MARCOS 14:38

Kólleyxmakha, nágkólnakten, kólteme nempeywa nelmaxnagko yakwayam enxoho megkahapwék kéxegke ekyekkónma, atsék eykhe kólmawho kóllának kéxegke m'a ekpayhawo nak anlana', kélyelkáxko eyke.

EFESIOS 6:18

Nágkólyensem kéxegke kélteme nempeywa nelmaxnagko: kólmaxna cha'a Dios yetlo appékesáseyak Espíritu. Kóleyxmakha cha'a kéxegke, meyke elleklágwayam, kólmaxnéses nahan cha'a m'a apyókxoho énxet'ák ektaha nak Dios énxet'ák apagkok.

SAN MATEO 6:13

Nágyoho aksa hegáhapwak negko'o segyekkónma, wánxa agkok, hegeys negko'o m'a kelyekhama'.’

SAN LUCAS 21:36

Kóllánekxa kéltahakxa kéxegke, nágkólyensem kélteme nempeywa nelmaxnagko, yakwayam enxoho kólegketaxchek kéxegke neyseksa ekyókxoho xa aksok peya nak katnehek, yakwayam enxoho anhan kólchánwók nápakto' ma'a aptaha nak Apketche énxet.”

APOCALIPSIS 16:15

“Kóllano hana, exyekmek ko'o mehelháxanmakxoho ekhawo aptémakxal'a apmenyexma. Apkeleñémo agko' énxet ektaha nak apkelhaxneykha, tén han ma'a apkeláneykekxa nak apkelnakta yakwayam elántaxnekxa', yakwayam enxoho nahan metyesha meyke apáwa tén han megkataxchek ma'a segmegkasamo nak.”

1 CORINTIOS 16:13

Kólleyxmakha cha'a, kólyennaktes kélteme megkólya'áseyam; nágkólé, kólwaskápekxoho.

1 SAN PEDRO 5:8

Kólteme ekha kélya'áseykegkoho, kólleyxmakha cha'a, hakte máxa entahak aksok nawhak eklo ekyexweweyncha'a ektegyeyncha'a ekyógkexma m'a kelyekhama' ektaha nak megkatnaha egmók.

1 CORINTIOS 10:13

Axta kahapweyk kéxegke segyekkónma magmowánal'a ólenmaxaxkohok nenteme nak énxet. Kélwanchek kéxegke megkólya'asók Dios peya megyohok kóllegagkohok kéxegke m'a magmowánal'a ólenmaxaxkoho'. Chahapwa'ak agkok kéxegke xa segyekkónma nak, Dios sat egkések yakwánxa kóltehek kólmalánek kéxegke xa ekyekkónma nak, yakwayam enxoho kólenmaxaxkohok.

2 SAN PEDRO 2:9

Ey'asagkohok cha'a aptemésesakxa Wese' egegkok emyók ma'a énxet ektaha nak appagkanchásamap Dios, ey'asagkohok nahan cha'a yakwánxa etnésesek ellegásesagkohok ma'a énxet'ák elmasagcha'a nak apkeltémakxa, ekweykmoho ekhem nelyekpelchamáxchexa sat.

SAN MATEO 24:42

“Kólleyxmakha kéxegke, hakte megkólya'ásegkok ekwánxa ekhem yakwánxa ewatak Wese' kélagkok.

APOCALIPSIS 3:10

Apkelanak axta exchep seltémókxa etnehek, cham'a meyensakmo nak. Ekeso eñamakxa sekmoko nak ko'o amyók xép ekwa'a sat ma'a ekhem ekyawe nenlegeykegkoho keso náxop, yakwayam enxoho keykkónek apyókxoho énxet'ák apheykha nak keso náxop.

1 SAN PEDRO 4:7

Kólteme kéxegke kélmowána kóllanagkohok kéltémakxa, kólteme nahan cha'a ekmámnaksoho nempeywa nelmaxnagko, hakte chágketwokmek yakwánxa nak kalmassegwók ekyókxoho aksok.

SAN LUCAS 22:40

Xama axta apkelwokmo m'a yókxexma nak, aptahak axta apkeláneya Jesús se'e: —Kólteme nempeywa nelmaxnagko, yakwayam enxoho megkahapwék kéxegke ekyekkónma.

GÁLATAS 5:24

Massék kaxwo' apkelánégko aksok apkelyespagkamakxa m'a Cristo énxet'ák apagkok nak, cham'a aksok ekmaso apkelmopmenyého axta, máxa axta entahak apkelyepetchesa enxoho aksok ektegyéso m'a ekyókxoho ekmaso nentémakxa nak.

1 CORINTIOS 9:27

Añásesagkohok cha'a ko'o sekyókxa, yakwayam enxoho wának helyahakxohok, yakwayam enxoho mehelyenyekxek ko'o natámen selxekmoso enámokkok.

SAN MATEO 25:13

Keñe axta anhan aptaha apkeláneya Jesús énxet'ák se'e: “Nágkólnakténho aksa kéxegke, hakte megkólya'ásegkok kéxegke ekwánxa ekhem, megkólya'ásegkok nahan ekwánxa hora.

SAN MATEO 26:38

Aptahak axta apkeláneya s'e: —Eyeykhágwokmók ko'o selapwayam máxa entahak sétsapa enxoho. Kólhakha sat se'e. Nágkólnakten aksa, helwahánho sat matyenma.

ROMANOS 8:3

Hakte apkelanak axta Dios ma'a megkawagko axta kalána' Moisés segánamakxa apagkok, yawanchek axta kalána' segánamakxa xa, eñama m'a ektémakxa nak melya'asáxma énxet'ák. Apcháphásek axta Apketche Dios apheyásamákpoho m'a énxet'ák ekha nak melya'asáxma, yakwayam etnehek apyanmaga m'a ektémakxa nak mólya'asáxma, yakwayam enxoho nahan kólmasesók ma'a ektémakxa nak mólya'asáxma, cham'a, ektémakxa nak ekyetno mey'asáxma énxet.

SAN LUCAS 11:4

Ná eyakmagkásekxa nentémakxa mólya'asáxma, hakte magyakmagkáseykxak cha'a negko'o sentemésesakxa ekmaso apyókxoho énxet. Ná egyoho hegahapwak negko'o segyekkónma.’

SAN LUCAS 8:13

Aktek ekpálwayam axta neyseksa meteymog ekyetchesamaxkoho m'a énxet'ák apkellegé nak tásek amya'a, ñohok nahan emok heykxa yetlo ekpayheykekxa apwáxók, wánxa agkok megkeytek eyke kañók agko' apwáxók amya'a kéllegaso. Yakwatakxoho etnehek mey'áseyam, wa'ak agkok ekyekkónma, elwátesagkok apteme melya'áseyam.