SAN MATEO 26:29 - Lengua Sur (Enxet) Nuevo Testamento

²⁹ Eltennásek eyke ko'o kéxegke peya meynekxók cha'a ko'o vino elánamáxche nak anmen yámet ekyexna, ekwokmoho sekyenawo xamo' kéxegke vino axnagkok ekyetna nak ma'a aptémakxa nak Wese' apwányam Dios.

SAN MATEO 26:29 Referans Kwoze

APOCALIPSIS 7:17

hakte eltakmelchesek sat ma'a Nekkések Apketkok apha nak ma'a néten aptaháno ektakmalma nak, ekhawo aptemésesamakxa nak apkeltakmelchesama m'a nekkések. Enaklók sat nahan ma'a ekteyapmakxa nak yegmen ekyennaktésamo nak egnenyek. Dios sat nahan emasésesek apaktek égmenek xa énxet'ák nak.”

HEBREOS 12:2

Anlanok hana wánxa m'a Jesús, hakte cha'a keñamak magya'áseyam nak negko'o m'a, Jesús nahan apteme apteméseso ektakmela m'a magya'áseyam nak negko'o. Aplegágkók axta Jesús néten aksok ektegyéso, axta yenmexmók Jesús ma'a nétsapma segmegkasamo nak, hakte apya'ásegkok axta peya étak ekpayheykekxa apwáxok natámen aplegeykegkoho apketsapma; aphákxeyk axta anhan ma'a ekpayhókxa nak nelya'asamakxa nekha Dios aptaháno.

SAN MARCOS 14:25

Eltennásek eyke ko'o kéxegke peya meynekxók cha'a vino elánamáxche nak anmen yámet ekyexna, ekwokmoho sekyenákxo vino axnagkok ma'a aptémakxa nak Wese' apwányam Dios.

LOS HECHOS 10:41

Axta eyke exekmowáseykpekxohok Jesús ma'a apyókxoho énxet'ák nak. Negko'o axta eyke enxekmowáseykpekxohok, nentaha nak Dios sẽlyeyseykha nano' agko', yakwayam antehek negweteykegkoho xa. Nentokók axta negko'o nento xamo', natámen apxátekhágwayam Jesús, negyenágkek axta anhan xamo' negyeneyak.

SAN JUAN 17:13

“Kaxwo', peyk amyekxak ma'a aphakxa nak xép; ektahak ko'o sekpeywa xa neyseksók sekha makham keso náxop, yakwayam enxoho kayawhok agko' elpayheykekxa apwáxók xa énxet'ák nak, ekhawo ektémakxa nak ko'o ekyawe ekpayheykekxa ewáxok.

SAN MATEO 13:43

Keñe sat ma'a énxet'ák apkelpéwomo nak elápogwátek sat ektémol'a ekhem, cham'a aptémakxa nak Wese' apwányam Dios Egyap. Kéxegke ektaha nak ekha kélheyk'ák, kóleyxho.

APOCALIPSIS 14:3

Apkelmeneykmásek axta nahan negmeneykmaso axnagkok keto' ekyetnakxa taháno ektakmalma, tén han nápakta'awo' ma'a hawók nápakha énxet apkeleñama nak néten, tén han nápakta'awo' ma'a apkelámha apmonye'e nak, méko axta eyewagko kaltameyk xa negmeneykmaso nak, wánxa axta aksa m'a ciento cuarenta y cuatro mil ektaha axta apkelwagkásamap teyp, nepyeseksa énxet'ák keso náxop.

SAN LUCAS 15:32

Payhawók eyke anlának ektámáxche, tén han kalpayhekxak egwáxok, hakte apxátekhágwokmek kaxwo' apyáxeg apketsapma axta; apxegáneykmek axta, negwetákxeyk eyke kaxwo'.’ ”

SAN LUCAS 12:32

“Nágkólé' aksa kéxegke kéltaha nak seknaktóso nekkések; kélkántawók eykhe kéxegke, wánxa agkok, apmokók eyke egkések kéxegke aptémakxa nak Wese' apwányam ma'a Dios, aptaha nak Kélyap, eñama m'a apkelásekhayo nak.

SAN JUAN 15:11

“Ektemék ko'o seláneya kéxegke xa yakwayam enxoho kalpayhekxak kélwáxok xamo' ko'o, yakwayam enxoho nahan kayawhok agko' elpayheykekxa kélwáxok.

SAN MATEO 28:20

Kóltamesák nahan yakwayam enxoho elyahakxohok ma'a ekyókxoho seltémókxa nak kóltehek kéxegke. Axek sat eyke cha'a ko'o kélnepyeseksa kéxegke ekyókxoho ekhem ekwokmoho ektemegwánxa néxa ekhem.

SAN MATEO 18:20

Kélaknákxeyk sat agkok kélkánet, kélkantanxo esenhan, kélxéna enxoho sekwesey, axek sat ko'o kélnepyeseksa.”

SAN MATEO 16:28

Meletsepek sat nahan nápakha énxet'ák apheyncha'a nak se'e, ekwokmoho apkelwet'a ewatak yakwayam etnehek Wese' apwányam ma'a ektaha nak Apketche énxet. Nakso' xa sektahakxa nak sekpeywa seláneya kéxegke.

SAN JUAN 16:22

Hawók ektahakxa nak han kéxegkáxa elyakhápeykha kélwáxok keso kaxwo' nak; wánxa agkok, awatak sat eyke yakwayam alwetágwatak kéxegke, keñe sat kayawhok agko' elpayheykekxa kélwáxok, cham'a ekpayheykekxa egwáxok megkólmowána nak kólyementók.

SAN MATEO 25:34

Sat etnehek yának Wese' énxet'ák apheykha ekpayhókxa apkelya'asamakxa s'e: ‘Kólchexyem kéxegke kéltaha nak ektakmela apkelxeyenma Táta; Kólma m'a aptémakxa nak Wese' apwányam Dios, kéllánesamakxa axta kéxegke amonye apkelané Dios keso náxop.

SAN MATEO 26:28

hakte cháxa éma ahagkok ko'o xa, ektaha nak ekteméseso ekmámnaksoho m'a ekhémo mók nelpakhetchásamáxkoho nak Dios, cháxa peya nak kayegkenaxchek yakwayam enxoho meyakmagkásekxék Dios ektémakxa melya'asáxma apyókxoho énxet.

SAN MATEO 26:30

Apkelmeyákxeyk axta egkexe Olivos natámen apkelmeneykmaso negmeneykmaso eñama nak Salmos.