SAN MATEO 26:28 - Lengua Sur (Enxet) Nuevo Testamento

²⁸ hakte cháxa éma ahagkok ko'o xa, ektaha nak ekteméseso ekmámnaksoho m'a ekhémo mók nelpakhetchásamáxkoho nak Dios, cháxa peya nak kayegkenaxchek yakwayam enxoho meyakmagkásekxék Dios ektémakxa melya'asáxma apyókxoho énxet.

SAN MATEO 26:28 Referans Kwoze

SAN MATEO 20:28

Hakte hawók aptémakxa m'a aptaha nak Apketche énxet, axta eweyk yakwayam yának kólpasmok, wánxa aksa apwaya yakwayam epasmok énxet, tén han ényók apyennakte yakwayam exámhok énxet apkelwagkaso teyp.

APOCALIPSIS 7:14

“Wese', xép apya'ásegko'”, axta ektahak seyátegmowágko ko'o. Keñe axta aptaha seyáneya s'e: “Cháxa énxet'ák ektaha axta apkelyeykhé ekyawe apkellegeykegkoho xa, apkelyenyések axta apkelántaxno Nekkések Apketkok éma apagkok xa, kelmopeyásekxók axta anhan.

1 CORINTIOS 11:25

Hawók axta anhan aptahakxa natámen aptéyak, apmeyk axta egheykok, aptahak axta anhan se'e: “Keso egheykok ekteme axnagkok nelpakhetchásamáxkoho Dios kéltemésesama nak ekmámnaksoho yetlo m'a éma ahagkok nak ko'o, kélyenágkek sat agkok cha'a, kóllána' sat, yakwayam enxoho kaxénwakxoho kélwáxok ko'o.”

1 SAN JUAN 2:2

Apmeyásamákpók axta apagko' Jesucristo yakwayam emátog, yakwayam enxoho megkólyakmagkásekxék nentémakxa mólya'asáxma; háwe eyke ekwánxa agkok negko'o, akke anhan megkólyakmagkásekxék apkeltémakxa m'a apyókxoho énxet'ák apheykha nak keso náxop.

HEBREOS 13:20

Dios segmésamol'a meyke ektahakxa egwáxok sat etnésesek kéxegke kélpéwomo, tén han etnésesek kéxegke eltakmela kéltémakxa neyseksa kéllané m'a ekyókxoho aksok nak, yakwayam enxoho kóllának kéxegke m'a ektémakxa nak apmopmenyého Dios, tén han hentemésesek negko'o xa m'a apmokókxa enxoho hentemésesek, eñama m'a Jesucristo, cham'a Dios apxátekhásekmo axta Wese' egegkok Jesús nepyeseksa énxet'ák apkeletsapma, cham'a Jesús aptaha nak apkeláneykha nekkések apagko', cham'a aptemésesa axta ekmámnaksoho m'a nelpakhetchásamáxkoho nak Dios megkatnegwayam enéxa eñama m'a ekyegkenamaxche axta éma apagkok. ¡Apcheymákpoho sat cha'a kóltemésesek Cristo! Katnahagkok sat.

HEBREOS 9:28

ekhawo ektémakxa nak han Cristo ektéma wánxa xama apmeyásamákpekxoho Dios yakwayam enxoho exámhok apmaséseso melya'asáxma énxet'ák. Keñe sat henxekmósakpekxohok makham, háwe eyke kaxwo' yakwayam ey'ótak mólya'asáxma, wánxa aksa yakwayam elwagkasek teyp ma'a énxet'ák ektaha nak apkelhaxanma.

EFESIOS 1:7

Segásekhayo ekyawe agko' axta keñamak Dios segmasésesa m'a ektémakxa axta nelmomaxche eñama m'a apyegkenma axta éma apagkok Apketche, meyakmagkásekxak nahan nentémakxa nak mólya'asáxma.

COLOSENSES 1:14

aptaha nak sẽlwagkaso teyp, axta anhan eyakmagkáseykxak nentémakxa mólya'asáxma.

SAN LUCAS 22:19

Keñe axta apma anhan pan, apmések axta ekxeyenma apwáxok Dios, apyepteyk axta, apkelmeyásegkek axta anhan apkeltámeséyak. Aptahak axta apkeláneya s'e: —Keso sekyókxoho ko'o s'e, sekmésa nak yakwayam watsapok kéxegke eñamakxa. Kólteme sat mehelwagkayam ko'o.

COLOSENSES 1:20

Apmenyék axta Dios katnekxak eyásekheykekxoho ekyókxoho aksok ekhéyak nak keso náxop, tén han ekhéyak nak ma'a néten eñama m'a Cristo. Apkelanak axta Dios xa negásekheykekxoho nak, eñama m'a ekyegkenamaxche axta éma apagkok Cristo néten aksok ektegyéso.

ROMANOS 5:19

Xama énxet melyaheykekxoho axta keñamak apxámokma énxet kélteméseso melya'asáxma; ekhawo nahan ektémakxa m'a xama énxet ekha nak apkelyaheykekxoho, sat kañék apxámokma énxet kélteméseso apkelpéwomo xa.

SAN MARCOS 14:24

Aptahak axta apkeláneya s'e: —Keso éma ahagkok ko'o s'e ektaha nak ekteméseso ekmámnaksoho m'a ekhémo mók nelpakhetchásamáxkoho nak Dios, cháxa éma ekyegkenáxko nak yakwayam kapasmok apyókxoho énxet xa.

APOCALIPSIS 7:9

Enmexawok axta ko'o natámen xa, ekwet'ak axta ko'o énxet apxámokma apyókxoho pók aptémakxa énxet nak, tén han ma'a móktémakxa nak apkelpakmeyesma. Amonye taháno ektakmalma axta apchakneykha m'a, nápakto' ma'a Nekkések Apketkok. Apxámok apagko' axta m'a, megkólwanchek axta kólyetsetek. Apkelmopé axta nahan apkelántaxno, áxa áwa' axta anhan apkelmeykha.

ROMANOS 5:15

Magwanchek eyke aghéshok aptémakxa ekmaso Adán ma'a aksok segméso naksa axta negko'o Dios. Xama énxet aksok ekmaso apkelané axta keñamak apxámokma cha'a apkeletsapma énxet; wánxa agkok, méko eyke kaxhok ma'a aksok segméso naksa axta Dios meyke ekyanmaga eñama m'a xama énxet apwesey nak Jesucristo, cham'a ekpasmoma nak han apxámokxoho énxet.

SAN MARCOS 1:4

Cháxa ektahakxa axta ektaha m'a apwokmo axta Juan yókxexma meykexa énxet. Apyakpasásegkek axta yegmen énxet; apkeltennásek axta eyéméxko elyakmagkasek apwáxók, yakwayam enxoho meyakmagkásekxék Dios apkeltémakxa melya'asáxma.

SAN MATEO 6:12

Ná eyakmagkásekxa aksa aksok ekmaso nenlané nak negko'o, ekhawo nentémakxa nak negko'o magyakmagkáseykekxa cha'a sentemésesakxa ekmaso egmók.

SAN MATEO 26:27

Keñe axta apma anhan egheykok, apmések axta makham ekxeyenma apwáxok Dios, keñe axta apmésa apkeltámeséyak. Aptahak axta apkeláneya s'e: —Kólyenák kélyókxoho s'e,

SAN MATEO 26:29

Eltennásek eyke ko'o kéxegke peya meynekxók cha'a ko'o vino elánamáxche nak anmen yámet ekyexna, ekwokmoho sekyenawo xamo' kéxegke vino axnagkok ekyetna nak ma'a aptémakxa nak Wese' apwányam Dios.

SAN LUCAS 22:20

Hawók axta anhan aptemésesakxa egheykok natámen aptéyak. Aptahak axta s'e: —Keso egheykok ekteme ekhémo mók nelpakhetchásamáxkoho xamo' Dios, ektaha nak éma ahagkok ekteméseso ekmámnaksoho, cháxa ekyegkenáxko nak yakwayam kapasmok kéxegke.

HEBREOS 10:29

¿Yagkaxénak kélwáxok kéxegke peya kayeykhágwomhok kéllegasáseykegkoho ekyentaxno agko' ma'a ektaha nak apwanyeykha Dios Apketche, cham'a aptaknagko nak Cristo éma apagkok, tén han ma'a apyemneykha nak Dios Espíritu apagkok, cham'a Dios aptaha nak apkelásekhayo xa énxet'ák nak? Hakte cháxa ektaha nak ekteméseso ekmámnaksoho nelpakhetchásamáxkoho Dios xa Cristo éma apagkok nak, cháxa ektaha nak han ekteméseso apkelpagkanamap énxet xa.