SAN MATEO 26:27 - Lengua Sur (Enxet) Nuevo Testamento

²⁷ Keñe axta apma anhan egheykok, apmések axta makham ekxeyenma apwáxok Dios, keñe axta apmésa apkeltámeséyak. Aptahak axta apkeláneya s'e: —Kólyenák kélyókxoho s'e,

SAN MATEO 26:27 Referans Kwoze

1 CORINTIOS 10:16

Negmáha agkok negyenágko negko'o m'a egheykok ektakmela magkenatchesol'a negmésa ekxeyenma egwáxok Dios, nempasmeykxeyk negko'o Cristo éma apagkok negyókxoho nentaha enxoho xa. Nentókagkek agkok nahan ma'a pan nentemésesamol'a nápakha'a apketkók, nempasmeykxeyk negko'o negyókxoho Cristo apyókxa, nentaha enxoho xa.

1 CORINTIOS 11:28

Ekeso eñamakxa eyéméxko nak cha'a anlánekxak egwáxok amonye nentéyak xa pan nak, tén han amonye negyenéyak xa aksok kélyeta nak Wese' egegkok egheykok apagkok.

SAN LUCAS 22:20

Hawók axta anhan aptemésesakxa egheykok natámen aptéyak. Aptahak axta s'e: —Keso egheykok ekteme ekhémo mók nelpakhetchásamáxkoho xamo' Dios, ektaha nak éma ahagkok ekteméseso ekmámnaksoho, cháxa ekyegkenáxko nak yakwayam kapasmok kéxegke.

SAN MATEO 15:36

apkelmeyk axta xa siete pan nak, tén han ma'a kelasma. Natámen apméso ekxeyenma apwáxok Dios axta apkelyepta xa pan nak, apkelmeyásegkek axta anhan apkeltámeséyak, keñe axta apkeltámeséyak apkelmeyásegko xa énxet'ák nak.

SAN MATEO 26:26

Neyseksa aptéyak axta apmak pan Jesús, apmések axta ekxeyenma apwáxok Dios, keñe axta apyepta, apkelmeyásegkek axta anhan apkeltámeséyak. Aptahak axta apkeláneya s'e: —Kólma, kóltaw, keso sekyókxoho ko'o s'e.

SAN MATEO 26:28

hakte cháxa éma ahagkok ko'o xa, ektaha nak ekteméseso ekmámnaksoho m'a ekhémo mók nelpakhetchásamáxkoho nak Dios, cháxa peya nak kayegkenaxchek yakwayam enxoho meyakmagkásekxék Dios ektémakxa melya'asáxma apyókxoho énxet.