SAN MATEO 26:25 - Lengua Sur (Enxet) Nuevo Testamento

²⁵ Keñe axta appakmeta Judas, aptaha axta apkeltémo emakpok Jesús. Aptahak axta apkelmaxneyeyncha'a s'e: —Sẽlxekmóso, ¿ko'oya sat? —Cháxa aptahakxa nak appeywa —axta aptahak apchátegmowágko Jesús.

SAN MATEO 26:25 Referans Kwoze

SAN MATEO 26:64

Aptahak axta apchátegmowágko Jesús se'e: —Cháxa aptahakxa nak appeywa exchep. Eltennásek nahan ko'o xa kéxegke peya kólwetak exek ekpayhókxa apkelya'asamakxa Dios ekha apyennakte m'a aptaha nak Apketche énxet, tén han kólwetak exyók neyseksa yaphopé m'a néten.

SAN MATEO 27:11

Kélyentegkek axta Jesús aphakxa Pilato, aptaha axta wese' apwányam Roma apchásenneykha apkeláneykha yókxexma. Aptahak axta apkelmaxneyeyncha'a Pilato s'e: —¿Xépya judíos Wese' apwányam apagkok? —Cháxa aptahakxa nak appeywa sexéna exchep —axta aptahak apchátegmowágko Jesús.

SAN JUAN 18:37

Aptahak axta apkelmaxneyeyncha'a Pilato s'e: —¿Wese' apwányam neyke exchep? Aptahak axta apchátegmowágko Jesús se'e: —Cháxa aptahakxa nak appeywa: ko'o sekteme Wese' apwányam. Ekteyekmek axta ko'o, ekwayak axta anhan keso náxop, yakwayam axének ma'a amya'a ektaha nak ekmámnaksoho agko'. Yeyxhok cha'a sekpeywa ko'o m'a apyókxoho énxet'ák ektaha nak apkelyaheykekxoho amya'a ekmámnaksoho.

SAN LUCAS 22:70

Keñe axta aptaha apkelmaxneyeyncha'a apyókxoho énxet se'e: —¿Xép neyke Dios Apketche? Aptahak axta apchátegmowágko Jesús se'e: —Kéxegke kélagko' neykhe exénak ko'o sektaha xa.

SAN MATEO 26:49

Apyo'ókmek axta Judas apkenmágkaxa Jesús. Aptahak axta appeykesa s'e: —¡Xép nak sẽlxekmóso! Appetsesek axta.

SAN MATEO 23:7

Apmenyék nahan kólpeykesek yetlo kéláyo m'a ámay nepyeseksa tegma nak, apmenyék nahan kóltehek kólának ‘sẽlxekmóso’.

SAN MATEO 23:8

“Wánxa agkok, nágkólho aksa kóltamhaxche kéxegke sẽlxekmóso, hakte kélyókxoho kéxegke kélteme kélyáxeg xamo', wánxa aksa xama apyetna m'a Apkelxekmóso nak kéxegke.

SAN MATEO 26:14

Apmahágkek axta aphágkaxa apkelámha apmonye'e appasmo apkelmaxnéseso Dios énxet'ák apagkok xama Jesús apkeltámeséyak, apkeñama axta nepyeseksa doce Jesús apkeltámeséyak, cham'a apwesey axta Judas Iscariote.

SAN JUAN 4:31

Amonye apkelwé énxet'ák axta aptaha apkeltámeséyak apcháneya Jesús se'e: —Sẽlxekmóso, etaw hana sekxo'.