SAN MATEO 26:24 - Lengua Sur (Enxet) Nuevo Testamento

²⁴ Katnehek sat aptaha nak Apketche énxet ma'a ektémakxa nak ekxeyenma eknaktáxésamaxche weykcha'áhak; wánxa agkok, sagkók agko' sat eyke katnehek kéllegasáseykegkoho m'a ektaha nak apkeltémo emakpok aptaha nak Apketche énxet. Tásek axta eykhe metyemek xa énxet nak.

SAN MATEO 26:24 Referans Kwoze

SAN LUCAS 24:46

Aptahak axta apkeláneya s'e: —Xeyenmék eknaktáxésamaxche ekmáheyo yetsapok Mesías, tén han ekxeyenma ekmáheyo exátekhágwók antanxo ekhem;

SAN MATEO 18:7

¡Asagko agko' keso náxop ekyetnakxa nak ekxámokma aksok eláneso nak cha'a mey'asáxma énxet! Katnehek sat cha'a xa. ¡Kéxegke sat laye ektahakxa enxoho kélláneso mey'asáxma kélmók!

1 CORINTIOS 15:3

Elmeyókásók axta amonye selxekmósa kéxegke m'a nelxekmowásamáxche seltámeye axta emonye ko'o. Elxekmósek axta ko'o kéxegke m'a apketsapma axta Cristo eñama m'a nentémakxa nak mólya'asáxma, ekhawo m'a ektémakxa nak ekxeyenma eknaktáxésamaxche;

SAN JUAN 17:12

Eltakmelchesegkek axta cha'a ko'o xa énxet'ák nak, neyseksók sekha xamo' keso náxop, ekmasmeyk axta anhan cha'a yetlo m'a xép apwesey ekha nak ekmowána, cham'a apwesey segkésama axta exchep. Axta anhan exyánegweykmok xama enxoho xa énxet'ák nak, wánxa axta apxegánegweykmo m'a aptaha axta apxegányam, yakwayam enxoho katnehek ma'a ektémakxa nak eknaktáxésamaxche weykcha'áhak.

SAN LUCAS 22:22

Katnehek sat aptaha nak Apketche énxet ma'a apmáheyókxa axta etnésesek Dios, asagko' agko' sat eyke katnehek kéllegasáseykegkoho m'a énxet ektaha nak appelakkaseso apkeltémo emakpok.

SAN MARCOS 14:21

Katnehek sat aptaha nak Apketche énxet ma'a ektémakxa nak ekxeyenma eknaktáxésamaxche weykcha'áhak yakweykenxa katnehek; wánxa agkok, sagko' agko' sat eyke katnehek kéllegasáseykegkoho m'a énxet appelakkaseso nak apkeltémo emakpok aptaha nak Apketche énxet. Tásek axta eykhe metyemek xa énxet nak.

SAN MATEO 26:54

Ektemék agkok ko'o xa, megkatnehek ma'a ektémakxa nak ekxeyenma eknaktáxésamaxche weykcha'áhak, ekxeyenma eyéméxko katnehek xa.

SAN MARCOS 9:12

Aptahak axta apchátegmowágko Jesús se'e: —Nakso' apxénamakpo ewak apmonye Elías, yakwayam elánekxak ekyókxoho aksok. ¿Yaksak ektéma ekxeyenma nak eknaktáxésamaxche peya eñegkohok ma'a ektaha nak Apketche énxet, tén han peya etaknaweykpok?

SAN MATEO 26:56

Wánxa agkok, temék eyke yakwayam enxoho katnehek ma'a ektémakxa axta eknaktáxésamaxche weykcha'áhak, cham'a apkelxeyenma axta énxet'ák ektaha axta Dios appeywa apkellegaso. Apyenyókek axta aksa apxakko' Jesús apkeltámeséyak apkenyahágko ektaha axta xa.

LOS HECHOS 28:23

Apxámok axta énxet apkelwayam aphakxa Pablo ekwokmo m'a ekhem appagkanakxa axta, axto'o axta apchénawók apkeltennáseykha Pablo énxet'ák ma'a aptémakxa nak Wese' apwányam Dios ekweykmoho taxnam. Apkelenxanakmek axta apkeltamho melya'asók énxet'ák ma'a ektahakxa axta apkeltenneykha Pablo apxéna Jesús. Moisés segánamakxa apagkok axta apxénak apkeltenneyncha'a, tén han ma'a apnaktáxeseyak axta énxet'ák ektaha axta Dios appeywa apkellegaso.

LOS HECHOS 4:28

Cháxa ektahakxa axta apsawhawo apkelánegko énxet'ák ma'a ektémakxa axta exchep apkeláneykekxa yakweykenxa katnehek.

LOS HECHOS 2:23

Kélakhak axta kéxegke xa énxet nak, kélyepetchesek axta aksok ektegyéso eñama apyepetcheso m'a énxet'ák elmasagcha'a nak apkeltémakxa, ekhawo m'a ektémakxa axta apkeláneykekxa Dios yakwayam elána', cham'a apmákpo axta.

SAN JUAN 19:28

Apya'ásegkok axta Jesús ekpenchásexko elánamáxche xa, yakwayam enxoho katnehek ma'a ektémakxa axta eknaktáxésamaxche weykcha'áhak, aptahak axta appakmétencha'a s'e: —Hem eyakhak ko'o.

SAN JUAN 19:24

Ekeso eñamakxa aptaha axta apkelpakhetcháseykpoho sẽlpextétamo s'e: —Mólyeptek sat, antawaksek sat xama aksok, ekwatnakxa sat kamok. Cháxa ektahakxa axta ektaha m'a ektémakxa nak eknaktáxésamaxche weykcha'áhak se'e: “Apkelyapetcháseykpek selnakta, keñe aptawásegko xama aksok yakwayam emok apáwa apwenakte m'a ektahakxa enxoho apchakhémo.” Cháxa apkelánegko axta sẽlpextétamo xa.

SAN MATEO 26:31

Aptahak axta apkeláneya Jesús apkeltámeséyak se'e: —Kélyókxoho sat kamaskok kéltaha mehelya'áseyam ko'o keso axta'a nak. Hakte temegkek eknaktáxésamaxche weykcha'áhak se'e: ‘Wakhek sat ko'o keláneykha nekkések, keñe sat yexpaknek ma'a nekkések.’