SAN MATEO 26:18 - Lengua Sur (Enxet) Nuevo Testamento

¹⁸ Aptahak axta apchátegmowágko Jesús se'e: —Kólmohok apxagkok xama énxet ma'a nepyeseksa tegma apwányam. kóltehek sat kólának se'e: ‘Aptahak xeyk sẽláneya negko'o sẽlxekmóso s'e: Chágketwokmek kaxwo' ekhem yakwánxa amátog ko'o. Amhagkok sat ko'o apxagkok xép yakwayam alánegwók nentéyak ekhem Pascua mólwagkayam nak yetlo seltámeséyak.’

SAN MATEO 26:18 Referans Kwoze

SAN JUAN 7:6

Aptahak axta apkeláneya Jesús se'e: —Megkawokmok makham ekhem yakwánxa amyekxak ko'o m'a kaxnók kéxegke, kélwanchek kólmeyekxak ekhem kélmokókxa enxoho kólmeyekxak.

SAN JUAN 17:1

Apkenmexawók axta néten Jesús natámen apxeyenma xa, aptahak axta appakmeta s'e: “Táta wokmek kaxwo' ekhem. Yána sat kataxchek ektémakxa nak aptakmalma Apketche, yakwayam enxoho nahan exekmósek xép Apketche ektémakxa nak aptakmalma exchep.

SAN JUAN 13:1

Apya'ásegkok axta Jesús ekwokmo ekhem yakwánxa kamaskok apha keso náxop, yakwayam enxoho exnakxak makham xamo' Apyap, amonye ekwayam ekhem melwagkayam axta énxet'ák judíos, cham'a apkeltéma axta Pascua. Apkelásekhayók axta cha'a Jesús ma'a énxet'ák ektaha axta apkelxegexma'a keso náxop, cháxa ektémakxa axta apkelásekhayo ekwokmoho néxa apha xa.

SAN JUAN 7:30

Keñe axta peya eykhe emakpok Jesús, méko axta eyke ekpaknegwokmoho, hakte axta kawokmok makham ekhem apagkok.

SAN JUAN 7:8

Kólmohok kéxegke m'a apchaknákxexa nak énxet, maxñehek sat ko'o, hakte megkawokmok makham ekhem yakwánxa amyekxa'.

SAN JUAN 12:23

Aptahak axta Jesús apkeláneya xa énxet'ák nak. —Wokmek kaxwo' ekhem yakwánxa nak kóltemésesek apcheymákpoho m'a ektaha nak Apketche énxet.

SAN LUCAS 22:53

Yókxoho ekhem axta cha'a sekha xamo' kéxegke kañe' tegma appagkanamap, axta anhan helpaknegweykmohok xama enxoho. Wokmek eyke kaxwo' ekhem kélagkok kéxegke eñama ekmowána m'a ekyaktesakxaxma nak.

SAN JUAN 11:28

Keltennásekxeyk axta yáxeg Marta ekwesey axta María natámen axta ekteme ekpeywa xa, entahak axta ekyexchásawo eltennasa s'e: —Exchek aphak Sẽlxekmóso á, apcháneyáha exchek.

SAN MARCOS 5:35

Neyseksa appakmeyesma axta makham Jesús, apkelwokmo nápakha énxet'ák apkeleñama axta m'a apkemha apmonye apchakneykekxexa judíos apxagkok, yakwayam etnehek yának apkeltennáseykekxa sakcha'a egyap se'e: —Ketsekkek apketche. Ná elenxanmoho aplanneyeykha sẽlxekmóso.

SAN MATEO 26:2

—Kélya'ásegkok kéxegke eyéméxko ánet ekhem yakwayam kalanaxchek ma'a ekhem melwagkayam nak énxet'ák judíos kéltéma nak Pascua, cham'a yakwánxa sat kólának emakpok aptaha nak Apketche énxet yakwayam kólyepetchesek aksok ektegyéso.

SAN MATEO 23:10

Nágkólho nahan kóltamhaxche kéxegke sempeykesáseyak, hakte Cristo apwánxa apagkok aptaha Sempeykesáseyak.

SAN MATEO 23:8

“Wánxa agkok, nágkólho aksa kóltamhaxche kéxegke sẽlxekmóso, hakte kélyókxoho kéxegke kélteme kélyáxeg xamo', wánxa aksa xama apyetna m'a Apkelxekmóso nak kéxegke.

SAN MATEO 21:3

Appakhetchesek sat agkok xama énxet, kólteme sat kólának se'e: ‘Wese' egegkok xeyk apmokók elmaha, kaxwo' hek xeyk eláphásekxak makham.’

SAN JUAN 20:16

Aptahak axta Jesús se'e: —¡María! Peyncháxkók axta ekpayheykxoho apkenmágkaxa, entahak axta eyáneya hebreo appeywa s'e: —¡Rabuni! —(nenteme nak nempeywa: “sẽlxekmóso”).

SAN MATEO 26:49

Apyo'ókmek axta Judas apkenmágkaxa Jesús. Aptahak axta appeykesa s'e: —¡Xép nak sẽlxekmóso! Appetsesek axta.

SAN MATEO 26:19

Aptamhágkek axta anhan apkeltámeséyak ma'a aptahakxa axta apcháneya Jesús, apkelánegkek axta nahan aptéyak ekhem Pascua melwagkayam axta.