SAN MATEO 26:17 - Lengua Sur (Enxet) Nuevo Testamento

¹⁷ Wokmek axta eyeynókxa ekxega ekhem aptámákpexa axta pan meyke kempáseyak, apkelmeyákxeyk axta apkeltámeséyak aphakxa Jesús. Aptahak axta apkelmaxneyeyncha'a s'e: —¿Háxko sat yának anlánegwók nentéyak ekhem Pascua mólwagkayam nak?

SAN MATEO 26:17 Referans Kwoze

SAN MATEO 26:19

Aptamhágkek axta anhan apkeltámeséyak ma'a aptahakxa axta apcháneya Jesús, apkelánegkek axta nahan aptéyak ekhem Pascua melwagkayam axta.

SAN MATEO 3:15

Aptahak axta apchátegmowágko Jesús se'e: —Etne xa seltamhókxa nak etnehek, hakte payhawók anlának ekyókxoho m'a ekpéwo nak anlának nápakto' Dios. Keñe axta apkelyahákxoho Juan.

SAN MATEO 26:16

Keñe axta aptegyeyncha'a Judas yakwánxa etnésesek yának emok Jesús xa énxet'ák nak.