SAN MATEO 26:10 - Lengua Sur (Enxet) Nuevo Testamento

¹⁰ Apleg'awók axta Jesús xa. Aptahak axta apkeláneya apkeltámeséyak se'e: —¿Yaksak ektaha kélya'asa nak exma xa kelán'a nak? Tásek setnésesakxa ko'o xa.

SAN MATEO 26:10 Referans Kwoze

TITO 3:8

Ekmámnaksoho agko' xa, emenyék ko'o elenxanmohok apxeyenma exchep xa, yakwayam enxoho elanagkok apkeltamheykha ektakmela m'a énxet'ák apteme nak melya'áseyam Dios. Cháxa ektaha nak nentamheykha ektakmela xa, awanchek nahan hempasmok negyókxoho nak.

TITO 3:14

Yána sat nahan kaltámeyagkok apkeláneyak nentamheykha ektakmela m'a énxet'ák nentémo xamo' nak magya'áseyam, yakwayam enxoho kaltámeyagkok appasmo m'a énxet ekyetnakxa enxoho eyéméxchexa aksok, yakwayam enxoho kapasmok énxet ma'a apkeltémakxa nak.

TITO 3:1

Eltennés énxet'ák yakwayam enxoho etnehek apkelyaheykekxoho m'a kelwese'e apkeláneykha nak yókxexma, yána sat cha'a elyahakxohok kéltemésesakxa enxoho, yána nahan etnahagkok cha'a apmayheykegkoho elanagkok ma'a nentamheykha ektakmela nak.

TITO 2:14

Apmeyásamakpók axta apagko' yakwayam emátog, negko'o eñamakxa, yakwayam enxoho hẽlwagkasek teyp neyseksa ekyókxoho nentémakxa ekmaso nak, tén han hentemésesek ektakmela nentémakxa, yakwayam enxoho nahan antehek énxet'ák apagkok, tén han agámenyéhok anlának ma'a aksok eltakmela nak.

TITO 1:16

Elxénhok cha'a apkelya'áseykegkoho Dios xa énxet'ák nak, aksok apkeláneyak akke cha'a kañék ekwetamaxche ektaha megkamámnaksoho xa aptamheykegkaxa nak apkelpeywa; asagcha'awo' nahan apkeltémakxa, méko nahan apkelyaheykekxoho, mopwanchek nahan elanagkok nentamheykha ektakmela xama enxoho.

2 TIMOTEO 2:21

Kéméxchek negko'o antehek eyáxñeyo nentémakxa, manlanyek ma'a ekyókxoho nentémakxa ekmaso nak, yakwayam enxoho hegmések ektakmela nentamheykha Wese' egegkok, tén han hentemésesek nempagkanamaxche, tén han etnehek segásenneykekxa. Nentemék agkok xa, Dios sat hegasenneykxak yakwayam anlának ekyókxoho ektémakxa nentamheykha ektakmela nak.

1 TIMOTEO 5:10

Kéméxchek nahan kólya'asagkohok ektakmela axta ektémakxa, tén han ma'a ektakmela enxoho éktegkeso étchek, tén han ma'a ekteme enxoho elápeykha ektaha apkelwayam axagkok, tén han ma'a elyenyesesamo enxoho apmagkok énxet'ák apteme nak melya'áseyam, tén han ma'a ekpasmoma enxoho m'a énxet'ák apkellegeykegkoho nak, tén han elenxáneykmoho enxoho elané m'a ekyókxoho ektémakxa nak nentamheykha ektakmela.

1 TIMOTEO 3:1

Ekmámnaksoho agko' se'e: apmenyék agkok etnehek énxet apxegkeso kélakneykekxexa, apmenyék elának aptamheykha ektakmela.

COLOSENSES 1:10

yakwayam enxoho kólewának kóltehek ma'a eyéméxchexa nak etnahagkok Wese' egegkok énxet'ák apagkok, kóllának cha'a m'a ekleklamókxa nak apwáxok antehek Wese' egegkok, tén han kóltehek ma'a ekyókxoho nentémakxa ektakmela nak, tén han kólyekpelchágwomhok agko' ma'a Dios.

EFESIOS 2:10

hakte Dios axta aptaha senlané negko'o; enlanak axta negko'o eñama m'a Cristo Jesús yakwayam enxoho anlának ma'a nentamheykha ektakmela nak, ekhawo m'a apkeláneykekxa apagko' axta Dios ma'a nano' axta.

GÁLATAS 6:17

Kaxwo' eyke momenyék ko'o helyánchesesamhok ekyentaxnamo ewáxok kélxama enxoho: hakte keso ekxekmóso ko'o sektaha Jesús apchásenneykha s'e kélyensáseykha nak empehek.

GÁLATAS 5:12

Emenyék ko'o elyakténhok apagko' apancha'ák énxet'ák aptawasáseyncha'a nak kéxegke ektémakxa nak elchetamso kélwáxok.

GÁLATAS 1:7

Méko eyke mók tásek amya'a, apyetneyk eyke énxet apketsagkaseso nak elchetamso kélwáxok, apmenyék nahan étnakhásók ma'a ektémakxa nak amya'a ektakmela eñama Cristo.

2 CORINTIOS 9:8

Apwanchek egkések kéxegke Dios ekyókxoho ektémakxa aksok eleñama nak néten yetlo apyeykháseseykmoho, yakwayam enxoho keytek cha'a kéxegke m'a ekyókxoho aksok eyéméxchexa nak, keñe anhan kayeykhágwomhok kéxegke aksok, yakwayam enxoho kólpasmok ma'a ekyókxoho ektémakxa nak nentamheykha ektakmela.

SAN MARCOS 14:6

Aptahak axta Jesús se'e: —Kólho aksa, ¿yaksak ektaha kélya'asa nak exma? Tásek xa setnésesakxa nak.

1 SAN PEDRO 2:12

Kóltakmelchesaxkoho kéxegke nepyeseksa m'a énxet'ák melya'áseyak nak Dios; keñe sat étak ektakmela kéltahakxa kéxegke xa énxet'ák nak, eltemésesek sat nahan apcheymákpoho Dios, cham'a ekwokmo sat ekhem yakwánxa yának Dios óltennaksek negyókxoho ektémakxa aksok nenlané, sagkek eykhe makham apkelxeyenma kéxegke xa énxet'ák nak, máxa elmasagcha'a kéltémakxa aptemesásak.

SAN MATEO 26:9

Tásek axta eykhe kólyenyekxak ekmomnáwa agko' xa sokmátsa nak, yakwayam enxoho kólpasmok ma'a énxet'ák meyke nak aksok apagkok.

SAN MATEO 26:11

Exmakha sat cha'a kélnepyeseksa kéxegke énxet'ák meyke nak aksok apagkok, wánxa agkok maxek sat eyke cha'a ko'o kélnepyeseksa kéxegke.

SAN LUCAS 8:49

Neyseksa appakmeyesma axta Jesús apwokmo xama énxet apkeltennágwayam, aptahak axta apkeltennáseykxo énxet apkemha apmonye apchakneykekxexa énxet'ák judíos se'e: —Ketsekkek apketche, ná elenxanmoho aplanneyeykha sẽlxekmóso.