SAN MATEO 25:7 - Lengua Sur (Enxet) Nuevo Testamento

⁷ Sawhéxkók axta eknakxétekhágko xa kelán'a étkók nak, kelánegkakxeyk axta chálewaso agkok.

SAN MATEO 25:7 Referans Kwoze

SAN LUCAS 12:35

“Kóllánekxa kéltahakxa, kólántaxnekxa' kélnakta, yetlo kélálewaso chálewaso kélagkok.

2 SAN PEDRO 3:14

Elyáxeg selásekhayo, kóllenxánem cha'a yakwayam enxoho elwetágwatak kéxegke Dios ekyetna meyke ektahakxa kélwáxok, tén han meyke elenchahamaxche kéltémakxa ekmaso, tén han meyke kélsexnánemaxche, neyseksa kélhaxanma katnehek xa.

APOCALIPSIS 3:2

Exatakha, elmeyásekxa' makham elyennakte m'a aksok ekyetna nak makham xép, cham'a peya nak kalmassegwók, hakte ekwet'ak ko'o megkapéwo makham aptahakxa exchep nápakto' Dios ahagkok.

SAN MATEO 25:1

“Máxa sat katnehek aptémakxa nak Wese' apwányam Dios ma'a ektémakxa axta diez kelán'a étkók elya'áyekmo axta sẽlyamhopma, kelmákxeyk axta chálewaso yetlo égmen'ák, kelanyexágkek axta m'a ektaha axta yakwayam kalyamhápok.

SAN MATEO 25:6

Chágketwokmek axta axta'a eysekso', kelleg'ak axta ektaha kélpeywa ekyennakte s'e: ‘¡Apxegakmek yakwayam kalyamhápok! ¡Kóllanyexák!’

SAN MATEO 25:8

Keñe axta elpakmeta kelán'a étkók megkatnaheykha axta awáxók elpakhetchesa m'a kelán'a étkók ekpenchesamo axta eláneykekxa ektahakxa. Entahak axta eláneya s'e: ‘Hegmés negko'o ketsék chálewaso égmenek, hakte peyk negko'o kalsapónak chálewaso egagkok.’