SAN MATEO 25:1 - Lengua Sur (Enxet) Nuevo Testamento

¹ “Máxa sat katnehek aptémakxa nak Wese' apwányam Dios ma'a ektémakxa axta diez kelán'a étkók elya'áyekmo axta sẽlyamhopma, kelmákxeyk axta chálewaso yetlo égmen'ák, kelanyexágkek axta m'a ektaha axta yakwayam kalyamhápok.

SAN MATEO 25:1 Referans Kwoze

APOCALIPSIS 19:7

Kalpayhekxa' hana egwáxok, agyáncheshok hana ekpayheykekxa egwáxok, óltemésesek hana apcheymákpoho Dios, hakte wa'ak kaxwo' ekhem yakwánxa nak kalyamhápok Nekkések Apketkok, keláneykxek ektahakxa m'a yakwayam nak etnehek aptáwa:

APOCALIPSIS 21:9

Apxegakmek axta xama Dios apchásenneykha apkeñama nepyeseksa m'a siete Dios apkelásenneykha nak, cham'a apkelmeykha axta siete egheykok elláneykegkoho siete ektemegwánxa néxa aksok elmasagcha'a. Aptahak axta seyáneya s'e: “Empoho hana, axekmósek sat xép ektémakxa kelán'a ekpagkanamaxche nak, cham'a peya nak etnehek aptáwa Nekkések Apketkok.”

APOCALIPSIS 21:2

Ekwet'ak axta ko'o tegma apwányam aptakmalma Jerusalén aphaxnagkok, apweywentek axta apkeñama m'a néten, apkeñama m'a nápakto' Dios, penchásamáxchek axta kéláneykekxa ektémol'a kelán'a ektaxneykekxa ektaxno yakwayam kalyamhápok.

SAN JUAN 3:29

Enxet ekha nak appagkanma apteme appagkanamap yakwayam kalyamhápok; exek nahan kaxwé elyamhopma apteme pók ma'a, eñak nahan aptahakxa enxoho appeywa m'a, awanhek nahan katnehek ekpayheykekxa apwáxok apleg'a enxoho aptahakxa appeywa. Cháxa setnahakxa nak ko'o xa, awanho' agko' kaxwo' ekpayheykekxa ewáxok.

SAN MATEO 13:24

Apkeltennáha axta makham Jesús mók apyetcháseykekxoho. Aptahak axta s'e: “Máxa énxet apkeneykekxa axta aktek ektakmela namyep apagkok ma'a aptémakxa nak Wese' apwányam Dios;

APOCALIPSIS 14:4

Axta etnéseseykmohóxma kelán'a xa énxet'ák nak, axta elánesók ekmaso nak nentémakxa mansexta, wánxa aksa apkelyetlama apmahágkaxa enxoho m'a Nekkések Apketkok. Apkelwagkáseykpek axta teyp xa énxet'ák nak nepyeseksa énxet'ák keso náxop, ektémol'a émha amonye aksok kélméso Dios, tén han ma'a kélmésamol'a Nekkések Apketkok.

TITO 2:13

neyseksa nelhaxanma katnehek ma'a aptémakxa axta sempekkencháseykekxa appeywa Dios ektaha nak ektakmela: cham'a apkexyekmo sat Dios egagkok yetlo apcheymákpoho, cham'a aptaha nak Jesucristo segwagkasamo teyp.

SAN MATEO 22:2

“Máxa xama wese' apkeláneso ektámáxche nento elyamhopma apketche m'a aptémakxa nak Wese' apwányam Dios.

2 TIMOTEO 4:8

Kaxwo' eyke, eltakmelchesesek ko'o selháxakxo ekpayhawo nak axkak ko'o, cham'a peya nak hegkések Wese' egegkok ekhem sat, aptaha nak segyekpelchémo ekpéwomo agko'. Háwe sat exakko' ko'o yakwayam hegkések xa, sat nahan elmésagkok ma'a apxámokxoho énxet'ák apkelhaxanma nak ewata' yetlo apchásekhayo.

SAN MATEO 3:2

Axta etnohok cha'a apkeltenneykha s'e: “¡Kólyakmagkas kélwáxok, chágketwa'ak ma'a aptémakxa nak Wese' apwányam Dios!”

1 CORINTIOS 11:2

Egkések cha'a ko'o kéxegke ekpayheykekxa ewáxok, hakte kaxénhok cha'a kélwáxok ko'o, kélenxanakmók nahan kéllané m'a sektahakxa axta selxekmóso kéxegke.

SAN MATEO 20:1

“Máxa xama wese' namyep kélcheneykekxexa anmen yámet ma'a aptémakxa nak Wese' apwányam Dios, cham'a apxegama axta axto'o agko' aptegyeyncha'a énxet yakwayam eltemeykha neyseksa anmen yámet.

SAN MATEO 13:47

“Máxa nahan yám'én kélyamasma kañe' wátsam ekwányam ma'a aptémakxa nak Wese' apwányam Dios, keñe kalmok ekyókxoho ektémakxa kelasma.

SAN MATEO 13:38

keñe m'a namyep nak ekyetchesamaxkoho keso náxop. Aksok aktek ektakmela nak ekyetchesamaxkoho m'a énxet apkeleñama nak ma'a aptémakxa nak Wese' apwányam Dios, keñe m'a menóke nak ekyetchesamaxkoho m'a énxet'ák ektaha nak kelyekhama' agkok,

APOCALIPSIS 4:5

Tekkek axta cha'a elyenma ekyetnakxa m'a taháno ektakmalma nak, tekkek axta anhan cha'a kélpeywa, tén han ekhó takha' appáwá, kelálewágkek axta anhan siete táxa amonye ekhágkaxa xa taháno nak. Siete espíritus apkeleñama Dios axta m'a.

2 CORINTIOS 11:2

Hakte Dios keñamak ektémakxa nak selmeyeykha kéxegke. Ekpagkanchesek axta ko'o kéxegke yakwayam agkések wánxa xama kéltáwa, cham'a Cristo, emenyék nahan anaklók kéxegke nápakto' Cristo meyke ekyepetche xama aksok sempeysegkesamo nak, ektémol'a kelán'a étkok meyke kélteméseseykmohoxmal'a.

SAN MATEO 9:15

Aptahak axta apchátegmowágko Jesús se'e: —¿Kallapwomagkok enxeykel'a énxet'ák kéláneyeykha yakwayam epásegwók elyamhopma, neyseksa apha enxoho makham énxet yakwayam kalyamhápok nepyeseksa? Kammok sat ekhem yakwánxa kólyentemekxak énxet yakwayam nak kalyamhápok, keñe sat metawagkek aptéyak.

SAN MATEO 5:16

Kóllenxánem nahan kéxegkáxa kalsásamhoxma nápakta'awo' énxet'ák ma'a elseyexma kélagkok nak, yakwayam enxoho elpeykeshok Dios Egyap apha néten apyókxoho énxet'ák, cham'a ekwetáxko enxoho kéltémakxa ektakmela kéxegke.

LOS HECHOS 20:8

Negaknákxeyk axta negko'o tegma netno', xámok axta chálewaso elálewágko m'a;

SAN MATEO 13:31

Aptahak axta makham apkeltenneyncha'a Jesús apyetcháseykekxoho s'e: “Máxa yámet ekweseyl'a mostaza aktek apkeneykekxa énxet apkelchekha m'a aptémakxa nak Wese' apwányam Dios.

SAN MATEO 25:7

Sawhéxkók axta eknakxétekhágko xa kelán'a étkók nak, kelánegkakxeyk axta chálewaso agkok.

SAN JUAN 18:3

Apwokmek axta Judas yetlo apkelxegexma'a sẽlpextétamo m'a, axta anhan nápakha m'a ektaha nak aptakmelcheso tegma appagkanamap, ektaha axta apkeláphaso m'a apkelámha apmonye'e nak appasmo apkelmaxnéseso Dios énxet'ák apagkok, tén han ma'a énxet'ák fariseos. Yetlo apkelmeykha axta apkelwokmok ma'a, chálewaso axta anhan apkelmeykha, tén han ma'a yámet eyálewomol'a naw'a.

APOCALIPSIS 8:10

Apkántanxo axta aptahak appawaso apchakkahaso Dios apchásenneykha, keñe axta apteyekmo yaw'a apwányam apkeñama néten, apchalewánteyk axta eyke, máxa axta aptahak ma'a táxa kélmeykhal'a, mók xam'a wátsam axta aptégwokmok, tén han ma'a ekteyapmakxal'a yegmen.