SAN MATEO 24:6 - Lengua Sur (Enxet) Nuevo Testamento

⁶ Kóllegak sat kéxegke amya'a ektepa kempakhakma s'e, tén han ma'a mók apkelókxa nak; nágkólyegwé aksa, hakte cháxa yakwánxa nak katnehek xa, háwe eyke yakwánxa makham katnehek néxa ekhem ma'a.

SAN MATEO 24:6 Referans Kwoze

SAN LUCAS 21:9

Kélleg'ak sat agkok kéxegke amya'a ektepa kempakhakma tén han ellókaxko enxoho, nágkólyegwe aksa. Cháxa yakwánxa nak katnehek sekxo' xa; háwe eyke yakwánxa katnehek néxa ekhem ma'a.”

SAN JUAN 14:1

“Nágkatneykha kélwáxok. Kólteme megkólya'áseyam Dios, kólteme nahan mehelya'áseyam ko'o.

2 TESALONICENSES 2:2

megkóltehek ekmanyehe kólyakmagkasek ektémakxa nak elchetamso kélwáxok, móltamhók nahan kalyegwakkasek kéxegke xama enxoho m'a amya'a ekxénamaxche nak ektaha eñama Dios, tén han ma'a ektahakxa enxoho amya'a kéltenneykha, esenhan ma'a ektahakxa enxoho kéltáxéseso weykcha'áhak kéxegke, ekxeyenma enxoho ekweykmo m'a ekhem yakwánxa nak ewatak makham Wese' egegkok.

SAN JUAN 14:27

“Ekpekkenchásekxeyk kéxegke meyke ektahakxa kélwáxok. Ekmések ko'o kéxegke meyke ektahakxa kélwáxok eñama nak ko'o, megkaxnawók ma'a ektémakxal'a segméso meyke ektahakxa egwáxok énxet apheykha nak keso náxop. Nágkatneykha kélwáxok, nágkólé' nahan.

SAN MATEO 24:14

Ekyókxoho yókxexma sat kóllegaksek xa amya'a ektakmela ekxeyenma nak ma'a aptémakxa nak Wese' apwányam Dios, yakwayam enxoho elya'ásegwók apyókxoho pók aptémakxa énxet; keñe sat kammok néxa ekhem.

SAN LUCAS 21:19

¡Kóllenxanmoho kélyennaktésamo kélteme megkólya'áseyam yakwayam enxoho kólewának kólwagkasaxchek teyp!

SAN LUCAS 22:37

Eltennásek kéxegke peya hetnehek ko'o ektémakxa nak eknaktáxésamaxche s'e: ‘Máxa énxet ekmaso aptémakxa axta kéltemésesók nepyeseksa m'a énxet'ák elmasagcha'a nak apkeltémakxa.’ Hetnehek sat ko'o m'a ekyókxoho ektémakxa nak eknaktáxésamaxche sexeyenma ko'o.

SAN MATEO 26:54

Ektemék agkok ko'o xa, megkatnehek ma'a ektémakxa nak ekxeyenma eknaktáxésamaxche weykcha'áhak, ekxeyenma eyéméxko katnehek xa.

SAN MATEO 2:3

Awanhek axta ektamheykha apwáxok wese' Herodes apleg'a amya'a, hawók axta nahan ektahakxa m'a apyókxoho énxet'ák apheykha nak ma'a tegma apwányam Jerusalén.

APOCALIPSIS 6:4

Aptekkek axta anhan pók yatnáxeg, apyexwasé axta eyke m'a, keñe axta m'a ektaha axta apchánte apxaka apmopwána yakwayam emasésetak meyke ektahakxa nak negheykha keso náxop, yakwayam yának elnapakpok apyókxoho énxet'ák; apxakak axta anhan sókwenakte.