SAN MATEO 24:45 - Lengua Sur (Enxet) Nuevo Testamento

⁴⁵ “¿Yaksak m'a kélásenneykha meyenseyam nak aptamheykha, tén han ma'a ekha nak apya'áseykegkoho aksok, cham'a apchásenneykekxohol'a wese' apagkok etakmelchesesek ma'a apkeláneykha apheykha nak apxagkok, yakwayam enxoho elmésagkok aptéyak ekwokmo enxoho apteykegkaxa aptéyak?

SAN MATEO 24:45 Referans Kwoze

SAN MATEO 25:21

Aptahak axta apcháneya wese' apagkok se'e: ‘Takmelakxoho, xép aptaha seláneykha ektakmela aptémakxa apteme nahan meyenseyam aptamheykha; axámaseshok sat kaxwo' selméso exchep selyakye yakwayam heltakmelchesesek, hakte aptakmelchesek axta m'a selyakye étkok sekmésa axta exchep. Etex kañe', kalpayhekxak sat egwáxok.’

SAN MATEO 25:23

Aptahak axta apcháneya wese' apagkok se'e: ‘Takmelakxoho, xép aptaha seláneykha ektakmela aptémakxa, apteme nahan meyenseyam aptamheykha; axámaseshok sat kaxwo' selméso exchep selyakye yakwayam heltakmelchesesek, hakte aptakmelchesek axta m'a selyakye étkok sekmésa axta exchep. Etex kañe', kalpayhekxak sat egwáxok.’

HEBREOS 3:5

Ekeso eñamakxa meyenseykmo axta apkelané Moisés ma'a apkeltémókxa axta etnehek Dios, appasmoma m'a Dios énxet'ák apagkok nak, axta apxeyenmak cha'a Moisés ma'a yakwánxa nak etnehek appeywa Dios. Axta entemék aptamheykha Moisés xa.

2 TIMOTEO 2:2

Eltennés sat yakwánxa etnahagkok apkeltamheykha m'a énxet'ák kélayókxa nak, apmopwána exekmósek apnámokkok, cham'a sektahakxa axta sekpeywa apleg'a exchep nápakta'awo' apyókxoho énxet'ák.

1 TIMOTEO 1:12

Ekmések cha'a ko'o ekpayheykekxa ewáxok Wese' egegkok Jesucristo, aptaha axta segkéso sekyennakte, hakte xeyenmék axta apwáxok Dios mayensemek sektamheykha, etnésesek axta nahan ko'o apchásenneykha,

APOCALIPSIS 2:13

Ekya'ásegkok ko'o apha exchep ma'a ektémakxa nak wese' Satanás; wánxa agkok apkelenxáneykmok eyke exchep apxeyenma sekwesey. Axta anhan elwáteseykmok apteme mehey'áseyam ko'o, cham'a apmatña axta Antipas, aptaha axta meyenseyam aplegaso sekwesey. Axta payhok apmatñamakxa m'a tegma apwányam ektémakxa nak wese' Satanás.

LOS HECHOS 20:28

Kólleyxmakha kéxegke, kóltakmelches ma'a ekyókxoho apchakneykekxexa nak, cham'a aptemésesamakxa nak kéxegke Espíritu Santo kélláneykegkaxa, yakwayam enxoho kóltakmelchesek Dios énxet'ák apagkok, aptaha axta anhan apkelma eñama m'a apyenkenma axta éma apagkok.

SAN LUCAS 19:17

Aptahak axta apchátegmowágko wese' s'e: ‘Takmelakxoho, xép apteme seyásenneykha ektakmela aptémakxa; atnésesek sat xép wese' apkeláneykha diez yókxexma hakte aptakmelchesegkek xa aptamheykha étkok sekmésa axta.’

SAN MATEO 13:52

Keñe axta aptaha apkeláneya Jesús se'e: —Apkeltámesamakpek agkok énxet apkelxekmóso nak apnámokkok ektémakxa segánamakxa m'a aptémakxa nak Wese' apwányam Dios, máxa etnehek ma'a énxet ekhal'a apxagkok, ey'asagkohok elhexyawásekxak ma'a aksok axnagcha'ák, tén han ma'a aksok apák nak, cham'a apnegkenmakxal'a aksok apkeltakmelcheso.

SAN MATEO 10:16

“¡Kóllano, máxa ektemesásak kéxegke nekkések seláphasa neyseksa m'a aksok nawha'ák ello nak, kólteme ekha kélya'áseykegkoho ektémol'a yéwa, kólteme anhan megkólyementé aptémol'a wáx'ay.

SAN MATEO 25:2

Cinco axta ekyókxoho kelán'a étkók megkatnaheykha axta awáxók, keñe axta anhan cinco ekpenchesamo axta eláneykekxa ektahakxa.

SAN MATEO 7:24

“Kéxegke ektahakxa enxoho kélháxenmo sekpeywa keñe kóllának ma'a sektahakxa enxoho sekpeywa, máxa kóltehek ma'a énxet ekhal'a apya'áseykegkoho apkeláneya axta tegma ekyetnakxa meteymog.

SAN MATEO 24:46

Apkeleñémo agko' énxet kélásenneykha apwetágweykxo enxoho wese' apagkok apkelana m'a apkeltamhókxa axta elána'.