SAN MATEO 24:39 - Lengua Sur (Enxet) Nuevo Testamento

³⁹ Wa'ak axta mámeye ekwányam agko' neyseksa melhaxanma, sawhawók axta elnapa yegmen xa énxet'ák nak. Sat nahan katnehek apkexyekmo sat aptaha nak Apketche énxet.

SAN MATEO 24:39 Referans Kwoze

SAN JUAN 3:20

Apyókxoho énxet ektahakxa enxoho apkeláneyak aksok ekmaso etaknók ma'a elseyexma nak, mépetchegwomok nahan elseyexma, yakwayam enxoho megkapekkenchásekxék yáxñakxoho m'a aksok ekmaso apkelané nak.

SAN MATEO 24:37

“Sat katnehek nahan apkexyekmo sat ektaha nak Apketche énxet ma'a, ektémakxa axta aphamakxa Noé.

LOS HECHOS 13:41

‘Kóllano kéxegke kéltaha nak kélya'áseyam, kólyegwé, kólxegánem nahan. Hakte alának sat ko'o aksok neyseksa kélha makham kéxegke, kóltennasha sat eykhe kéxegke peya alának ko'o xa, kólya'asok sat eyke.’ ”

2 SAN PEDRO 3:5

Mopmenyék elya'asagkohok ektaha nano' elánamáxche néten xa énxet'ák nak tén han keso náxop, cham'a apkeltémo axta Dios katyapok xóp neyseksa yegmen, neyseksa yegmen axta anhan appekkenak.

SAN LUCAS 19:44

esawhohok sat epalchesegmak tegma. Esawhohok sat nahan ennápok énxet'ák apheykha nak xa, megyohok sat kathánekxak mók meteymog, hakte megkólyekpelchak kéxegke apwa'a Dios yakwayam elwagkasek teyp kéxegke.”

ROMANOS 1:28

Mopmenyék elyekpelkohok Dios xa énxet'ák nak. Ekeso eñamakxa apkexaya axta aksa Dios yakwayam kayeykhágwomhok ekmaso elchetamso apwáxók, yakwayam enxoho anhan elanagkok ma'a aksok megkeyméxko nak anlána'.

SAN MATEO 16:27

Hakte yetlo apcheymákpoho eñama apméso Apyap sat ewatak ma'a ektaha nak Apketche énxet, yetlo apkelásenneykha sat nahan, keñe sat egkések aksok eyéméxchexa m'a énxet ektémakxa axta aksok apkelané.

SAN MATEO 24:3

Apkelmeyákxeyk axta egkexe Olivos natámen xa. Aphakmek axta Jesús ma'a, apya'aweykxeyk axta apkeltámeséyak yakwayam elmaxneyha apxakko' ma'a. Aptahak axta s'e: —Egmenyék negko'o hẽltennaksek ekhem yakwánxa katnehek ma'a apxéna exchek. ¿Háxko sat katnehek magkenatcheso apkexyekmo sat makham xép, tén han ma'a ektemégwokmo sat néxa ekhem?

SAN MATEO 24:30

Keñe sat kataxchek néten aksok magkenatcheso apkexyeyam ma'a aptaha nak Apketche énxet, elyegweyk sat apyókxoho énxet apheykha nak keso náxop, ellekxagwaha sat nahan, étak sat nahan exyók néten neyseksa yaphopé m'a aptaha nak Apketche énxet, yetlo ekyawe apmopwána tén han apcheymákpoho.

SAN MATEO 24:40

Apkánet énxet sat exmakha yókxexma ektaha sat xa: xama sat emakpok, keñe sat etakmopagkok ma'a pók.