SAN MATEO 24:3 - Lengua Sur (Enxet) Nuevo Testamento

³ Apkelmeyákxeyk axta egkexe Olivos natámen xa. Aphakmek axta Jesús ma'a, apya'aweykxeyk axta apkeltámeséyak yakwayam elmaxneyha apxakko' ma'a. Aptahak axta s'e: —Egmenyék negko'o hẽltennaksek ekhem yakwánxa katnehek ma'a apxéna exchek. ¿Háxko sat katnehek magkenatcheso apkexyekmo sat makham xép, tén han ma'a ektemégwokmo sat néxa ekhem?

SAN MATEO 24:3 Referans Kwoze

LOS HECHOS 1:7

Aptahak axta apchátegmowágko Jesús se'e: —Megkapayhawok kéxegke kólya'asagkohok ekwánxa ekhem yakwánxa nak elának Táta m'a aksok aptaha nak apwánxa apagko' apmopwána elána'.

SAN MATEO 24:37

“Sat katnehek nahan apkexyekmo sat ektaha nak Apketche énxet ma'a, ektémakxa axta aphamakxa Noé.

SAN MATEO 13:49

Sat nahan katnehek ekwokmo sat néxa ekhem: elántépok sat Dios apkelásenneykha yakwayam yexpánchesek ma'a énxet'ák elmasagcha'a nak apkeltémakxa, tén han ma'a eltakmela nak apkeltémakxa,

SAN LUCAS 21:7

Keñe axta aptaha apkelmaxneyeyncha'a apkeltámeséyak se'e: —Sẽlxekmóso, ¿Yaksak sat ekhem katnehek xa? ¿háxko sat ekteme aksok magkenatcheso agweta' eyágketwokmo enxoho yakwánxa katnehek xa?

SAN MATEO 21:1

Xama axta apkelágketchesekmo tegma apwányam Jerusalén, apkelwokmek axta nátegma ekwesey axta Betfagé, keto' axta egkexe Olivos ma'a, apkeláphásek axta Jesús apkánet apkeltámeséyak.

SAN MATEO 24:39

Wa'ak axta mámeye ekwányam agko' neyseksa melhaxanma, sawhawók axta elnapa yegmen xa énxet'ák nak. Sat nahan katnehek apkexyekmo sat aptaha nak Apketche énxet.

SAN MATEO 24:27

Máxa takha' apkelyenma sat katnehek katyapok elyenma m'a ekteyapmakxa ekhem ekweykekxoho m'a taxnegwánxa ekhem, sat katnehek apkexyekmo sat aptaha nak Apketche énxet xa.

HEBREOS 9:26

Temegkek agkok Cristo xa ektaha nak, kaleklemek axta cha'a emátog Cristo eyeynamo m'a sekxo' axta elánamáxko keso náxop. Wánxa axta eyke xama apwé Cristo keso negwánxa nak eyágketwokmo nak ektemegwánxa néxa, apmeyáseykpók axta apagko' Cristo m'a Dios yakwayam enxoho hegmasésesek nentémakxa mólya'asáxma wánxa m'a, meyke teyp.

SAN MATEO 28:20

Kóltamesák nahan yakwayam enxoho elyahakxohok ma'a ekyókxoho seltémókxa nak kóltehek kéxegke. Axek sat eyke cha'a ko'o kélnepyeseksa kéxegke ekyókxoho ekhem ekwokmoho ektemegwánxa néxa ekhem.

SAN MATEO 17:19

Keñe axta appakhetchesekmo apkeltámeséyak Jesús mók nekha. Aptahak axta apkelmaxneyeyncha'a s'e: —¿Yaksak ektaha magkegwagko nak negko'o nentekkesa xa kelyekhama' nak?

SAN MATEO 24:43

Kólya'asagkoho nahan se'e: apleg'ak agkok ekwánxa hora axta'a yakwánxa etaxnegwók apxagkok apmenyexma m'a énxet ekha nak apxagkok, eleyxmakha aksa, megyohok nahan etaxnegwók énxet ma'a apxagkok yakwayam enxoho emenyexwók.

SAN MATEO 15:12

Keñe axta apya'aweykxo apkeltámeséyak Jesús. Aptahak axta apcháneya s'e: —Apkelnatha'awók énxet'ák fariseos apkelleg'a xa aptahakxa nak appeywa exchep.

SAN MATEO 13:36

Apkexakkek axta aksa Jesús énxet'ák aptaxnegwokmo kañe' tegma, cham'a apya'aweykxexa axta apkeltámeséyak apmahágkaxa, apkeltamhok axta epeykesásekxak ektémakxa apyetcháseykekxoho apxéna axta m'a menóke ekteyapma nak nepyeseksa hótahap.

SAN MATEO 16:27

Hakte yetlo apcheymákpoho eñama apméso Apyap sat ewatak ma'a ektaha nak Apketche énxet, yetlo apkelásenneykha sat nahan, keñe sat egkések aksok eyéméxchexa m'a énxet ektémakxa axta aksok apkelané.

SAN MATEO 16:28

Meletsepek sat nahan nápakha énxet'ák apheyncha'a nak se'e, ekwokmoho apkelwet'a ewatak yakwayam etnehek Wese' apwányam ma'a ektaha nak Apketche énxet. Nakso' xa sektahakxa nak sekpeywa seláneya kéxegke.

SAN MATEO 24:30

Keñe sat kataxchek néten aksok magkenatcheso apkexyeyam ma'a aptaha nak Apketche énxet, elyegweyk sat apyókxoho énxet apheykha nak keso náxop, ellekxagwaha sat nahan, étak sat nahan exyók néten neyseksa yaphopé m'a aptaha nak Apketche énxet, yetlo ekyawe apmopwána tén han apcheymákpoho.