SAN MATEO 24:24 - Lengua Sur (Enxet) Nuevo Testamento

²⁴ Hakte elwak sat énxet'ák apkeltemesásamap nak Mesías, tén han ma'a Dios appeywa apkellegaso apkelmopwána amya'a nak; elának sat nahan aksok magkenatcheso agko' nak agweta', tén han ma'a sempelakkaso nak agweta', yakwayam enxoho elyexanchesha énxet'ák, kawomhok sat nahan apkelyexancháseykha m'a ektaha nak Dios apkelyéseykha, apkepwagko enxoho.

SAN MATEO 24:24 Referans Kwoze

SAN MARCOS 13:22

Hakte elwak sat énxet'ák apkeltemesásamap nak Mesías, tén han ma'a Dios appeywa apkellegaso apkelmopwána amya'a nak; elának sat nahan aksok magkenatcheso agko' nak agweta', tén han ma'a sempelakkaso nak agweta', yakwayam enxoho elyexanchesha énxet'ák, kawomhok sat nahan apkelyexancháseykha m'a ektaha nak Dios apkelyéseykha, apkepwagkexa enxoho.

SAN MATEO 24:11

Elántépok sat Dios appeywa apkellegaso apkelmopwána amya'a nak, apxámok sat nahan etnehek énxet apkelyexancháseykha.

SAN MATEO 7:15

“Kólawho kéxegke énxet'ák apkelmopwána amya'a nak, apkelxeyenmol'a ektaha eñama Dios ma'a apkeltenneykha nak. Nekkések cha'a exnésakpohok ey'áwak kéxegke xa énxet'ák nak, aksok nawha'ák ello eyke.

SAN MATEO 24:5

Hakte elwak sat énxet apxámokma sexneyásamákpoho ko'o. Sat etnehek apkelpeywa s'e: ‘Ko'o Mesías’, apxámok sat nahan etnehek énxet apkelyexancháseykha.

2 SAN PEDRO 3:17

Elyáxeg selásekhayo, kólawho kéxegke xa, yakwayam enxoho megkalmehek ma'a ektémakxa nak sẽlyexancháseykha énxet'ák elmasagcha'a nak apkeltémakxa, yakwayam enxoho megkaweywenték ma'a ektémakxa nak ekyennakwayam kélteme megkólya'áseyam, hakte nano' kélya'áseyak kéxegke ekmáheyo katnehek xa.

APOCALIPSIS 19:20

Máxchek axta xa aksok nawhak eklo nak, máxkók axta xamo' ma'a ektaha axta apkellegaso amya'a megkamámnaksoho nak, cham'a, apkeláneykegko axta cha'a aksok sempelakkaso nak agweta' nakto' xa aksok nawhak eklo nak. Apkelyexancháseykha axta énxet'ák xa ektaha nak apkellegaso amya'a megkamámnaksoho, eñama apkeláneyak ma'a aksok sempelakkaso nak agweta'. Axta apkelyexancháseyha m'a énxet'ák apchahayo axta keytek aksok nawhak eklo elkahaso, cham'a apkelpeykesamo axta kéleykmáseso kélheyáseykegkoho nak aksok nawhak eklo. Keñe axta kélyenyawa yetlo akta'ák neyseksa táxa xa aksok nawhak eklo nak, tén han yetlo apakta'ák ma'a ektaha axta apkellegaso amya'a megkamámnaksoho, cham'a eyálewomakxa nak táxa yetlo m'a aksok ánek eyálewomol'a.

1 SAN JUAN 5:18

Negya'ásegkok eyke negko'o énxet apteme nak Apyap ma'a Dios melanyek mólya'asáxma, hakte Dios Apketche etakmelchesek, megkatnésesamok nahan exma kelyekhama'.

2 TIMOTEO 2:19

Wánxa agkok, appekkenchek axta eyke Dios xama aksok ektaha nak ekyennakwákxexa, ekyetna nak eknaktáxésamaxche s'e: “Ekpelkohok cha'a Wese' egegkok ma'a énxet'ák ektahakxa enxoho apagkok”, “kéméxchek nahan ényók nentémakxa ekmaso apyókxoho énxet ektaha nak apkelwóneykha Wese' egegkok apwesey.”

SAN JUAN 6:39

Mopmenyék ko'o axñánegkesek xama énxet ektaha axta segkéso m'a aptaha axta seyáphaso, wánxa aksa apkepmenyého axátekhásók ma'a ekwokmo sat néxa ekhem.

SAN JUAN 6:37

Apyókxoho énxet ektaha nak segkéso ko'o Táta hey'ótak cha'a ko'o, matakheksók sat nahan ko'o m'a énxet ektahakxa enxoho sey'eykekta'.

1 SAN PEDRO 1:5

Apkeltakmelchesegkek kéxegke Dios yetlo m'a ektémakxa nak apmopwána, eñama m'a ektémakxa nak megkólya'áseyam, yakwayam enxoho kólxawak kéxegke kélwagkásamáxche teyp, cham'a aptakmelchesesama nak kéxegke Dios, cháxa peya nak hegya'asásegwók ektemegwánxa néxa ekhem xa.

GÁLATAS 4:15

¿Háxko ekmahágkaxa kaxwo' ma'a ektémakxa axta ektakmeleykha kélwáxok? Ewanchek ko'o axének ektakmela kéxegke, kawomhok axta exaha kélleklo kélaktek yakwayam helmések ko'o, cham'a kélewagko enxoho.

ROMANOS 12:18

Kólenxánem cha'a kóltehek meyke kélenmexamaxche xamo' ma'a apyókxoho énxet'ák nak, cham'a kélewagkexa enxoho.

LOS HECHOS 20:16

Cháxa nentahakxa axta negko'o xa, hakte axta emokók emhagkok Pablo m'a tegma apwányam Efeso, yakwayam enxoho megkawegkók apha m'a yókxexma Asia; apmenyék axta kañehémhok ewakxak ma'a tegma apwányam Jerusalén, apmenyék axta kawomhok apha Pablo ekhem Pentecostés apweykxa axta Espíritu Santo m'a, cham'a ektepa enxoho.

SAN MATEO 22:14

Apxámok énxet ektaha nak kéláneyeykha, apkántawók eyke m'a ektaha nak kélyéseykha.”

SAN MATEO 24:22

Apwenakteyások agkok Dios xa ekhem nak, méko kawagkasaxchek teyp; eyakwataksohok sat eyke eñama apkelásekhayo m'a ektaha nak apkelyéseykha.

SAN MATEO 24:25

Ekpenchásók seltennasa kéxegke seyésa xa, amonye ekteme.

SAN MATEO 24:31

Eláphaksek sat apkelásenneykha yetlo ekyennakte apkelpáwaso apkelakkahaso yakwayam enxoho yánchásekxak ma'a ektaha nak apkelyéseykha apkeleñama ekyókxoho yókxexma: nexcheyha, nepyeyam, ekteyapmakxa ekhem, tén han ma'a ektaxnegwánxa ekhem, esawhekxohok sat keso náxop.

SAN LUCAS 18:7

¿Mepasméya Dios énxet'ák ektaha nak apkelyéseykha, apwóneykha nak apwesey ekyókxoho ekhem tén han ekyókxoho axta'a? ¿Yánaya aksa sekxo' kólleyxek?

SAN JUAN 4:48

Aptahak axta apchátegmowágko Jesús wese' apwányam apchásenneykha s'e: —Kólya'asók kéxegke megkólwet'awo enxoho m'a aksok sempelakkaso nak agweta'.

1 SAN JUAN 2:18

Etchek selásekhayo, keso ektemegwánxa néxa s'e negwánxa nak. Kélleg'ak axta kéxegke amya'a peya ewak xama énxet aptaha apkenmexeykha Cristo; apxámágkek kaxwo' énxet'ák apteme nak apkenmexeykha Cristo. Ekeso eñamakxa negya'ásegkoho nak negko'o ektaha ektemegwánxa néxa keso negwánxa nak.

1 SAN JUAN 2:22

¿Yaksak m'a ekteme nak ekmowána amya'a? Cham'a énxet apxeyenma nak Jesús metnaha Mesías. Cháxa aptaha nak han apkenmexma Cristo xa, hakte mexének apwesey Dios Egyap, tén han ma'a Apketche.