SAN MATEO 24:21 - Lengua Sur (Enxet) Nuevo Testamento

²¹ hakte katyapok sat nenlegeykegkoho ekyawe agko', megkatnama axta eyeynamókxa elánamáxche keso náxop, megkatnekxék sat nahan cha'a.

SAN MATEO 24:21 Referans Kwoze

SAN LUCAS 21:24

Nápakha sat etekyók eñama apkempakhe, keñe sat nápakha énxet elmakpok tén han kólya'aksek ekyókxoho apkelókxa; keñe sat énxet'ák metnaha judíos etnekxak apkeláneykha m'a tegma apwányam Jerusalén ekwokmoho ektaha ma'a ekhem apxeyenmakxa axta katnehek Dios.

1 TESALONICENSES 2:16

Negmokók agkok cha'a negko'o óltennasha amya'a eñama Dios ma'a énxet'ák metnaha nak judíos yakwayam enxoho nahan elwagkasakpok teyp, wánxa agkok, meheghók eyke cha'a énxet'ák judíos. Cháxa ektahakxa nak ekyeykhágwokmoho apteme melya'asáxma xa. Kaxwo' eyke, wa'ak yakwayam ellegásesagkohok ekmaso agko' Dios xa énxet'ák nak.

SAN MATEO 24:29

“Yeyk'ak sat agkok xa nenlegeykegkoho nak, kapeysemekxak sat ekhem, kamaskok sat nahan apkelsasáxma m'a pelten, epallentak sat yaw'a apkeleñama néten, kalyawheykha sat ekyókxoho aksok ekhéyak nak néten.

SAN MARCOS 13:9

“Kólleyxmakha kéxegke; hakte kólmések sat kéxegke m'a kelwese'e nak, kóltekyawha sat nahan kañe' apchakneykekxexa nak énxet'ák judíos; kólnaklók sat nahan kéxegke aphágkaxa m'a kelwese'e nak, tén han ma'a kelwese'e apkelwányam nak, ko'o eñamakxa; keñe sat kólewának kólxének kéxegke amya'a segwagkasamo teyp nápakta'awo' xa énxet'ák nak.

SAN MATEO 24:20

Kólmaxna kéxegke Dios yakwayam enxoho megkólenyahagkok ma'a apkepsamágexal'a tén han ma'a ekhem sábado,

APOCALIPSIS 7:14

“Wese', xép apya'ásegko'”, axta ektahak seyátegmowágko ko'o. Keñe axta aptaha seyáneya s'e: “Cháxa énxet'ák ektaha axta apkelyeykhé ekyawe apkellegeykegkoho xa, apkelyenyések axta apkelántaxno Nekkések Apketkok éma apagkok xa, kelmopeyásekxók axta anhan.

APOCALIPSIS 16:18

Keñe axta ektepa apkelyenma, kélpeywa, tén han extegyawa, pexyenegkek axta xóp eñama m'a xóp ekyawheykha ekyennakte agko' axta, axta kaxnawok ma'a ekweykenxal'a cha'a ekyawheykha xóp apheykegkaxa énxet keso náxop.