SAN MATEO 24:15 - Lengua Sur (Enxet) Nuevo Testamento

¹⁵ “Aptáxésegkek axta Daniel aptaha axta Dios appeywa aplegaso m'a aksok ekmaso agko' ektawáseykencha'a axta tegma appagkanamap. Kélwet'ak sat agkok kéxegke ekyetna aksok ekmaso m'a kañe' tegma appagkanamap ekpagkanamaxchexa nak —kéxegke ektahakxa enxoho kélyetseté s'e, kólya'asagkoho ektémakxa—,

SAN MATEO 24:15 Referans Kwoze

SAN MARCOS 13:14

“Kélwet'ak sat agkok kéxegke aksok ekmaso agko', ekyetnakmo m'a megkóltémókxa nak keytnók —kéxegke ektahakxa enxoho kélyetseté s'e, kólya'asagkoho ektémakxa—, keñe kéxegke kélheykha nak Judea, kólmohok kólenyahagkok ma'a néten xóp elekháhéyak elyawe nak;

SAN LUCAS 21:20

“Kélwet'ak sat agkok apwakheykxo sẽlpextétamo m'a tegma apwányam Jerusalén, kólya'ásegwomho sat peya kólmasésók kaxwo'.

APOCALIPSIS 1:3

Apkeleñémo agko' énxet ektaha nak apkelyetseté xa amya'a ekxeyenma nak yakwánxa katnehek, apkeleñémo nahan ma'a ektaha nak apháxenmo, cham'a apkelyaheykekxoho nak ektémakxa eknaktáxésamaxche, hakte chágketwokmek kaxwo' ekhem yakwánxa nak katnehek xa.

SAN LUCAS 19:43

Kawók sat ekhem yakwánxa kóllegásesagkohok kéxegke, yahaxtamok sat neyáwa kélheykegkaxa m'a kélenmexma, ewakhak sat nahan, máxa sat nahan kañék kélyátamáxche kéxegke,

HEBREOS 2:1

Ekeso eñamakxa eyéméxko agko' nak antakmelcheshok negháxenmo negko'o m'a amya'a nenleg'a axta, yakwayam enxoho mólyetnakhágwomek negko'o negyetlo xa.

LOS HECHOS 6:13

Aptegyágkek axta anhan énxet'ák ektaha axta megkamámnaksoho apkelxeyenma. Aptahak axta apkelpeywa s'e: —Melwatésakmok apxeyenma ekmaso tegma appagkanamap egagkok xa énxet nak, tén han apkenmexa m'a ektémakxa nak segánamakxa egagkok.

APOCALIPSIS 3:22

¡Kéxegke ekha nak kélheyk'ák kóleyxho apxeyenma nak Espíritu kélakneykekxexa!’ ”

LOS HECHOS 21:28

Aptahak axta apkelyennaktésawo apkelpeywa s'e: “¡Enxet'ák Israel, hempásem negko'o! Cháxa énxet apweynchámeykencha'a nak ekyókxoho yókxexma xa, apkelxekmósegkek nahan énxet'ák ma'a nelxekmowásamáxche enmexma nak ma'a énxet'ák egagkok, tén han enmexma m'a Moisés segánamakxa apagkok nak, tén han enmexma s'e tegma appagkanamap egagkok nak. Apkelántaxnésa'ak kaxwo' nápakha énxet'ák griegos s'e tegma appagkanamap egagkok nak, aptawáseyha s'e ekpagkanamaxchexa nak.”

SAN JUAN 11:48

Neg'awók agkok apkelana xa, apxámok sat etnehek énxet apteme mey'áseyam, keñe sat elxegmak ma'a wese' apkelásenneykha apkeleñama nak Roma, etegkesak sat tegma appagkanamap egagkok, emasésak sat nahan ma'a negókxa nak.

SAN MATEO 24:16

kólmohok sat kólenyahagkok néten xóp elekháhéyak elyawe kéxegke kéltaha nak kélheykha Judea;