SAN MATEO 23:8 - Lengua Sur (Enxet) Nuevo Testamento

⁸ “Wánxa agkok, nágkólho aksa kóltamhaxche kéxegke sẽlxekmóso, hakte kélyókxoho kéxegke kélteme kélyáxeg xamo', wánxa aksa xama apyetna m'a Apkelxekmóso nak kéxegke.

SAN MATEO 23:8 Referans Kwoze

SANTIAGO 3:1

Elyáxeg, nágkólho aksa exámak kélnepyeseksa kéxegke m'a énxet'ák apkelxekmóso nak apnámokkok, hakte kélya'ásegkok kéxegke negko'o nentaha nak nelxekmóso ennámokkok peya hẽlyekpelcháseshok ekyentaxno agko', megkaxók sat ma'a pók énxet'ák nak.

1 SAN PEDRO 5:3

Nágkólteme aksa kélyennaktésamaxkoho kóllának ma'a énxet'ák ektaha nak kéltakmelcheso kéxegke, wánxa agkok, kólxemósho aksa kéltémakxa ektakmela, yakwayam enxoho elyetlakxak xa énxet'ák nak.

SAN LUCAS 22:32

wánxa agkok elmaxnésesek axta eyke ko'o exchep yakwayam enxoho meyensemek apteme mey'áseyam. Ey'áweyktek sat agkok makham xép, epásem sat apnámokkok yakwayam enxoho elenxanmohok apkelyennaktésamo apteme melya'áseyam.

SAN MATEO 23:10

Nágkólho nahan kóltamhaxche kéxegke sempeykesáseyak, hakte Cristo apwánxa apagkok aptaha Sempeykesáseyak.

SAN MATEO 17:5

Neyseksa appakmeyesma axta Pedro eyahapwa'a xama yaphopé elyenma xa énxet'ák nak. Keñe axta ektepa kélpeywa neyseksa xa yaphopé nak. Entahak axta kélpeywa s'e: “Keso hatte seyásekhayo nak ko'o s'e, selyéseykha ahagko' axta anhan: kóleyxho appeywa.”,

APOCALIPSIS 1:9

Ko'o Juan sektaha nak may'áseykmoho xamo' kéxegke Cristo, Jesús sekyepetcheyo keñamak sewákxoho nahan ko'o xa sekteme señama nepyeseksa Dios énxet'ák apagkok tén han sewákxoho seklegeykegkoho xamo' kéxegke, tén han sewákxoho m'a ektémakxa nak kélwaskápeykekxoho, yakwayam enxoho alenmaxaxkohok seklegeykegkoho ko'o. Elhésekmek axta ko'o yókxexma étkok ekwesey Patmos, eñama seklegaso m'a amya'a eñama nak Dios, cham'a aptemésesama axta ekmámnaksoho Jesús.

APOCALIPSIS 22:9

Wánxa agkok, aptahak axta seyáneya s'e: “Ná etne aksa xa, ko'o nahan sekteme Dios apchásenneykha, ekhawók ko'o exchep, ekhawók nahan ma'a apkelyáxeg'a ektaha nak apkellegaso Dios appeywa, ekhawók nahan ma'a ektaha nak apkelyaheykekxoho ektémakxa nak eknaktáxésamaxche s'e weykcha'áhak nak. Elpeykesho m'a Dios.”

APOCALIPSIS 19:10

Eltekxekkek axta ko'o etapnák náxop ekpayhókxa apkenmágkaxa Dios apchásenneykha, yakwayam alpeykesho', wánxa agkok, aptahak axta seyáneya s'e: “Ná etne aksa xa, ko'o sekteme Dios apchásenneykha, ekhawók ko'o exchep, ekhawók nahan ma'a apkelyáxeg'a ektaha nak melyenseyam apkeltenneykha Jesús apwesey. Elpeykesho m'a Dios.” Hakte, cháxa eyewáneseso énxet'ák ektaha nak apkellegaso Dios appeywa xa apkeltenneykha nak Jesús apwesey.

EFESIOS 3:15

cham'a apmésama nak apwesey apyókxoho ektaha nak énxet'ák apagkok apheykha nak néten tén han keso náxop.

2 CORINTIOS 4:5

Manxénáxchekxohok cha'a negko'o egagko' neltenneyncha'a, wánxa cha'a nenxéna m'a Jesucristo aptaha nak Wese' egegkok; nenxénchek eyke cha'a negko'o nentaha sẽlásenneykha kéxegke eñama negásekhayo m'a Jesús.

2 CORINTIOS 1:24

Móltamhok negko'o óltennasagkohok kéxegke m'a eyéméxchexa nak kóltehek megkólya'áseyam; hakte yennakweykmek kéxegke kélteme megkólya'áseyam, egmenyék eyke ampasmok kéxegke, yakwayam enxoho kalpayhekxak kélwáxok.

SAN MATEO 26:49

Apyo'ókmek axta Judas apkenmágkaxa Jesús. Aptahak axta appeykesa s'e: —¡Xép nak sẽlxekmóso! Appetsesek axta.

SAN MATEO 10:25

Enxet ektaha nak kélxekmóso kéméxchek kapayhekxak aksa apwáxok aphágweykxoho enxoho m'a aptaha nak apkelxekmóso, keñe m'a énxet ektaha nak kélásenneykha kéméxchek kapayhekxak aksa apwáxok aphágweykxoho enxoho wese' apagkok. Kéltemék agkok Beelzebú énxet ekha nak apxagkok, ¿háxko anhan kóltehek kólxének ma'a apketchek?

SAN MATEO 23:7

Apmenyék nahan kólpeykesek yetlo kéláyo m'a ámay nepyeseksa tegma nak, apmenyék nahan kóltehek kólának ‘sẽlxekmóso’.

SAN MATEO 26:25

Keñe axta appakmeta Judas, aptaha axta apkeltémo emakpok Jesús. Aptahak axta apkelmaxneyeyncha'a s'e: —Sẽlxekmóso, ¿ko'oya sat? —Cháxa aptahakxa nak appeywa —axta aptahak apchátegmowágko Jesús.

SAN MARCOS 9:5

Aptahak axta Pedro apcháneya Jesús se'e: —Sẽlxekmóso, ¡ektakmelakxoho agko' nelwa'a negko'o xa s'e! Anlának sat negko'o apkántanxo tegma apketkók: xama sat xép, keñe sat pók Moisés, keñe sat pók Elías.

SAN MARCOS 10:51

Aptahak axta apkelmaxneyeyncha'a Jesús se'e: —¿Yaksak apkeltamho atnésesek xép? Aptahak axta apchátegmowágko énxet meyke apakta'ák se'e: —Sẽlxekmóso, emenyék ko'o ótekxaxma.

SAN MARCOS 11:21

Xénwákxok axta apwáxok Pedro ektahakxa axta, aptahak axta apcháneya Jesús se'e: —Sẽlxekmóso, elano hana, ketsekkek yámet appakhetchesa axta ekmaso.

SAN MARCOS 14:45

Apyo'ókmek axta Judas apkenmágkaxa Jesús, keñe axta aptaha apcháneya s'e: —¡Sẽlxekmóso! Keñe axta appetsesa.

SAN JUAN 1:38

Appeynchakpok axta neptámen Jesús. Xama axta apwet'a kélemhágko, aptahak axta apkelmaxneyeyncha'a ektaha axta apkemheyak se'e: —¿Yaksak kélchetama? —Sẽlxekmóso, ¿háxko aphakxa exchep? axta aptahak apkelátegmowágko.

SAN JUAN 1:49

Aptahak axta Natanael apcháneya Jesús se'e: —Sẽlxekmóso, ¡Xép apteme Dios Apketche, xép nahan apteme Israel Wese' apwányam apagkok!

SAN JUAN 3:2

Yáktések axta aptaha meyk'a Nicodemo Jesús. Aptahak axta apcháneya s'e: —Sẽlxekmóso, negya'ásegkok negko'o aptaha exchep Dios apcháphaso yakwayam hẽlxekmósak negko'o, hakte méko kawának kalának ma'a aksok sempelakkaso agweta' apkelana nak xép, cham'a metnaha enxoho apxegexma Dios.

SAN JUAN 3:26

Keñe axta apya'aweykto apkeltámeséyak Juan apkeltennasakto. Entahak axta amya'a apcháneyákpo Juan se'e: —Sẽlxekmóso, apyakpasásegkek kaxwo' yegmen énxet'ák ma'a aptaha axta exchep apxegexma wátsam Jordán, cham'a énxet sẽltennasa axta exchep. Apxámok nahan énxet apyetleykekxa.

SAN JUAN 4:31

Amonye apkelwé énxet'ák axta aptaha apkeltámeséyak apcháneya Jesús se'e: —Sẽlxekmóso, etaw hana sekxo'.

SAN JUAN 6:25

Xama axta apkelwákxo neyáwa xa énxet'ák nak apwetágweykxeyk axta Jesús ma'a. Aptahak axta apkelmaxneyeyncha'a énxet'ák Jesús se'e: —Sẽlxekmóso, ¿Yaksak axta ekhem apwakto s'e?

SAN JUAN 9:2

Aptahak axta apkelmaxneyeyncha'a apkeltámeséyak se'e: —Sẽlxekmóso, ¿Yaksak ektéma aptéma nak meyke apakta'ák xa énxet nak? ¿Enxeykel'a keñamak ma'a ekteme nak megkalya'asáxma enchána, esenhan ma'a mey'asáxma apagko' nak?

SAN JUAN 11:8

Aptahak axta apkeltámeséyak apcháneya Jesús se'e: —Sẽlxekmóso, kaxwo' axta agkok apmokók yakhek xép énxet'ák judíos ma'a yókxexma nak, cham'a peya axta kólyetnak meteymog, ¿apmokóya emyekxak makham ma'a?

SAN JUAN 20:16

Aptahak axta Jesús se'e: —¡María! Peyncháxkók axta ekpayheykxoho apkenmágkaxa, entahak axta eyáneya hebreo appeywa s'e: —¡Rabuni! —(nenteme nak nempeywa: “sẽlxekmóso”).

FILEMÓN 1:16

Metnehek sat kaxwo' apmomap kéltemesáseykha aksal'a, kamaskok sat exhok kaxwo' ma'a énxet apmomap la'a, sat exhok kaxwo' ma'a aptémakxal'a egyáxeg negásekhayókxa nak. Awanhek ko'o seyásekhayo Onésimo, keñe exchep eyéméxko eyeykhásamhok apchásekhayo ekwánxa nak ko'o seyásekhayo xa egyáxeg nak, háwe ekwánxa agkok ma'a nentemésesamakxal'a énxet, akke tásek etnésesek ma'a nentemésesamakxal'a anlának egyáxeg nentémo xamo' nak magya'áseyam Wese' egegkok.