SAN MATEO 23:5 - Lengua Sur (Enxet) Nuevo Testamento

⁵ Exekmóshok nahan cha'a énxet'ák ma'a ekyókxoho aksok apkeláneyak nak. Apmenyék nahan keytek Dios appeywa kéltáxéso ekpayhakxa nápát, tén han ma'a apaktegák nak, apmenyék nahan elyáncheshok elmakheykha napwa'ék apkelántaxno.

SAN MATEO 23:5 Referans Kwoze

SAN JUAN 12:43

Axta apmenyék énxet'ák ma'a nentémakxa eklekkesamo nak apwáxok antehek énxet keso náxop, keñe axta eyesextoho apmopmenyého m'a nentémakxa eklekkesamókxa nak apwáxok antehek Dios.

FILIPENSES 2:3

Nágkóllána aksa xama aksok eñama enxoho m'a kélenmexamaxche nak esenhan ma'a kéleymáxkoho nak, wánxa agkok, kóllána cha'a aksok yetlo megkeymáxkoho kélwáxok. Nágkaxén aksa kélwáxok ektakmela kéltémakxa kéxegke. Kaxén aksa kélwáxok ektakmela apkeltémakxa m'a pók énxet'ák nak.

SAN JUAN 5:44

Kélmenyék agkok cha'a kéxegke kóltehek kéláyo kélmók, ¿háxko katnehek heltehek mehelya'áseyam ko'o, megkólchetama enxoho m'a ektakmela senxeyenma nak Dios aptaha nak wánxa xama?

SAN LUCAS 16:15

Aptahak axta apkeláneya Jesús se'e: “Máxa cha'a kéltemék kéxegke ektakmela kéltémakxa nápakta'awo' énxet'ák, apya'ásegkok eyke Dios ektémakxa elchetamso kélwáxok kéxegke. Aksok apkenagkama nak katnahak ektakmela agko' énxet'ák, cháxa megkaleklama nak apwáxok Dios xa.

SAN LUCAS 20:47

elyementók nahan cha'a axanák ma'a kelán'ák tampe' nak, ahóxek nahan cha'a katnehek aptamhéyak nempeywa nelmaxnagko yakwayam ekpósek xa apkeltémakxa nak. Awanhek sat katnehek kéllegasáseykegkoho xa énxet'ák nak.”

FILIPENSES 1:15

Nakso' nahan apkeltenneyncha'a nápakha énxet'ák amya'a eñama nak Cristo, eñama m'a apnathé nak pók, tén han eñama m'a apkelenmexamap nak, wánxa agkok, nápakha énxet akke apkeltennáha yetlo ektakmela elchetamso apwáxok.

SAN JUAN 7:18

Enxet ektahakxa enxoho apkeltenneykha m'a ektahakxa enxoho elchetamso apwáxok, eltennaha cha'a yakwayam enxoho katakmelek apxeyenma énxet; keñe m'a énxet apkeltémo nak katakmelek apxénamap ma'a ektaha axta apcháphaso, ekmámnaksoho cha'a katnehek apkeltenneykha xa, méko nahan katnehek xama aksok kélxéncháseykekxoho aptémakxa.

SAN MATEO 9:20

Keñe axta ekyo'ókmo Jesús xama kelán'a ekweykmo axta doce apyeyam ekháxamáxche, axta kamassegweykmók ektepeykekxa cha'a éma agkok xa kelán'a nak, neptámen axta keñamak ekyo'ókmo, paknegwokmók axta napwa'a apchaklamap,

2 TESALONICENSES 2:4

Cháxa peya nak yenmexek ekyókxoho aksok kéltéma nak Dios xa énxet nak, tén han yenmexek ma'a ekyókxoho apchayókxa nak énxet, kawomhok sat nahan appekkenwayam aptaháno m'a kañe' Dios tegma appagkanamap apagkok nak, eltemésesakpok sat Dios.