SAN MATEO 23:34 - Lengua Sur (Enxet) Nuevo Testamento

³⁴ Ekeso eñamakxa peya nak ko'o aláphaksek kélnepyeseksa kéxegke énxet'ák apkellegaso nak Dios appeywa, tén han ma'a énxet'ák apkelya'áseykegkoho nak ektémakxa Dios appeywa, tén han ma'a énxet'ák apkelxekmósamo nak apnámokkok. Kólnápok sat eyke kéxegke m'a, aksok ektegyéso sat nahan kólyepetchesek nápakha, kañe' apchakneykekxexa judíos sat nahan kólnáhapmakha m'a nápakha, kólántaxmakha sat nahan nátegma kólmenxenmakha.

SAN MATEO 23:34 Referans Kwoze

SAN MATEO 13:52

Keñe axta aptaha apkeláneya Jesús se'e: —Apkeltámesamakpek agkok énxet apkelxekmóso nak apnámokkok ektémakxa segánamakxa m'a aptémakxa nak Wese' apwányam Dios, máxa etnehek ma'a énxet ekhal'a apxagkok, ey'asagkohok elhexyawásekxak ma'a aksok axnagcha'ák, tén han ma'a aksok apák nak, cham'a apnegkenmakxal'a aksok apkeltakmelcheso.

COLOSENSES 1:28

Nenlegasegkek cha'a negko'o apwesey Cristo, agméshok nahan cha'a negko'o nempeywa apyókxoho énxet'ák, nelxekmósegkek nahan cha'a apyókxoho énxet'ák ekyókxoho ektémakxa nak negya'ásegwayam, yakwayam enxoho annaklók ma'a aphamakxa nak Dios yetlo ekyennakwayam apteme melya'áseyam eñama apkelyepetcheyo Cristo.

LOS HECHOS 13:1

Apheykha axta énxet'ák Dios appeywa apkellegaso m'a apchakneykekxexa nak énxet tegma apwányam Antioquía, tén han ma'a énxet apkelxekmóso nak apnámokkok. Bernabé axta m'a, tén han ma'a Simón, (apkeltamhomakpo axta nahan appeysyam), Lucio apkeñama Cirene axta anhan ma'a, Menahén axta anhan ma'a (aptaha axta apkektegeykegkoho xamo' Herodes, cham'a aptéma axta wese' apwányam yókxexma Galilea), Saulo axta nahan ma'a.

SAN MATEO 10:23

Kélmenxenáha sat agkok kéxegke xama tegma apwányam, kólmohok sat kólenyahagkok pók tegma apwányam; hakte ewatak sat aptaha nak Apketche énxet neyseksa megkólsawhomo kélmaheyak apyókxoho tegma apwányam yókxexma Israel. Nakso' xa sektahakxa nak seláneya kéxegke.

APOCALIPSIS 11:10

Kalpayhekxak sat nahan apwáxók énxet'ák apheykha nak keso náxop apkeletsapa enxoho xa. Kalpayhekxohok agko' sat nahan apwáxók, emlasakpok sat aksok apméso naksa cha'a pók, hakte cháxa apkánet énxet ektaha axta apkellegaso Dios appeywa apkellegasáseykegkoho agko' axta cha'a xa énxet'ák nak.

HEBREOS 11:37

Nápakha énxet axta anhan kélyetneyk meteymog aptekyawoma, keñe axta anhan nápakha kélpáxkatma nepyeseksók aptekyawoma, keñe axta anhan nápakha énxet apkeletsapma eñama kélyetxéyak sawo; yetneyk axta anhan énxet'ák mexneykha axta aksa, wánxa axta aksa apkelántaxno m'a nekkések apyempehek tén han ma'a yát'ay apyempehek; apyósekak axta xa énxet'ák nak, kélnaktawáseykegkók axta anhan xa.

1 CORINTIOS 3:10

Ko'o eyke sekteme sémha emonye tegma apkelánamap, ektaha axta apkeltémo Dios alának tegma apówhak ekyennaktésamakxa nak, pók énxet akke ektaha apkelané xa tegma nak. Wánxa agkok, negyókxoho eyke kéméxchek antakmelcheshok nenlané xa tegma nak.

1 CORINTIOS 2:6

Wánxa agkok, negmáha eyke cha'a negko'o nempeywa eñama negya'ásegwayam nepyeseksa m'a énxet'ák ektaha nak ekyennakwayam apteme magya'áseyam, háwe eyke eñama m'a negya'ásegwayam ekyetna nak keso náxop, háwe nahan eñama m'a kelwese'e nak keso náxop, cham'a peya nak kanyehémhok elmassegwók.

LOS HECHOS 15:32

Dios appeywa apkellegaso axta anhan ma'a Judas tén han ma'a Silas, ékeso eñamakxa apkelpeykesásékxo axta apwáxók ẽlyáxeg'a eñama m'a apkelpeywa, apkelwaskakkáseykxók axta anhan.

LOS HECHOS 14:19

Chakhawók axta nahan apkelwokmo nápakha judíos apkeleñama Antioquía tén han apkeleñama m'a Iconio, apyakmagkásesek axta ektahakxa elchetamso apwáxók énxet'ák. Keñe axta kélyetna'a meteymog Pablo. Xama axta apcháneya yetsapak Pablo xa énxet'ák nak, nepyáwa tegma apwányam axta kélyensakmok.

LOS HECHOS 12:2

Apkeltamhok axta Herodes kólyetxak sawo ekwenakte kólakhek ma'a Santiago, aptaha axta Juan apyáxeg.

LOS HECHOS 11:27

Nápakha Dios appeywa apkellegaso apkeleñama Jerusalén axta anhan apkelmahágko ma'a Antioquía, cham'a ektéma axta xa.

LOS HECHOS 5:40

Keñe axta Kéláneyeyncha'a énxet'ák seykha amya'a, kélyekpexchetágkek axta anhan, axta kóltamhok cha'a elenxanmohok apkeltenneykha Jesús apwesey; keñe axta kélchexeykxo.

LOS HECHOS 1:8

Wánxa agkok, apwa'ak sat agkok Espíritu Santo kélnepyeseksa kéxegke, kólxawak sat kélmowána, kólxog sat nahan cha'a yakwayam kólxének sekwesey ko'o, Jerusalén, tén han kólmahagkok ma'a ekyókxoho yókxexma Judea, tén han ma'a Samaria, kawomhok sat nahan kélmaheyak ma'a eyátépexa nak.

SAN JUAN 20:21

Keñe axta aptaha makham apkeláneya Jesús se'e: —¡Meyke ektahakxa kélwáxok sat katnehek kéxegke! Eláphásek ko'o kéxegke ekhawo ektahakxa axta seyáphaso ko'o Táta.

SAN JUAN 16:2

Kólántekkesek sat kéxegke apchakneykekxa nak judíos, keñe sat kammok nahan ekhem yakwánxa nak yának elának énxet ma'a ekleklamókxa nak apwáxok antehek Dios, cham'a apkennapa enxoho kéxegke xa énxet'ák nak.

SAN LUCAS 24:47

kóltennaha sat ekyókxoho yókxexma amya'a eñama nak Mesías, Jerusalén sat kólénhok sekxo', yakwayam enxoho elyakmagkasek apwáxók énxet'ák, yakwayam enxoho megkólyakmagkásekxék ma'a apkeltémakxa nak melya'asáxma.

1 TESALONICENSES 2:16

Negmokók agkok cha'a negko'o óltennasha amya'a eñama Dios ma'a énxet'ák metnaha nak judíos yakwayam enxoho nahan elwagkasakpok teyp, wánxa agkok, meheghók eyke cha'a énxet'ák judíos. Cháxa ektahakxa nak ekyeykhágwokmoho apteme melya'asáxma xa. Kaxwo' eyke, wa'ak yakwayam ellegásesagkohok ekmaso agko' Dios xa énxet'ák nak.

SAN MATEO 23:31

Kélyekpelchágwokmek kéxegke aptaha apkelnapma Dios appeywa apkellegaso m'a kélyepmeyk nano' kéxegke, cháxa kéltahakxa nak kélpeywa.